6/4/17

6/4/17   THU   WARM


今日老公要飛, 不過係下午先, 但日間都係正常咁過! 我就唔多正常啦, 喉嚨愈來愈痛, 食咗藥都冇咩用, 但又唔敢唔返工住喎, 唯有死頂住先啦, 今日仲要冇帶飯, 午餐時見有D胃口就買咗個日式大餐, 下午開始又攰啦, 叫做搵D嘢做吓咁, 繼續hea吓做吓啦, 臨放工前老細先返嚟, 真係比佢嚇鬼死! 放工照樣去揍笨元啦, 不過就直接入青衣, 因為要揍埋仲仲嘛, 所以返咗青衣晚飯, 返到去都差不多有得食, 幫手開吓飯咁, 仲爺點唔合作我都唔理啦, 呢到唔係我主場嘛我唔負責! 食完佢地又要睇電視, 8點半先肯走, 撘得車返屋企沖埋涼都9點幾, 快手瞓覺, 我都要休息!