3/1/26

 3/1/26     SAT     VERY COLD

今朝瞓到10點起身諗住都趕得切giv仔嚟到, 點知佢手車真係好快, 未夠10點半已經到, 快手換好衫招呼人, 買咗飛去睇戲, 食埋嘢都要預備出門口, 佢地話食炸雞脾, 咁就整好比佢地食, 我地都食埋早餐先, 都係簡單食丁麵, 然後就渣車出去商場, 期間佢就講番佢同sun仔件事, 係有啲可惜但人的緣份冇就係冇! 去到商場真係只係直接去戲院, 坐到差不多夠鐘就入場, 仲要完全冇人睇飛, 真係懷疑有冇入錯, 不過見到全部都係香港人就知冇錯, 等咗差不多25分鐘廣告, 終於開場, 咁都真係好好睇, 只係室內愈坐愈熱, 空氣冇咁流通差啲! 可惜係睇完都係搵唔到poster影相, 唯有喺戲院門口影就算, 返到去因為大家都冇食lunch, 就早啲食邊爐, 反正都係煮起比啲細路食, 佢地又唔可以太夜走, 玩到7點都要走, 咁我地又hea吓沖涼休息!