10/10/26

 10/10/26     SAT     COLD**

今日仲爺朝早都係去咗練波, 我起身就收番埋個冷氣先煮早餐, 都搞咗一輪呀可惡! 所以煮得早餐嚟佢地都返到, 咁我都還埋仲爺想食的茄醬意粉, 唯有係咁啦! 食完早餐老公要睇埋阿仙奴先出去買餸, 所以過得去都3點幾, 買完返去又可以繼續睇曼聯, 好睇過阿仙奴好多! 夠哂味呀! 睇完就等老公煮晚餐, 今晚簡單啲只係食牛, 仲爺就牛丼烏冬, 我地就水煮牛, 正! 食完同哥哥傾吓電話, 條友仔兩個幾星期啫, 就已經瘦咗, 果然係日行夜行有運動又食得少, 即刻瘦! 都係講吓佢啲日常嘢啦, 睇嚟佢都應該幾習慣啦, 都幾好! 咁傾完就沖涼休息啦!