4/11/24

 4/11/24     MON     WARM

終於要返工啦, 今朝睇個更表, 點解我會跟足一日EP架, 返到去再問, 原來佢返到12:30, 但我都要跟佢3個鐘, 其實都唔簡單囉, 又要寫底佢做咩又要跟住佢, 我今日決定唔遠攻, 嚟個近攻, 激到佢火起, 我就不知幾心涼, 反正你點對佢佢都小你架啦, 梗係唔好便宜佢! 終於捱到12點幾可以趕佢走, 我就可以放飯, 我決定放個長飯, 真係攰呀! 到點半返到去大房, 都係坐吓, 等到第五堂本來想求奇跟一個學生就算, 但最終佢冇嚟課室, 咁我就返咗大房扮哂嘢, check吓email到差不多放工時間就閃人! 接咗仲爺就返去快快手手又要出門口去球場, 轉咗冬令上咗巴士已經天黑, 去到球場條路黑哂! 回來抖咗一陣又要煮飯, 其實星期一都好攰!