31/10/24

 31/10/24     THU     WARM

今朝仲未決定跟唔跟子元去打羽毛球, 咁又一早醒咗就算啦, 跟埋去! 不過太趕出去連咖啡都沖唔切, 所以好辛苦呀, 好在等埋holly佢地嚟到, 開始咗打波就好啲, 仲仲真係未打過, 佢條友以為自己一打就識, 邊有可能呀, 所以都係比佢落場打咗一陣咁大把, 過吓隱就算! 仲爺之後又要打籃球, 咁就打到差不多10點再撘車返去, 因為肚餓就直接食埋午餐, 眼闊肚窄整多咗, 我食唔哂! 同仲爺做埋學習嘢就睇黑白大廚, 然後又要同仲爺打機, 到5點幾6點老公返咗嚟, 啲人又開始萬聖節嚟攞糖, 咁我都同仲爺出去攞糖, 今次踩埋車去遠啲攞, 玩吓玩吓玩咗一個鐘都幾攰! 返到嚟差不多有飯食, 我地仲踩埋去Barry屋企探吓佢呢! 食完飯睇電視到10點幾先沖涼瞓!