7/10/24

 7/10/24     MON     COOL

今日本來好地地, 工作都唔太難, 但第一堂要跟遊蕩生周圍行唔易, 又唔可以比佢發現係你跟佢, 又要知道佢喺邊, 不過我係enjoy呢個遊戲, 好過唔知去邊坐喺個課室吽, 咁我個學生10點返, 我還咗玩到9:55就算, 一路都好順利直到臨尾, 見到飯筒應該捉咗佢個同伴, 佢就開始發現我, 咁我見時間都差不多, 確認咗佢大概喺邊就算, 去接我個學生, 點知行番去日本花園時, 飯筒捉住我又喺到擺款, 叫我要跟貼佢呀同佢講嘢呀等等, 又話最尾10分鐘唔見咗你, 我都駁駁地嘴架啦, 但都係盡量答佢OK就算, 不過心底都係火, 心諗你而家唔係我老細呀, 關你叉事咩小你! 跟住今日都係如常開工同埋悶啦, 準時放工接仲仲, 我仲早過佢去到教堂呢! 條友掛住吹水咁慢! 返去食完嘢就揍佢去球場, 返嚟又要準備晚飯嘢, 又要摺衫等等! 老公回來煮埋個雞煲就食飯, 之後hea吓睇埋電視沖涼休息!