1/4/26

 1/4/26     WED     COOL

今日又係冇出過門口, 只係落過樓下收信咁大把, 都幾無所事事, 咁又唔可以日日放假都咁充實架嘛, 梗係要chill吓先啱! 朝早都8點幾先醒哂, 再慢慢起身整早餐, 結果有啲遲, 趕唔切仲仲10點學音樂前食到早餐, 咁就唯有學完先食! 之後我就無所事事啦, 睇吓電視打吓機咁, 再叫仲爺要做咗功課先同佢打機, 咁佢都叫做快快手做咗先, 咁就要同佢打啦, 午餐只係食pizza咋! 打到差不多5點都要收機啦, 要晾衫啦嘛, 跟住又要煮飯啦! 今晚試咗個新菜, 蘿蔔炆冬菇呢, 佢地都覺得好好食!