22/7/26

 22/7/26     WED     HOT

今日要揍仲爺去牙科檢查, 所以早啲食咗早餐就溫習, 咁11點就出門口, 撘巴士過去原來都仲係好熱, 好在車程都唔算太耐! 去到又要等一輪先到啦, 好在仲爺都好合作, 同埋佢啲牙都好靚仔, 係大牙出緊, 幫佢整咗啲強化法朗質上去, 咁跟住又撘番巴士返去, 去咗 Lidi買咗啲嘢再行返去, 又繼續宅在家, 整咗午餐先, 今日食冷麵, 都有版有眼架! 然後就係下半場溫習, 今次到英文, 輕鬆地睇吓嘢就算啦! 跟住就係休息啦, 我都好攰咁! 仲咗吓work out, 又繼續二刷我套逐玉, 晚飯叫子元學吓點切雞翼等等, 要佢學吓點煮嘢架啦! 老公沖完涼就煮埋下半場, 食完飯就洗碗沖涼休息!