2026年8月31日 星期一

31/8/26

 31/8/26     MON     COOL

今日朝早出去買餸, 不過都10點幾先起身, 子元已經出咗去同朋友打波, 我地食埋早餐出去都12點幾一點, 簡單買完餸返到嚟, Holly佢地已經嚟咗打牌, 咁收拾好啲嘢, 我仲要整定今個星期的雞胸等等, 整完就返上房, 今日要染頭髮, 選咗紅色但又唔係好紅嗰隻, 不過幾星期就甩色架啦! 染完都5點幾6點, 老公又要整嘢食, 啲女仔帶咗啲食物嚟, 最正係有燒味, 咁我地整咗意粉, 我都食得好開心呀! 食完洗埋碗, 又返房整埋仲爺開學時間表, 咁就沖涼啦, 明天又要開學啦!

2026年8月29日 星期六

29/8/26

 29/8/26     SAT     RAIN

今日瞓到10點先起身, 好在半夜熱醒咗之後都瞓得番, 真係激死我, 明明book咗有冷氣酒店但仲慘過冇, 故事教訓就算有冷係都要有plan B, 帶定風扇! 11點要check out, 所以都要快手梳洗走人! 去咗我搵定的香港茶餐聽食早餐, 半個鐘去咗Birmanham邊皮的茶記, 真係幾好食喎, 又唔貴呢10鎊一個早餐, 我地仲叫多咗個西多士! 食完快啲出發, 趕喺雷雨前去到Carol屋企, 果然2點就過到去, 唔錯! 跟住就係食同吹水囉, 4點多就開爐邊食邊打, 吹到8點幾都走人, 佢地明天都要返工, 細路就打機玩得幾開心! 跟住都合理時間1個鐘就返到嚟, 不過渣夜車其實都緊張, 尤其M1啲車冇M4咁守規則! 返到嚟都係快啲沖涼, 都係在家千日好! 衫明天先洗啦, 雖然明天都好多嘢要做, 今晚好好休息先啦!

2026年8月28日 星期五

28/8/26

 28/8/26     FRI     SUNNY RAIN

今日北上之旅,充滿刺激,朝早起收拾煮早餐,好忙,老公請鐘11點幾返嚟諗住實夠時間,點知又塞車又改路,竟4個鐘先去到酒店,想去諾丁咸食個午餐都唔得,求奇食咗麥記就去konter隊友屋企行個圈就去球場,踢咗差不多3個鐘波,我地大人就吹水囉,都幾開心!9點多先喺球場走,去食晚餐,川菜館好好食又抵食喎,每人叫一個餸我地4家人都係220!散數都11點咁滯,半個鉝到去酒店,同日頭差太遠,又要排隊沖涼!

2026年8月27日 星期四

27/8/26

 27/8/26     THU     WARM

今日瞓到9點幾比老公的無聊msg嘈醒, 咁10點多起身啦, 煮早餐食得嚟又睇吓電視咁, 仲爺先肯做嘢, 今日做GEO佢又係鍾意, 因係開住電腦睇吓字玩吓咁, 佢做完就到我做運動啦, 摺埋衫就要煮午餐, 諗唔到煮咩又冇咩食, 就咁整番冷麵就算, 然後都係hea, 子元要去做跑步改善, 老公放工去接番佢, 仲爺做埋下午的數學, 我完全冇做啲咩, 都真係幾hea! 7點幾預備好晚餐等老公煮啦, 食完又係睇埋電視, 而家晚晚都睇夠兩集日落下的彩虹先夠皮呢!

2026年8月26日 星期三

26/8/26

 26/8/26     WED     WARM

今朝仲爺要學音樂, 所以我8點幾醒咗都起身整早餐, 等佢學完食完就出去剪頭髮, 子元都一齊出咗去, 因為要去H&M睇吓有咩衫啱, 再去埋primark買啲平衫, 買咗5件衫3條褲都係50幾, 真係算好平! 齊哂嘢就回程啦, 撘番巴士返去, 咁出一出去又幾個鐘, 返到嚟先做咗work out再煮午餐, 食完就hea, 我又放生咗仲爺冇溫書, 開學先再算啦, 今個暑假都算叫做數學有啲進步咗架啦! 老公返嚟即係又要諗晚飯煮咩, 基本上又係我煮哂架啦, 唔想搞咁多嘢, 所以蒸呀焗呀就算! 食完睇吓電視又沖涼休息啦!

2026年8月25日 星期二

25/8/26

 25/8/26     TUE     WARM

今日又瞓到10點先起身, 所以食得早餐仲爺12點多先開始做數,好在佢今日都做得快, 咁我就可以做埋運動摺埋衫, 又update吓子元IKEA個buy list, 食完午餐又叫子元再一齊update吓有咩係佢真係要或者唔要, 始於係我諗, 佢先係用家! hea 吓咁差啲放生咗仲爺唔洗做數, 咁梗係唔會啦, 搵咗幾題比佢做就可以繼續做自己嘢, 然後就要準備晚飯, 食完仲出咗去麥記食麥旋風, 因為今日有特價, 食完嚟仲睇電視睇到11點先沖涼呢, 又咁夜瞓明天又唔想起身!

2026年8月24日 星期一

24/8/26

 24/8/26     MON     COOL

今日繼續冇出街啦, 朝早瞓得勁差, 又發埋哂啲惡夢想大叫又出唔到聲嗰啲, 所以起身時仲攰! 梳洗完整早餐, 食完仲爺學英文, 然後就hea到一點多先做運動, 然後煮午餐, 用番琴日的芝士汁整粉, 超正, 由於早餐又遲食, 午餐又再遲啲, 最後hea到都冇做到下午學習了, 我自己都懶了! 老公返嚟仲爺就去踢波啦, 咁我就要預備晚飯, 不過雞翼老公返到嚟再整, 食完就洗碗沖涼休息啦, 又睇吓子元究竟嚟緊開學要買咩!

2026年8月23日 星期日

23/8/26

 23/8/26     SUN     WARM

今日瞓到自然醒, 然後就去買餸, 子元跟埋一齊去學吓點買餸啦, 但條友都唔知學到啲咩, 係有人搬吓嘢, 但佢地掛住睇嘢買蛋時又唔記得DO, 搞到check嗰時要全車DO過, 樣衰! 買完返嚟hea吓, 老公佢就要揍仲爺去踢波, 咁我就hea吓啦, 餓就煮嘢食, 試埋個關東細麵, 都OK啦, 未至於好好食, 但就平囉! hea 到黃昏要準備晚飯啦, 整得嚟都8點幾先開飯, 所以食完都快啲洗埋碗沖涼休息!

2026年8月22日 星期六

22/8/26

 22/8/26     SAT     WARM

今日差不多出咗去一日, 因為好多活動連住, 先係仲爺朝早有波踢, 9-11唔關我地事, 咁hea到咁上吓就起身梳洗煮早餐, 子元都仲未起身, 不過佢咁快手都唔洗咁早叫佢, 可以等佢再瞓吓! 因為我今日要去照吓個子宮環仲喺唔喺到, 但要一個鐘車先去到, 再過就central London, 因為要飲夠水嚟照Ultra sound, 結果等嗰時同埋照嗰吓都好辛苦, 急又唔疴得, 所以可以去疴時真係好正! 佢照完一倫我最重要問個環仲喺唔喺到, 咁喺到就已經安全! 有咩佢話GP會搵我, 所以都走得, 又到下一場, 老公佢地踢波, 又要一個鐘車, 咁睇吓波見吓人都好, 不過今日大風又有啲凍, 6點多踢完去食嘢啦, 都係九龍冰室啦, 應該都唔會再嚟食, 因為子元開學都冇咩機會踢呢到! 食完都8點先走, 仲去咗Janet到攞嘢, 佢去costco買完嘢, 我又無意間撘咗單, 試咗好多人話好嗰個麵, 仲有日本腸, 返屋企就等沖涼啦! 

2026年8月21日 星期五

21/8/26

 21/8/26     FRI     COOL

今日繼續喺屋企啦, 仲有啲悶添, 朝早仲爺要學音樂, 所以我較咗鬧鐘起碼要煮早餐比佢食咗先上堂, 跟住就到我自己煮早餐啦, 食完睇吓電視咁, 跟住就到學習時間啦, 今日只係做中文好簡單, 下午我又放過咗佢, 我自己都有啲懶! 摺埋衫老公都差不多返, 叫咗外賣食, hea咗一個下午, 子元出咗街玩, 仲爺4點幾就出去踢波, 我係到咁上吓時間先要預備定晚餐料, 今晚食意粉嘛! 老公返嚟先煮, 食時睇波今日英超開鑼, 不過場波完全唔刺激, 所以都唔係咁好睇! 沖涼休息!

2026年8月20日 星期四

20/8/26

 20/8/26     THU     WARM RAIN

今日涼咗好多黃昏仲落咗陣雨, 難得! 朝早唔覺意瞓到差不多10點先起身, 快啲煮早餐佢地食, 唔係佢地又唔郁架啦, 食完就學習時間, 朝早做Geo還好, 到下午做數佢又激火我, 子元又出手教佢, 嚟緊佢住咗hall我都唔知點算! 講番中午, 做運動晾埋衫就煮午餐食, 食完就係hea到3點幾先同佢做數就發生以上的事! 咁子元接咗手叫我休息吓我就唔理啦追埋套劇, 到時候就預備晚餐料等老公煮! 食飯開咗港劇睇, 一睇又睇咗兩集, 一個單元嘛! 睇完咪沖涼休息囉!

2026年8月19日 星期三

19/8/26

 19/8/26     WED     WARM

今日繼續冇出門口啦, 同埋個人都有啲燥燥地咁, 睇咩都唔順眼咁! 今日盡量照時間表食早餐溫習做運動整嘢食, 佢地又要跑步, 我做完運動食完午餐就開始hea, 可能琴晚太夜瞓, 睇睇吓電視都瞓咗, 係要準備晚餐先郁身, 等老公再煮, 食完就沖涼休息囉, 可能星期六日玩得多, 個人好攰咁, 都係要早番啲瞓!

2026年8月18日 星期二

18/8/26

 18/8/26     TUE     WARM

今日唔算好熱, 可能琴晚落過少少雨又好啲, 今朝8點幾雖然醒咗但都hea到10點先起身, 今日有啲懶, 咩都唔係好想做咁, 可能有幾日好似都唔洗煮嘢食咁, 今日要變番放假日常啲嘢都delay哂! 差不多11點先食早餐, 所以朝早學習時間變咗12點先開始, 條友做數又係到駁嘴, 激死我! 返上樓做運動啦, 今日都好忙, 因為朝早換咗床單, 跟住又要晾啦, 仲有要摺衫再晾衫倒垃圾同煮嘢食, 都諗唔到煮咩食, 所以求奇整咗罐頭湯腸仔意粉就算, 做好哂啲嘢先記得仲爺下午時段學習未做, 又要同佢做埋, 做做吓老公都返咗嚟, 不過今日真係好冇心情! 晚餐備好料老公沖完涼整囉, 我就hea吓睇埋劇, 但都未睇哂一集佢就煮好, 食完飯沖涼休息!

2026年8月17日 星期一

17/8/26

 17/8/26     MON     HOT**

今日老公請咗假, 因為仲爺有波踢, 所以佢地食完早餐就出去, 我就先休息吓, 然後返上房做運動摺衫晾衫! 跟住老公話嫲嫲過咗400鎊比子元大學開學用, 所以叫佢打電話多謝番嫲嫲, 所以子元都要開個saving戶口, 又開埋student account可以賺利息, 大個仔大把嘢學啦! 簡單食埋啲廚餘, 老公佢地返嚟都冇食嘢, 因為約咗Barry食飯, 試咗間新的意大利餐廳, 有啲貴但好食, 咁佢請就唔緊要啦, 佢想慶祝我地ILR咗同埋子元入大學, 咁客氣! 食完呢到就再去埋食甜品, 帶咗佢地去食窩夫雪糕嗰間, 食完9點幾都回程啦, 返嚟睇吓酒店, 把握暑假的尾巴嘛, 又有活動北上小玩一吓, 不過等firm實地點再book酒店啦! 

2026年8月16日 星期日

16/8/26

 16/8/26     SUN     HOT

今日主要活動係去球隊友賽, 10點幾起身我本身諗住仲有時間, 但老公又話要12點幾去到, 所以都有啲趕, 不過我照做咗運動先, 佢去煮早餐, 食完快啲行, 都係1點開波前去到, 我就坐足兩個鐘, 睇吓波吹吓水咁, 都幾開心的, 可以見吓人social吓嘛! 好在今日有朋友講開20/9去BBQ, 我先醒起book hall嗰啲嘢再問實佢, 佢再睇清楚email先發現原來13/8就已經可以book, 17/8 deadline, 咁唯有今日返去再搞啦! 踢完波去咗食九龍冰室, 又冇意粉, 可惡! 食完返屋企, 先去咗Janet屋企攞嘢食, 佢成日都整好多嘢食又食唔哂益哂我地! 今晚又唔洗煮啦, 啱哂! 因為返去同子元搞掂book hall同student regisiter都已經夠攰! 差不多9點先食嘢, 洗碗沖涼休息!

2026年8月15日 星期六

15/8/26

 15/8/26     SAT     HOT

今日係買餸日, 所以10點幾起身梳洗食完早餐就出去, 先去咗超市買餸, 收住手買都要100, 不過真係差不多啦, 好多嘢冇買! 返到去放低嘢又再去costco, 今次真係目標為本, 諗咗買咩就淨係買嗰啲, 又係都要120, 生活成本真係好高! 然後就返去先做咗運動先再食埋個焗薯, 估唔到costco咁抵食, 基本上係唔想食晚餐, 但又已經預備咗, 咁食唔哂的就留番明天食囉! 同仲爺打咗好耐supermarket, 都真係幾好玩呢!

2026年8月14日 星期五

14/8/26

 14/8/26     FRI     VERY HOT

今日都係留在家中做熱狗啦, 朝早比老公嘈醒咗又閂咗冷氣就好快熱醒咗啦, 起身梳洗煮咗早餐食, 子元都熱到唔想食嘢, 我都明因為我都好熱! 同仲爺學習時間都冇咩mood, 做咗功作紙就算! 我就上房做運動收衫再做清潔, 反正都係熱, 做到一半老公都放工返嚟, 叫佢快啲交埋啲錢等等, 不過只係做咗兩樣, 屋保仲要等佢揍咗仲爺踢完波返嚟先搞! 子元又出咗去同friend玩, 咁我就喺屋企自己hea, 不過都係好熱呀, 係洗完衫去晾的時候喺房開咗陣冷氣, 之後都喺廳熱住咁開風扇咋! 本來整咗醉雞諗住做晚餐, 但老公買咗嘢食返嚟, 好在係凍食同埋未煮飯啫! 食完嘢都沖涼休息, 電腦比老公用咗嚟搞屋保, 所以都好遲先用得!

2026年8月13日 星期四

13/8/26

 13/8/26     THU    HOT

今日真係夠哂刺激, 因為今日子元放榜, 雖然話有學校收咗, 但都要成績夠先得, 所以都要睇埋今日AL個result! 我緊張到琴晚勁發惡夢, 係咁出現好多唔同成績, 亂到我都唔知邊個真假咁, 一路發到7點幾都係快啲起身算啦, 勁冇精神咁起身梳洗整早餐食, 然後就叫佢地出門口, 要返學校攞成績, 嗰時都係緊張架, 一路行過去見佢學校啲學生都好輕鬆, 終於入去開信封啦, 見到BBC, 堅驚! 因為佢個conditional offer係BBB, 跟住條友先話今朝已經收到UCAS通知已經confirm咗佢個offer! 不過點都好啦, 入到就得啦! 可以輕鬆返屋企, 佢地就煮早餐食, 仲爺都起咗身啦! 今日照樣要學習時間, 我就好忙咁應付whatsapps, 大家八婆吹吓水咁啦! 中午又係做運動啦, 然後煮午餐食意粉, 食完抖陣又係繼續下午學習, 老公上咗房開冷氣, 仲爺之後又跟埋上嚟, 仲要迫我陪佢打機! 6點幾預備晚餐等老公煮, 我又繼續陪佢打, 食完飯沖涼啦, 好熱!

2026年8月12日 星期三

12/8/26

 12/8/26     WED     HOT

今日基本上都係冇出去的, 只係出過條街睇日蝕, 朝早食完早餐老公就同仲爺出去踢波, 我就煮早餐食, 食完開始hea! 到中午就做運動, 做完又要煮午餐啦, 玩油玩到著火, 好在馬上記得要用蓋去滅, 真係嚇死! 都真係要小心啲先得! 食完嘢又係hea, 到4點幾佢地踢完返嚟, 老公又煮嘢食我又食啦, 佢煮咗酸辣湯, 超好食囉! 食完就整吓個睇日蝕的盒, 其實就唔係太清但都襯吓熱鬧, 開埋個youtube睇吓蝕到邊, 發覺出街睇都得, 到蝕得咁上吓時就再出去睇, 撞到neighbour佢地有鏡睇, 仲借咗一款比我地用, 大家一齊睇, 堅正好多, 仲可以影到相, 又可以出吓post啦, 仲要唔洗去咁遠睇! 跟住返去煮飯啦, 老公今日整燒鴨, 又係好正! 

2026年8月11日 星期二

11/8/26

 11/8/26     TUE     HOT

今朝9點半要覆診驗血, 所以8點都要起身啦, 自己食咗早餐先出門口, 兩隻豬仲瞓緊, 到我睇完返到嚟就已經10點多, 佢兩個都係未起身, 所以我就去埋超市買嘢先, 不過都多嘢, 行番嚟攞死我, 腳又痛肩膀又痛! 返去抖一抖, 又要同仲爺做數啦, 然後就到我做運動, 跟住就係食午餐, 簡單食pizza同沙律! 食完又係抖吓再做數, 今次轉咗強化佢弱項, 咁佢又做得好啲, 我就摺埋衫晾埋衫咁, 由於早食午餐我又餓啦, 所以老公返嚟佢煮麵時就叫佢煮埋我嗰份! 食完又要準備晚餐, 切好啲雞翼等老公煮, 我就可以hea啦! 食完飯睇吓電視就沖涼休息!

2026年8月10日 星期一

10/8/26

 10/8/26     MON     HOT

雖然今日正日生日, 但係都冇出過街呀, 冇法啦莫財呀嘛, 都係大咗一歲啫冇咩所謂啦, 瞓醒食早餐, 老公就要帶仲爺去踢波, 我唔去啦, 我想攤吓就算, 所以都係打吓機咁啦, 中午時段又係要去做運動, 本來諗住跟住就煮午餐食, 點知又收到個email又話冇交到屋個保險, 真係好火, 老公成日都迫到我係要咁, 都係要總結吓收支, 唔係可以點呢, 唔想搞到我成日迫佢咁囉, 真係要知點洗錢先得! 晚餐食咗斧頭扒, 意粉同龍蝦湯! 食埋涼粉就沖涼!

2026年8月9日 星期日

9/8/26

 9/8/26     SUN     HOT

今朝7點幾就醒咗, 其實琴晚都瞓得唔係幾好架啦, 兩隻豬又夜都唔瞓, 閂咗燈都係有電視電腦光, 唯有用櫈擋住, 叫做瞓咗入眼啦, 但都係唔冧! 8點多起身梳洗啦, 然後等咗陣舅母仔佢地起咗身就問點煮早餐, 我地自備咗丁麵同餐肉, 已經食咗人地幾餐免費, 早餐自備係應該! 食完收拾吓就去咗行海邊遊艇會, 其實都幾好睇的, 不過係行得耐囉, 係有少少腳軟, 泊番車去舅父仔屋企再行出去食嘢, 本來想食嗰間原來冇開, 咁就去咗隔離間食日本嘢, 但都係唔及TeKa好食! 食完去攞車就回程啦, 因為返去都要渣3個鐘, 因為唔想行M25, 所以全小路的話就要差不多3個鐘! 返到嚟仲要洗衫預備晚餐等等, 真係好忙!

2026年8月8日 星期六

8/8/26

 8/8/26     SAT     HOT

今日昣南下探親之旅,10點幾出發到,但因為冇行公路,所以都要兩個鐘先到第一站,約咗德仔一家食個午飯,吹水吹咗差不多兩個鐘,咩都吹一餐咁啦,大家講番呢幾年啲嘢,都不失一個好時光!差不多3點要下一程,約咗去探舅父仔,又個半鐘車!安頓好出去行,又可以再一次見吓個海,觀光吓食個雪糕,7點就去食意大利嘢,真係幾好食, 老公仲叫咗甜品teramisu做生日蛋糕,成邨人一齊唱生日歌,好耐未試過了!食完行返去要安頓好沖涼休息!

2026年8月7日 星期五

7/8/26

 7/8/26     FRI     WARM

今日繼續冇出門口, 瞓到10點先知醒, 都冇啲懶洋洋, 唔想趕仲爺做嘢, 吃力不討好, 所以整咗早餐食完就簡單地同佢做咗中文工作紙, 我就上房做運動, 老公點幾返到嚟, 負責整午餐, 我想食炒米粉嘛, 咁梗係繼續睇吓電視咁啦, 開咗造星6一齊睇埋好好睇的跳舞, 佢地四點幾就出去踢波, 我今晚要食自己, 先做好家務, 到7點幾先煮晚餐, 只係煮個麵加炒西芹, 食完睇電視到9點幾先沖涼, 佢地應該冇咁快返, 又去到咁遠踢, 明天仲要南下呢!

2026年8月6日 星期四

6/8/26

 6/8/26     THU     WARM

我又冇出過街啦, 有啲悶啦但出去都係冇地方去, 咪又係悶, 所以冇咩分別! 朝早整早餐啦, 食完就學習時間, 今日還算合作, 學習完我就做運動, 然後都係到煮午餐啦, 子元就出咗去同friend玩, 所以唔洗理佢啦! 食完嘢就再做埋下午學習, 我仲要摺衫呢! 跟住就開始hea, 但仲爺喺到嗌悶啦, 比佢捉咗去玩真實版塗鴉躲貓貓, 跟住就係預算晚餐等老公煮, 食飯睇電視, 我又開咗造星6嚟睇, 佢地又要一齊睇最好睇的舞蹈組合呢! 

2026年8月5日 星期三

5/8/26

 5/8/26     WED     WARM

今朝又發惡夢, 半夜已經突然熱醒咗一次, 完全唔知點解, 唯有將冷氣對正自己之後先叫做瞓得番, 但到朝早又發一次, 搞到我睡眠質素勁差! 咁到9點多都要起身架啦, 整咗早餐叫佢地起身食, 再係學習時間啦, 學習完我又要做運動又要摺衫晾衫, 做得嚟都點幾, 但又想出去買咗食物先, 行上行落完返嚟個腳踝又痛, 都唔知可以點好! 買完返嚟整咗肉丸意粉, 佢地食得津津有味呢, 之後再學埋下午時段就自由啦, 我又打機睇電視啦, 我都要好好休息吓啦! 因為佢地又去踢波我又要煮晚飯, 不過老公返嚟煮埋spicy雞呢! 食完飯食埋雪糕就沖涼休息!

2026年8月4日 星期二

4/8/26

 4/8/26      TUE     HOT

今日繼續喺屋企啦, 朝早雖然差不多10點先知醒, 但發夢發到亂哂龍, 所以都唔係好精神, 食完早餐又要趕隻仲先做嘢, 仲要做數佢又更唔鍾意啦, 點都叫做做完啦! 我就做埋運動煮午餐啦, 今日食烏冬, 食完又要做數啦, 我發覺佢個低子真係好薄弱, 睇嚟要改吓佢個plan, 強化吓啲basic嘢! 然後就可以自由啦, 我都要休息吓! 之後仲爺去踢波, 我又要準備晚餐, 不過今日預備部份叫子元試吓, 都係切吓咁, 不過都係要guide住佢做咁解囉! hea到老公返嚟佢整埋雞煲就食飯, 明天可能都要買少少肉先夠食到星期五! 

2026年8月3日 星期一

3/8/26

 3/8/26     MON     WARM

今日繼續冇出街, 朝早仲爺要學音樂, 所以要早啲叫佢起身食早餐, 等佢上完堂就做英文, 做完啦我可以運動, 做完運動又要煮午餐, 不過今日係簡單的pizza沙律, 跟住又做埋下半場, 然後各自自由啦, 我繼續睇埋我套劇, 8集又兩日睇哂, 明天又要搵新嘢睇! 仲仲去咗練波, 咁我又要煮飯, 開住套新的槍版spider man嚟睇, 食完飯食埋雪糕先沖涼休息! 

2026年8月2日 星期日

2/8/26

 2/8/26     SUN     HOT

今日到我冇出街啦, 差不多真係一星期先出一次門口, 宅到呢...不過都冇地方好去呢! 朝早瞓到9點幾10點先醒, 老公要揍子元去踢波所以落去煮早餐食咗先, 我就hea到11點多先梳洗煮嘢食, 仲要服侍埋仲爺呢, 然後一次睇第二集spider man, 老公佢地兩點幾先返, 都係整咗嘢食咁, 又繼續hea同睇電視咁, 之後又開咗套新韓劇睇, 有池成係要睇吓的! 到5點幾老公又話約咗正正佢地去練吓波, 所以都8點多先返, 等佢返嚟先煮埋雞翼就開飯, 食完洗碗沖涼, 近來感覺麻麻地, 都係早啲休息好!

2026年8月1日 星期六

1/8/26

 1/8/26     SAT     HOT

今朝要早起身呀, 因為要去睇spider man, 買咗9:10飛, 不過計埋廣告起碼9點半先開始, 所以喺好努力趕佢地出門口, 都趕得切呢, spider man真係好睇, 不過有啲人物知喺邊個囉, 要之後再search吓, 睇完都差不多12點, 就去食午餐啦, 去咗食荔枝窩, 然後就要去買餸啦, 返到嚟覺得好攰, 都係休息吓好, 仲爺去踢波, 我就煮咗飯整定肉等老公返嚟煮, 不過佢都好遲先返到嚟呢, 餓死我啦! 食完食埋雪糕就沖涼休息!