19/10/26

 19/10/26     MON     COLD

今日真係好攰, 朝早都有少少趕架啦, 咁都準時返到去啦, 都知道今日唔易架啦, 但冇諗過咁辛苦啫, 因為嗰個學生真係好有問題, 其實不如停佢學啦, 可能學校都差啲理由, 所以助佢一把啦! 簡單嚟講就係佢同某君上星期已經唔妥, 佢就話人地喺佢上課室時用門撞佢, 但老師之後調查好係佢都有用門撞番人, 咁都算啦, 到第一堂PE時, 未排隊時都冇嘢, 但佢話見到A同學同某君細細聲咬耳仔, 佢就覺得人地係相量緊點對付佢, 所以堂排咗埋位時佢就走去推人, 咁我梗係馬上阻止, 但都冇維持到好耐佢又再發難, 今次想用水撥佢, 最終喺阻擋期間佢疑似推到我, 我就乘機落一落地加重佢置名啦, 再大叫老師嚟幫拖, 咁個學生就被要求去大房, 但佢坐唔夠一陣就要走出去, 仲要講到明去覆桌, 我咪係咁要stop 佢囉, 最攰就係呢part, 幾經辛苦佢去咗高層人士條走廊, 我又要求咗call 人, 最終佢HOY嚟咗, 佢又要寫文我又要寫文, 今次真係要靠自己冇得AI, 盡量簡單啦! 寫完到小息前返番大房, 佢本身到break時又走咗出去,搞到我又去call人又搵咗一輪, 好在高層嚟得切, 基本做法就係第三四堂要去水飯房, 我就要埋喺嗰到啦, 好在我都有break, 叫做抖吓, 最尾嗰堂佢基本坐陣就走, 再睇一陣hub就放工, 臨放學前香港人同事都嚟咗我地房, 咁又吹咗陣水咁啦! 返到屋企老公原來公司停電之後就返咗嚟, 咁今晚又因為仲爺要溫書冇去踢波, 老公琴日又已經煮好咗鴨腿湯, 所以都比較閒, 食完飯同子元傾埋電話, 都沖涼休息啦!