26/10/26 MON RAIN
今朝9點多就出咗門口, 好忙碌的一日! 仲爺要去比賽, 一個鐘頭車呀! 去到我都係搵個位坐好打個機, 仲爺開始有得踢時咪睇吓囉! 跟住本身係諗住去Taka食嘢, 點知仲爺冇鞋, 結果又要返去換鞋, 跟住先去食嘢, 仲叫老公快寄埋啲嘢返香港, 因為喺正Taka隔離! 食完嘢就去Ealing Broadway, 第一次泊車泊咗半個鐘先撞啱有位泊得到, 可能因為落雨啦! 終於泊好就去買嘢, 幫子元買長袖衫, 仲有去superdrug買咗好多嘢, 咁啱減價嘛入定貨! 跟住就去埋M&S同T4, 然後就去驗眼啦, 我都知老花係深咗架啦, 不過要配一副好啲要差不多400鎊, 真係唔係一時間比得起, 所以我話過兩個月先嚟配, 因為老公會出bonus! 搞掂就差不多返去, 但都埋Lidl買咗少少嘢, 返到去仲要洗衫晾衫, 老公就煮飯啦, 食完睇埋Mirror綜藝, 9點多就沖涼休息!
25/10/26 SUN WIND**
今日只係出咗去買餸, 因為今日開始轉冬令, 所以6點幾就醒咗, 其實因為已經算係7點幾, 但都hea到9點幾先起身, 因為真係肚餓啦, 食咗早餐又再晾埋啲衫摺埋啲衫先出去買餸, 因為term break都唔會日日喺屋企食, 所以又買少咗嘢, 返嚟開波睇曼聯點比人數, 點知真輸3粒, 老公煮咗碗仔翅做午餐, 仲爺又悶到捉咗我玩大富翁, 玩完佢就叫肚餓, 但其實只係5點幾咋喎! 不過我都有啲餓, 所以都早啲煮飯啦, 6點幾就食得, 因為老公琴晚已經整咗牛腩, 只係將佢變成咖哩牛筋腩! 好好味! 食完洗埋碗都係7點幾, 所以睇埋老公話好睇嗰套戲, 咁9點多先沖涼啦!
23/10/26 FRI RAIN WIND
今日知道會打風, 已經係咁check定天氣, 見返學時間都唔算太大雨, 所以只係著咗防水褲, 雨褸都唔洗著, 返到去照開工啦, 今日其實好多學生都冇返, 所以hub都冇咩生意, 但部門就有啲隱隱, 表面冇嘢架, 但啲後生女唔識做, 向阿姐投訴埋啲無聊嘢, 話我地貼咗名喺位, 老實霸位就梗架啦, 你冇料冇support咪冇囉, 投訴都冇用, 阿姐都係要出吓email咁啦, 之後我入房攞嘢佢都有講話佢之前收到話我喺課室有用電話, 不過佢都係巡例講聲, 呢啲咪識做阿姐囉, 知道咩係合理咩係唔合理, 不過而家個部門都係口和心不和, 都係煩架啦! 今日仲有一單我爸是李剛事件, 本身有同事想趕兩個成日態度差的學生唔喺lunch club, 我都係聽講冇fact check, 總之簡單嚟講就係其中一個女學生話佢阿爸係議員, 所以HOY就怕怕地, 為咗斬腳趾避沙蟲, 話遲啲會安排只有有CARE PLAN的學生先可以入嚟, 真係冇嘢搵嘢嚟搞! 放工見冇落雨, 我就去埋天天買埋今晚打邊爐料, 不過今日真係好大風, 果然係打風! 仲爺踢波, 咁我就洗埋晾埋衫, 再整埋個蘿蔔海帶湯底, 老公返到嚟先整埋沙哆湯, 咁就一路食一路睇地獄大狀, 一睇就睇咗幾集, 因為實在太緊張啦, 結果睇到11點先去沖涼呢!
