28/10/21

 28/10/21     THU.    COOL

今朝瞓到八點幾先起身，兩隻豬仔起咗身喺度睇機，咁我咪煮早餐食囉，食完捉哥哥做吓功課先，都叫做做咗啲有益嘢，仲爺就掛住食雞，等啲衫乾好埋哋就準備出街啦，今日炮哥介紹咗我哋去Central倫敦嗰邊玩，不過佢哋冇咁早過去，咁我哋就自己過去先。都揸咗大半個鐘頭車先過到去，又要泊車，食埋午餐，佢哋差不多過到嚟，先去超市買咗嘢，咁先可以免費泊車，炮再帶我哋去另一個地點泊街標，跟住就可以行市集啦，影吓相睇吓啲嘢食咁都冇乜買嘢，只係買咗珍珠奶茶。行到五點幾六點要返去攞車啦，返屋企就整燒雞等等嘅食物，快手快腳食完就可以休息。