25/6/24

 25/6/24     TUE     VERY HOT

今日都仲係好熱，再咁熱法都唔知著咩返工！今日繼續輕鬆工作，只係課室又熱，跟住電話同風扇都冇電，返啲返屋企算！接埋細佬返去就倒埋垃圾，煮tea同休息，整定隻雞就今晚食雞絲烏冬，然後都係繼續睇慶餘年，未開始食佢地就返到，踢完波返嚟，咁就一齊食，之後睇英格蘭，和波都出線！

24/6/24

 24/6/24     MON     VERY HOT

今日真係好熱呀，好在今日回復正常的week B，我又可以悠閒番，好似好耐冇試過咁舒服！其他堂都冇咩，最尾PE堂真係頂唔順，好熱又曬喎，所以臨放學要去洗個面加轉水先走，接埋細佬返屋企，等仲仲出去踢波，我又整嘢食同睇慶餘年時摺衫！7點要煮飯，不過咁熱真係唔想食熱嘢，明天都係整吓冷麵！食飯時睇波，意大利臨尾一分鐘入波追和出線，太戲劇性啦！

23/6/24

 23/6/24     SUN     HOT

今日冇出過街，10點多起身食早餐，食得飽飽唔願郁，hea到中午，同阿媽講完電話，老公去後園做嘢，我都要吸塵丰地做清潔，尤其是佢地個廁所，仲話下星要招呼人嚟sleep over，dirty到呢！跟住時間我繼續煲慶餘年同打機，期間整咗嘢食，仲整咗涼粉，太熱啦要食吓呢啲消暑！晚飯主力老公煮炸醬麵，好好味呀！再一直睇到10點多先沖涼！

22/6/24

 22/6/24     SAT     HOT

今朝好晏先起身，琴晚太夜啦！起身煮麵食完就出去買餸，當然飲埋咖啡！買完餸返嚟都3點多，冇咩食嘢只係食咗冬甩同個粉絲，不過都做唔到家務，教咗仲仲一陣功課我已經爆炸，推咗比子元，數學嘛佢教得好過我，然後摺埋兩機衫睇慶餘年，又可以睇好耐，好劇唔怕再睇！晚飯老公整福建炒飯加豬扒，超正！

21/6/24

 21/6/24     FRI     HOT

又捱過一星期啦，今日都幾搞笑，頭兩堂個學生冇返，諗住搵其他又搵唔到，最終吽咗兩堂，小息個學生又返嚟，咁都要上堂，好在係喺電腦房嘅數學，飯後就foodtec，可以話輕鬆，咁就過𡊰今日可以收工，去藥房攞埋藥返屋企食tea，然後出去，首先係仲仲練波，然後要揸一個鐘車去同香港人練波，都係比子元有得玩吓，本身我都諗住睇但， 真係好凍，都係返上車等，踢到10 點返去買得麥記都11點2嬸12 點，食得嚟沖涼都點幾！

20/6/24

 20/6/24     THU     HOT

今日其實都激氣都攰，不過我覺得有得去替吓飯更係輕鬆啲，返到去都有啲晏，頭兩堂都要留喺大房，都辛苦架因為根本冇得休息，跟住做咗兩堂飯更自己再放咗個長飯好好，再返去捱埋嗰一個鐘先收工，因為叫咗子元揍仲仲就唔洗咁急，始終未咁渣咁快！返到嚟都係hea，老公又早放可以睇波，可惜英格蘭和波！子元要練波，等埋先開飯所以9點先開飯！

19/6/24

 19/6/24     WED     HOT

今日終於要返工啦, 抖咗兩日, 反而開始有啲lazy, 但都係要返工架啦, 所以都早啲起身, 因為今日唔可以渣咁快, 順利返到去, 今日學生返半日, 我又要跟條煩友, 所以半日非常好, 基本上可以唔理佢我就唔理, 佢堅係有問題, 1點放哂學, 返大房咩人都冇, 我都係食咗飯先, 然後返去大房都係"扮工", 扮到夠鐘就放工, 重傷完開工第一日算係好好彩! 慢慢返屋企, 仲去超市買咗啲嘢, 今晚老公同子元去踢波, 仲要去好遠, 所以我同仲仲食自己, 勁簡地整咗pizza同沙甸魚通粉咋, 難得佢鍾意食! 食完hea 到咁上吓去沖涼啦!

18/6/24

 18/6/24     TUE     HOT

今日繼續請假一天, 因為真係唔合適返工, 抖埋今日啦, 要返架啦! 朝早收到話學校門口有芒果攞, 就去攞咗六隻返嚟, 不過得4隻食得, 今日唔係咁想做咁耐蟲蟲, 所以開咗電腦做吓嘢, 又幫Barry搵吓屋咁啦, 另外又幫仲仲訂埋year 6件衛衣, 當然睇住電視啦! 夠鐘就去揍仲仲放學, 返嚟繼續休息吓, 老公要揍仲仲去踢波, 咁就等埋佢地先開飯, 本身諗住又睇番一輪慶餘年, 但孖女阿媽打嚟又傾咗一輪, 7點多先煮飯呢! 

17/6/24

 17/6/24     MON     WARM

今日請咗假，所以除咗揍細佬返學放學，我都喺屋企休息咋！唯有開始睇吓劇，仲有摺埋啲衫，跟住就開慶餘年嚟睇，差不多睇足一日，只係整熱番個飯食咋！咁可攤抖吓都係好事，反正今日有半日要training，最鬼怕！仲仲要練波，子元要幫手煮飯，雖然簡單嘢，但都叫做煮到，唔錯！

16/6/24

 16/6/24     SUN     WARM

今日只係出咗去買餸買咖啡，早餐食咗沙嗲牛肉，正！買完返嚟食埋午餐，簡單食餃子同冬甩，同埋睇歐洲國家盃，好悶呀呢幾場都！幾經辛苦做埋清潔，可以hea吓，不過打機打到悶，8點幾食飯，今日叫做用到右手，已經好唔錯！明天後天都請咗假，老公叫我唔好返，危險！

15/6/24

 15/6/24     SAT    RAIN

今日淨係出咗去Costco買嘢咋，傷者都唔應該周圍去，本來諗住淨係子元同老公去，但我都想出吓去，咁就一齊啦！有子元幫手推車抬嘢幾輕鬆，買埋午餐就返屋企，食完嘢放好哂就可以休息跓，仲要摺埋衫，得9隻手指摺衫真係好吃力！睇咗兩場歐國盃，晚餐食牛扒，切好哂呢！

14/6/24

 14/6/24     FRI     WARM

今日返到去又話要跟煩友，咁就一日都好攰啦，頭兩堂還好，我仲畫咗公仔，小息後嚟料，好在我放咗半堂飯，冇眼睇！飯後geography代課，係講國語老公用BNOvisa的人，都同佢吹吓水，但班學生太顛，都要call吓人，點知條顛妹又喊又嘈，搞到個老師又要同佢講一輪！最尾PE堂我真係唔想理佢，終於放學，唔知係車多定太攰，我又炒車，今次炒到右邊身，最大穫手甲爆咗，仲要右手手指公，右手踭流血，總之失去活動能力，食嘢都好辛苦，沖涼更加！子元今晚去謝師宴，唔知好唔好玩呢！

13/6/24

 13/6/24     THU     WARM

今日要開工啦，返到去先知，原來琴日計埋我有6個同事請咗假，誇張！相反今日學生唔多返而我地好人齊！因為今日enrichment day，其實都好多學生借啲二唔返，咁老實今日係幾無聊！我都差不多睇哂成本書，放工就走得，今日啲阿姐全部都唔喺到，真係好輕鬆！返到去都係hea，有咩好做呢都係睇電視，7點多煮飯，食完仲睇咗集慶餘年第！

12/6/24

 12/6/24     WED     WARM

半夜已經痛醒咗幾次，又尿道炎，頂！唔理啦我今日請病假，不過都瞓得唔好，又要預番時間請假啦，同埋仲爺都要返學，我一樣要平時咁準備，8點正打去book GP，咁先book得到架，要求最早睇，都要9：20，咁揍完仲仲返去執埋嘢就出門口，去到等咗15分鐘以上，不過睇到好人醫生，佢都檢查得好詳細，都係要驗尿再去攞藥啦，但藥房冇我隻藥，要去另一間藥房配，搞掂就返屋企，休息咗一陣，要開始幫手搬嘢，老公又買咗整後花園嘢，搬咗一輪要食午飯先，再搬第二轉，仲要動用埋隔離屋樓下，因為太大上唔到樓梯！搬好又要去揍細佬，回來後我真係要休息，煲咗飯就做蟲蟲！

11/6/24

 11/6/24     TUE     COOL

今日都係辛苦的一天，簡單啲嚟講佢都係主力比人趕出課室啦，我真係冇佢咁好氣，佢鍾意點就點啦，我都係要扮工！只係辛苦我要寫report，完咗一日我真係好攰啦，返去我要休息啦，不過都要摺埋啲衫，最後仲要煮埋飯，唔記得解凍唯有食一盒盒！今日除咗攰冇嘢講！

10/6/24

 10/6/24     MON     COOL

今日返到去先知要跟條麻煩友，都唯有跟住做，頭兩堂都冇咩嘅，之後代課係嘈架啦，但都叫做冇搞事，但小息之後開始嚟料，啲老師好恰啲就玩嘢，係咁打斷課堂，比人送咗去GNS都係唔合作，到PE堂更唔合作， 又早走又係都要走入去大房，攔都攔唔住，完全唔聽指令！最終迫我email二姐，陳述其罪狀，但佢最尾嗰堂都係迫得老師送佢走，去到其他課室照樣發聲令其他人分心，完全唔知佢係控制唔到定玩嘢！終於放得學，比佢玩咗一日，聽吓三叔輕鬆吓！返屋企食嘢做蟲蟲，抖到7點先煮飯，終於有得睇慶餘年啦！

9/6/24

 9/6/24     SUN     WARM

今日瞓到10 點幾先起身，食早餐後諗住去broadway攞仲仲隱形眼鏡同去馬莎買方包就算，點知入咗間759行行吓老公就買咗料話今晚打邊爐，返去食埋午餐就休息，老公繼續整後園，我到咁上吓就預備打邊爐料，要煲雞湯做湯底，等佢地整完沖埋涼就食，打邊爐係勁浪費時間，洗得碗都10點多先沖涼涼！

8/6/25

 8/6/25     SAT     WARM

今朝仲仲要踢波, 所以老公要8點幾起身出去, 咁我就hea到差不多10點先起身煮早餐, 摺埋啲衫都12點幾1點, 本來諗住等仲仲沖完涼出去食, 但最終都係叫外賣算, 食完我地出去睇床墊同梳化, 仲要幫barry問吓地產鋪, 最終幫佢攞咗個email, 叫佢自己再搵吓啦, 咁耐先send 得嗰幾間, 點會有人覆呀, 佢講極都唔明! 最終去咗睇到張床墊係勁硬, 超正, 不過未有錢買, 等出咗糧先算! 去超市買埋餸就返屋企, 本來老公諗住整花園, 但點知廳燈甩咗, 老公又搞咗一輪, 我就要做清潔! 之後老公同炮哥佢地吹水, 我就煮晚餐, 因為整肉醬意粉啫, 點知一開廚房燈又短路, 好在而家好遲先天黑仲有時間整番先開飯! 食完就要沖涼休息啦, 好攰!

7/6/24

 7/6/24     FRI     WARM

終於捱到星期五，返到去上半場有得hea，睇書打機都做哂，小息仲可以喺出面hea唔洗留喺房，提早食飯可以食耐啲，休息吓！下半日終於要做吓嘢，最後兩堂上food tec，要整蛋糕仲要同Noor，真係好攰，又要比佢整吓又要留意住佢唔可以生食，幾辛苦捱到放學，送走Noor見到香港人個學生，啱啱考完就同佢吹陣水，順手交換埋電話，點知飯筒突然出現，好在冇比佢睇到交換電話但佢都冇問，我仲識答話講緊求先個考試，佢冇證冇據都耐我唔何！總之見到佢就煩！夠鐘走人可以返屋企食嘢，不過休息不久就要出門口， 子元同仲仲都要踢波，咁我又要跟埋去，要自己踩車返嚟，整意粉食就算！

6/6/24

 6/6/24     THU     WARM

今日諗住輕鬆，點知臨時改咗我跟Noor，好攰！最慘係我琴日架車竟然唔記得叉電，好彩捱得到返到學校，冇選擇只可以攞入去大房叉，大姐喺到架但都唔理得咁多，最慘係轉人跟又講到一舊舊，講完跟Sarah但唔夠30秒又叫我帶個agency去Sarah到，然後又話跟Noor，差不多即刻要我走咁，佢真係好乞人憎！終於今日就好攰，好處只係冇時可以唔理佢，比佢畫嘢就得！終於放學走得，接埋仲仲返去終於可以hea，6點幾先煮飯！

5/6/24

 5/6/24     WED     WARM

今日全日都係做cover工作，輕鬆！頭兩堂炒散唔係打機就係發吽豆，都係好事！小息都要去做吓樣，跟住跟Daisy一堂，本來PE堂唔開心，因為條腰痛唔想企，不過有得跟Letty佢地吹吓水幾開心！之後做兩轉cover都冇咩，只係搵唔到個學生囉，學校啲data都唔update好難做！因為遲咗放飯又遲咗，好餓！不過可以同另一個學生吹水都輕鬆！終於有飯開，食完又要返去跟Daisy，準時收工，本來仲仲after school club但今日cancel咗，變咗我要接咗佢先再去買餸！返屋企要休息了，腰痛，老公都醒目返嚟整埋餸先沖涼，咁就早啲煮飯食，可以睇咗兩集慶餘年！

4/6/24

 4/6/24     TUE     WARM

今日仲仲都要返學啦，早咗出門口都好塞！今日終於輕鬆啲，跟Daisy真係好輕鬆舒服，仲冇大把時間做自己嘢，可以畫畫睇書咁仲想點！連放飯時間都可以自己安排，難得！最尾嗰堂要跟另一個，仲好可以早啲走！揍埋仲仲返去倒士山垃圾可以食嘢休息，差不多時間先煮飯摺埋衫！

3/6/24

 3/6/24     MON     WARM

今日要開工啦，好在仲仲未洗返學，我可以輕鬆啲，直接返工就得！今日要跟條麻煩妹，我絕對係抱住唔理佢嘅狀態，未到非必要都唔出手！頭幾堂都冇事，老師夠壓場嘛！飯後嗰兩堂就煩啦，又話敏感眼痛又要去攞冰又周圍行唔上堂，總之就煩啦！夠鐘就收工，又唔洗揍仲就可以慢慢！返到去都係食嘢同休息，當然都要預備晚飯等等！

2/6/24

 2/6/24     SUN     WARM

今日醒就一早醒咗架啦, 不過hea到10點幾先起身, 又唔想咁好天喺屋企就算, 所以最終去咗榮業食, 順手行吓超市, 都係出吓去咁解啫! 返屋企老公要幫我Check車, 最終都冇得整, 老化咗冇辦法! 然後同阿媽傾電話, 摺埋啲衫仲仲又叫我陪佢打機, 期間又要預備吓晚飯, 咁就過埋term break最後一日啦! 仲仲明天仲有得放假, 所以老公都要放一日陪佢呢! 

1/6/24

 1/6/24     SAT     WARM

今日冇咩計劃要做咩，主要買餸，起身食早餐後就出去買餸，當然仲要買咖啡等等！去完超市試埋油站新開的burger king，但都係唔好食！食飽就做嘢，老公同子元整花園，我就洗車同做清潔，好攰呀！唔覺唔覺就7點，叫老公收嘢因為要準備晚餐同睇歐聯決賽，冇意外係皇馬勝！睇完就沖涼瞓覺！