16/9/24

 16/9/24     MON     WARM

今日又要開工啦, 揍咗仲爺返去就返工, 都係咁冇咩特別, 學生又唔係難搞, 開頭都係要搞清楚啲老師先, 唔好亂嚟! 所以今日時間都過得好快, 最好笑係最尾嗰堂我地掛住做數唔記得咗夠鐘早5分鐘走, 好在仲爺今日開始可以自己放學, 叫咗佢喺學校門口等我先去接, 咁又唔洗睇老師面口, 仲爺都好乖企好等我, 仲要見到我時扮佢班主任嗰次睇錶, 頂佢! 返去快手食啲嘢就要出門口, 因為要去球場嘛, 老公車咗我返嚟本來諗住整吓燈籠, 但完全唔成功, 唯有放棄, 好好去煮飯啦! 食完捉仲爺做埋啲數, 條友又講大話, 明明冇做又話做咗, 今次要督住佢做之餘再對埋要佢改正, 唔知係咪咁所以咁攰, 等我沖完涼佢已經瞓咗!