15/10/25

 15/10/25     WED     COLD

今日真係凍啦, 所以都係著番保暖衣穩陣啲! 今日都知道唔係易做, 頭兩堂本身都OK, 第一堂直情要做埋教嗰份, 因為係代課, 個學生唔可以留喺課室, 咪要帶佢去大房, 我覺得自己其實都教得唔錯, 都係睇埋咁多教法再去發揮啦! 之後都OK, 點知到小息時佢周圍走就梗架啦, 但係佢走到去new building嗰邊, 發作啦, 同我講咗句種族歧視的字眼, 老實我本身係對呢啲冇咩所謂, 但我同事又聽到你又咁串, 我仲唔煲大佢, 下一堂咁啱又係嗰個已經放棄的science老師, 咁我就有時間打email同阿姐報告, 不過佢都未有時間睇到, 所以放飯時見到佢就同佢講咗, 佢叫咗條友去講吓, 喜出望外阿姐竟然話最尾嗰堂唔洗我跟, 所以我留咗喺大房, 休息咗最尾嗰堂, 我諗佢地一來緊張啲種族歧視嘢, 二來係想踢呢條友走, 所以佢多啲料就可以早啲趕佢走掛! 最終我順利準時放學返到嚟都係食吓嘢, 睇吓電視, 晚飯有啲晏先煮, 因為摺完衫之後已經唔想郁啦!