26/7/26

 26/7/26     SUN      HOT

今日繼續係準備去買餸的日子, 因為又冇冰喺屋企所以去咗買starbuck, 然後就去埋B&M買啲日用品, 最後先去超市, 今日買咗好多嘢呀, 冇法啦, 暑假三餐都要食, 你又唔想同平時返工返學咁, 係要有啲變化! 返到嚟老公話整燒鴨食, 咁就有燒鴨瀨粉食啦! 5點多老公話要帶仲爺去加操, 咁我就hea吓同埋煮晚餐, 簡單地蒸雞配薑葱, 因為下午都食得好夠飽! 洗埋碗食埋雪糕就沖涼休息!

25/7/26

 25/7/26     SAT     HOT

今日7點幾就醒咗, 有啲蝕! 9點幾起身之後就煮早餐, 今日諗住去IKEA, 好多嘢要買, 去到先發現好多位都重置緊, 所以都空咗好多, 不過唔影響, 我地都係買家品, 終於買個新的垃圾桶, 要放棄一星期先掉一次垃圾, 實在太熱就太多蟲蟲, 搞唔掂! 然後都係買埋其他嘢咁, 碗呀枕頭呀叉電呀等等, 買完就返屋企先整嘢食啦, 我就收拾吓啲廚具, 然後又醒起南下可以去探吓德德, 又傾咗一陣, 仲爺出咗去比賽, 咁我整定咗啲餸先, 再執佢間房, 因為真係又亂又dirty, 咁又做咗兩個鐘, 煮得飯嚟佢地都返到, 咁就食完沖涼休息!

24/7/26

 24/7/26     FRI     HOT

今日又好似熱番啲咁, 定係今日又做家務咁, 所以覺得熱咗! 朝早仲爺10點都未肯起身呢, 整咗早餐就叫佢地食, 食完就學習時間, 今日都係做吓法文同中文, 玩到唔知時間, 因為仲爺要踢波, 老公差不多返到問先記得, 快手叫佢換衫, 到佢出咗去我又只係hea同煮咗午餐食, 跟住就做清潔, 但撞正仲爺踢完返嚟又有啲阻住囉, 4點幾佢又出去踢第二場, 我就晾埋衫都係hea, 做咗腹部運動架, 但又食番餐麥記, 白做! 然後都係沖涼休息啦!

23/7/26

 23/7/26     THU     HOT

今朝仲爺10點要學音樂, 所以要早啲煮早餐佢食, 學完音樂又到學習時間, 今日係Geo科咁學校本身有功課就做啦, 下午的數學時段都供埋出嚟做啦, 咁今日都做哂, 其實重點係我琴日已經問咗AI, 佢開番嚟睇就有個大概, 本來想佢自己用AI search, 但佢個AI冇咩train過, 完全答唔出要的答案, 所以都係用我嗰個啦, 佢係要寫番出嚟做吓排版咁, 不過佢呢方面都好差, 我又唔係好可以幫佢, 所以都係由佢自己嚟啦! 午餐都係同琴日差不多, 因為買咗啲料返嚟唔會一餐食得哂, 所以成日都係會重覆, 5點多要揍佢去麥記同老公會合佢去跑步, 咁我又要返去預備晚餐料等老公返嚟煮雞煲, 今次嗰個夠spicy, 食到出哂汗!跟住都係沖涼休息啦!

22/7/26

 22/7/26     WED     HOT

今日要揍仲爺去牙科檢查, 所以早啲食咗早餐就溫習, 咁11點就出門口, 撘巴士過去原來都仲係好熱, 好在車程都唔算太耐! 去到又要等一輪先到啦, 好在仲爺都好合作, 同埋佢啲牙都好靚仔, 係大牙出緊, 幫佢整咗啲強化法朗質上去, 咁跟住又撘番巴士返去, 去咗 Lidi買咗啲嘢再行返去, 又繼續宅在家, 整咗午餐先, 今日食冷麵, 都有版有眼架! 然後就係下半場溫習, 今次到英文, 輕鬆地睇吓嘢就算啦! 跟住就係休息啦, 我都好攰咁! 仲咗吓work out, 又繼續二刷我套逐玉, 晚飯叫子元學吓點切雞翼等等, 要佢學吓點煮嘢架啦! 老公沖完涼就煮埋下半場, 食完飯就洗碗沖涼休息!

21/7/26

 21/7/26     TUE     WARM

今日正式咁做開始暑假啦, 老公返咗工, 我已經醒咗但都喺床hea到8點幾先梳洗, 因為要煮早餐嘛, 跟同AI相討出嚟的餐單煮, 其實都只係想冇咁悶啫, 就整咗個好有儀式感的早餐出嚟, 食完差不多就要開始仲爺的學習時間, 都順利完成, 到我抖吓又要整午餐, 不過今餐係食pizza同沙律菜, 然後就係繼續下午時段學習, 今日咁啱都係數呢, 做完就自由時間, 佢又想出去玩, 咁就陪佢去咗球場, 都有一齊打咗陣, 但我唔會發力, 怕未好哂, 所以都係輕度咁玩, 然後都係佢主力自己射波! 到4點幾就返去啦, 佢晏啲又要踢波, 子元又要踢波, 所以晚飯又比較難遇, 碟頭模式多! 洗埋碗我都沖涼啦!

20/7/26

 20/7/26     MON     HOT

今日喺酒店都瞓到8點幾先醒算係咁, 琴晚實在係太夜了! 起身梳洗就過去葉家屋企食早餐, 都係我地帶咗沙嗲牛嚟佢地出丁麵咁啦, 11點幾我地都要走, 一來想去一轉偉義行, 二來2點半要返GP覆診, 都係要早啲走, 所以快去行完中超買咗要買的後就回程, 返嚟放低嘢去個廁就要出門口, 去到GP檢查個環, 又話條線頭搵唔到, 會再安排去照ultrasound睇清楚個環仲喺唔喺入面, 不過超過6星期了我都冇正常M嚟, 所以應該只係線頭走咗入去, 唔係甩咗, 但都係要再約去照, 冇咩可以做! 但我心理感覺上就唔多好囉, 沒完沒了咁! 返屋企之後因為唔想煮, 就去咗路口食波蘭餐廳, 食完返去仲爺又要預番時間去踢波, 咁我就摺衫晾衫休息吓, 仲有寫埋佢暑假個時間表, 明天開始要學習, 已經比佢偷懶咗一日! 返到嚟就開飯食完沖涼休息, 今日好攰, 琴晚實在太夜瞓!