14/10/26

 14/10/26     WED     COOL

今日係結婚20週年啦, 但冇慶祝活動, 返工返學又要練波呢! 今日仲要跟個煩煩地的學生, 咁大致佢其實冇咩, 但只要佢同個顛妹一齊玩嘢就會好煩, 所以頭兩堂係冇事架, 只係第三堂option support時, 顛妹玩嘢, 加上佢個LSA就係嗰件無能, 佢根本就唔應該比顛妹過嚟啦, 我完全睇唔到佢做到啲咩! 最終Amy出現顛妹就馬上收手, 只可以話佢勁, 無能真係無能! 咁做埋啲嘢就準時收工啦, 因為琴晚太夜瞓, 今日成日都好攰咁! 返到去做咗運動整嘢食, 仲爺又要食埋一份, 明明佢自己先啱啱食完! 老公返嚟佢又要馬上去踢波啦, 咁我咪睇時間煮飯, 洗埋晾埋啲衫咁囉! 食完飯要叫甜品外賣, 冇咩慶祝都要食個甜品架, 仲爺今次自己一個食哂成個walff 仲有杯奶昔, 佩服!