29/1/26

 29/1/26     THU     COLD

今日都係幾凍吓, 但都冇咩衫可以加, 出門口發現仲爺同conor折返, 原來佢話見到琴日個學生喺路口, 怕所以唔敢行, 咁我唯有陪佢地行到出路口先出車囉! by the way, 最後得知嗰條友仔係比人收咗監架啦, 不過應該唔會好多日囉! 跟住就係如常返工, 以為係跟嗰個又轉咗, 咁又被困大房一日, 有時都唔知好定好, 因為都叫做可以做吓自己嘢, 但又好似好多嘢做咁, 所以都係會好攰, 另外都係要跟個學生架嘛, 雖然只係三堂但都已經夠! 最好就係可以自己準時收工, 但返到去已經攰到咩都唔想做, 攤咗喺梳化, 連嘢食都冇煮, 夠鐘就同仲爺去球場, 因為巴士改道, 所以都唔洗特別追一架巴士, 去到邊架就邊架! 返到嚟又要摺衫又要煮飯, 同埋要仲爺再溫書囉, 因為今日print咗好多嘢比佢臨尾再衝刺, 去到球場未開始之前已經溫過吓, 好過冇啦!