17/12/25

 17/12/25     WED     COLD

今朝出門口見到得番一架車可以用, 好過冇, 有得返工已經好好, 仲要今日勁大霧, 都辛苦先返到去, 不過今日我喺大房幫手, 加上啲學生又late start, 所以係有啲hea, 執文具櫃時順手攞哂需的文具, 又可以扮吓工咁! 中場就做吓飯更, 最後就返大房坐埋嗰個鐘, 由於琴日車我個同事今日冇返, 我唯有靠自己返屋企, 行出去ealing broadway, 順手去WA買埋蛋糕同老公慶生日, 雖然明天先係正日, 但今晚切咗蛋糕先都得, 跟住就撘E1啦, 喺Lidl落車再買啲基本嘢就返屋企, 因為冇車都係要行, 但行咗一陣發現左腳好痛, 但點都要行到返去, 真係愈行愈痛, 痛到好唔正常, 用咗冰都係唔得, 應該係扭親啦, 但唔係平時扭到外邊而係腳踝位, 明天應該都返唔到工, 仲可以等埋我架新車明天送嚟! 結果今日我就只係盡力冷凍吓隻腳, 因為星期五點都要死返去!