24/12/24

 24/12/24     TUE     COLD 

今日平安夜，但朝早心情麻麻，換三床單食完早餐又要出去路口問關於浴屏有冇得整，結果係冇就咁換，咁再拖吓先啦，冇錢！然後就整聖誕樹啦，今日都唔整太遲！老公早放，返嚟車我地出去，想睇吓整唔整得番個電子ukulele，原來係唔得！咁就去natural natural買飯團，返去食完整埋啲嘢就出門口去Keith 到，4點幾玩到1點幾先走，都係食嘢吹水交換禮物啦，都幾好玩！

23/12/24

 23/12/24     MON     COLD

今朝一早就醒咗，都啱啦，要去打羽毛球，仲爺都慢吞吞，遲咗20 分鐘，輪流打吓咁，打完我地返屋企先，子元做埋gym 先，返去仲收咗仲仲的電子ukulele 點知tune 時就斷咗一條線，唯有等遲啲再去整！好在梓行搵佢打機好快就冇咁唔開心！我整午餐食完就去驗眼，撘巴士來回真係好耐，咁驗一驗就要£25都幾貴！返到去都仲要摺埋衫又預備煮飯，都唔算攤抖過！不過炸肶飯真係好正！

22/12/24

 22/12/24     SUN     COLD

今朝瞓到自然醒，然後食早餐，老公佢地就出咗去練波，我就襯佢地出咗去做清潔，等佢地返嚟沖完涼就出broadway食嘢，仲爺要剪髮，佢今次好狠剪到好短，變番bb樣！買齊嘢就回程，返去摺埋衫hea吓，今晚唔洗煮餸，因為琴日漏咗個豬手未食，可以簡單食豬手麵，正！

21/12/24

 21/12/24     SAT     COLD 

今日本來諗住唔出街架，點知都係要出，仲要都幾大穫！食完早餐老公再整番個豬手，一跌咗落爐面，本身有啲裂痕的爐頭爛埋，咁一定要諗辦法，本身諗權宜之計買個電池爐仔頂住先，但老公把心一橫去B&Q買個新自己裝，勁！又技能解鎖！跟住就開始煮冬至飯，約咗Barry佢地嚟食，子元難得肯幫手就比佢試吓，今晚都整得好多，花膠雞湯真係好正，食完仲有芝麻糊，佢哋都11點幾先走！

20/12/24

 20/12/24     FRI     COLD

終於等到最後一日返工啦, 終於開始放假啦, 雖然都係兩個星期, 但都好過冇啦! 今日都知道返去只係hea, 尤其是我跟低B妹, 根本冇咩好做, 好在有得摺吓紙咁先捱到12點, 等啲學生走哂就去term尾全校聚會, 梗係食啲嘢先, 好肚餓呀, 好在校長都醒目, 好快講完, 唔洗1點已經走得, 快手返去買埋海鮮, 再去接仲仲放學, 今日要買咗餸先, 等佢兩個自己喺屋企, 我地就去食完teka再去買餸, 間中都要自私食吓! 只係去咗中超同超市, 返得屋企都5點幾, 老公又揍子元去踢香港人比賽, 咁我就食自己摺埋衫咁, 都幾自在! 

19/12/24

 19/12/24     THU     COLD

望見家鄉啦, 尾二一日啦, 今日雖然係normal day, 但都唔係好多堂要上, 所以都算係輕鬆, 加上我跟個學生係簡單, 只係多啲嘢講, 點都算係舒服架啦, 我冇帶飯就去咗natural natural買魚生飯食, 係有啲貴但都想食得好啲! 準時放得工啦, 接埋仲仲就返屋企煮嘢食休息, 晚飯只係食雞, 但都好好味, 我預備好大廚煮啦, 晚飯後唔知點解心情好差, 可能真係攰!

18/12/24

 18/12/24     WED     COOL

今日老公生日呀，但都係照常返工返學，只係晚飯煮牛扒！返到去學生late start 嘛，我地只係hea到夠鐘開工，咁今日都唔係上堂架啦，但都唔洗睇戲架！放學閃人，接咗仲仲就返去煮嘢食，仲爺要整生日卡比老公，晚上食埋蛋糕影吓相咁啦，年紀大我地都冇咩慶祝啦！

17/12/24

 17/12/24     TUE     COLD

抄散的日子麵係輕鬆好多！加上都放假啦，啲老師都唔係撈，輕鬆又放飯，同埋今日又學生早放，食完飯喺大房做吓嘢，準時收工接仲仲，返去倒完垃圾，已經唔想郁，今晚要返教會，都冇諗食咩，焗盒盒算，等老公搞！

16/12/24

 16/12/24     MON     COLD

今日竟然有得抄散，真係好彩，上星期辛苦咗咁多日終於可以抖吓！頭嗰堂好似只係去sit 堂咁，跟住等咗半堂個學生都冇返就返去問番，可以跟另一個啦，大致都舒服，幫佢抄吓嘢咁啦，點幾兩點先放飯，上多堂準時收工接咗仲爹返屋企hea吓，5點半要揍仲仲返學校咩鬼carol services，簡單來說就係聖誕扮耶穌表演活動，我梗唔睇啦，夠鐘先返去接佢，返嚟煮飯食完都係打機睇電視！

15/12/24

 15/12/24     SUN     COLD*

今日子元有比賽，北上個幾鐘車，咁11點半先到嘛，可以好好食埋早餐先出發，球場都凍呀，踢到差不多2點，都幾係嘢，咁全部香港人踢都好睇嘅！睇完重頭戲都係食，佢地介紹咗間泰國菜，真係好好食喎，時間關係食完快閃要返屋企，天黑啦！返去hea吓煮飯咁又一日啦！

14/12/24

 14/12/24     SAT     COLD

今日都係瞓到8點左右就醒, 不過好過冇啦, 起身煮早餐食完就出去買餸, 然後返嚟接埋兩隻豬, 先去costco快買需要的物資就去榮業食個午餐買少少嘢就回程, 咁樣出去買幾轉地方已經3點幾4點先返到, 等佢地出去練波我就做清潔摺衫等等, 老公整定咗千層麵, 焗好返嚟就食得, 咁又一日啦! 

13/12/24

 13/12/24     FRI     COLD

今日雨粉粉咁, 渣車真係好辛苦因為睇唔到路, 返到去都係咁照開工啦, 對住啲唔想學嘢的學生, 唔洗理佢地咁多, 其實我都唔想理, 但你喺個課室走嚟走去大叫大嚷, 咁我真係好難唔理囉! 有時有訓導級別經過理吓都仲可以幫吓, 但唔係成日有嘛, 總之每隔一陣又提佢做嘢, 佢唔應就唔理啦, 星期五啦我真係好攰, 去到最尾嗰兩堂我真係冇力, 想瞓咁滯, 放過我啦! 放學去GP攞埋藥就返去, 呢個星期都冇見太陽, 一天黑就開始凍, 吹到頭都痛埋! 返嚟食完嘢摺衫, 老公佢地去老遠踢波, 等佢地買麥記返嚟食啦, 我可以做蟲蟲休息吓!

12/12/24

 12/12/24     THU     COLD

今日都係咁返工返學啦, 近來真係返得唔係太高興, 都係啲人呀事呀咁啦, 只怪我個人太善良, 定係文化差異, 定係根本份工就咁, 我真係唔知咁多啦, 我都唔想再諗, 人大咗, 唔似細個時, 嗰日有咩唔開心寫吓就冇咩事, 近來要用到喺到寫禱文先可以平伏到, 我係咪情緒都有啲問題, 好似冇咩人可以傾訴吓咁, 同學生講又唔係好啱咁, 不過有時都唔理得咁多照講啦! 返到嚟對住仲爺的不合作又係激死我, 今日我真係唔想理佢但又冇得唔理, 唯有用唔理佢個方法迫佢, 因為佢真係要認真學習, 如果唔係上到中學點算! 所以今日迫佢要做好數同埋串字, 真係要學識串字啦, 仲要開始同佢download啲test paper做吓, 希望佢升中個試過到骨! 

11/12/24

 11/12/24     WED     COLD

今寫 都係如常返工返學啦，第一堂數學真係令人有啲攰，個老師管唔掂學生，基本上係ignored 我地，所以我覺得有必要email 阿姐，佢地理唔理再算啦，我自己判斷要就做啦！之後幾堂好少少，但只要係+班嗰幾條友就失控！我都冇咁好氣，總之準時開飯收工就算！今日要快手接仲爺，因為要去睇牙醫，仲爺勁驚，好在最終只係檢查，簡單嚟講唔洗再拔，等佢自己甩，上次嗰隻又未生哂！時間尚早老公接唔切，唯有自己撘巴士返去，E2太耐下次都係撘番E3！返嚟仲要煮飯，梗係要老公一齊煮，我仲要摺衫呢！

10/12/24

 10/12/24     TUE     COLD

而家每日返學校前都要提仲爺記住要醒定啲，怕鬼咗佢！今日相對地工作算係易咗少少，只係勞氣吓咁囉，呢樣就梗！準時可以放飯係緊要，準時放工都緊要，要快跑啦，接咗仲爺返去又要倒垃圾，然後煮麵食，仲要報埋賓仔2月term break比賽！晚飯勁唔想煮，唯有切好等老公返嚟煮！

9/12/24

 9/12/24    MON     COLD

今日真係好攰, 都知今日要跟3 angles, 但真係冇諗到攰到咁, 同埋真係好難同事manage 3條友, 大佬你係3個有問題學生, 問題係佢地行為似嗰六七歲呀, 真係有啲難度, 我真係幾佩服跟開佢地嗰個, 不過都係要時間夾, 我就唔係好想要去夾啦! 總之今日太攰啦, 我已經唔想回顧, 接咗仲爺返去仲要去踢波嘛, 返到嚟仲要煮飯喎, 我已經攰到唔想郁, 攤到6點幾真係要郁, 煮得嚟佢地都差不多到, 食完飯睇陣電視就沖涼休息! 

8/12/24

 8/12/24     SUN     WIND

今日一路都係諗住hea過今日, 瞓到九點幾十點先起身, 夾手夾腳整早餐食咗, 然後都係hea, 同阿媽傾吓電話咁, 跟住都要捉仲爺串吓英文, 下星期又話要默英文! 然後老公就睇吓波咁, Janet話有蛋tat食, 咁等佢整好就過去囉, 咁啱老公又試整緊五香肉丁, 又攞比佢地試吓! 攞完返嚟一陣風咁就冇哂! 然後都係打吓機睇吓電視, 摺埋衫咁, 今晚食千層麵, 所以比較簡單, 食完都係睇電視等沖涼咁啦! 咁又放完假明天又要再開工啦! 仲有兩星期咋, 就放假架啦!

7/12/24

 7/12/24     SUN     WIND

今日打風呀, 都真係幾大風, 不過同香港打風比又差好遠, 始終唔同類型! 瞓醒食早餐再出去買一買餸先, 打風都要食架! 只去近近地超市就算, 真係唔想去咁遠啦都真係好凍吓, 可能大風! 返到嚟先舘咗清潔先, 跟住先午餐, 老公煮咗麵呀, 燒賣同餃子咁, 食完就hea同摺衫啦, 仲仲都有得去私人練波, 咁我就要整埋下本場的高級版鴨退湯飯, 又花膠又菇咁, 好好味! 

6/12/24

 6/12/24     FRI     COLD

終於到星期五, 好在今日都順順利利, 朝早要早半個鐘起身呀, 因為仲爺要見家長嘛, 是但啦, 仲爺你唔好再咁多口咁多手啦, 就算你啱都冇用, 始於學校話講過教過你又去做啲衰嘢! 準時散場, 我都要求咗要加強番人手去協助吓佢! 今日返工都係正常順利啦, 有啲攰就梗架啦, 不過可以準時放工, 就唔理啦! 返到嚟當然有tea食, 跟住都係hea吓咁啦, 等老公買晚餐返嚟食, 星期五就係可以咁hea! 

5/12/24

 5/12/24     THU     COLD

今日都真係冇咩心情, 主要都係仲爺啲事, 唔知佢返學點, 又唔知會有咩跟進, 最終黃昏收到話叫明天返學前見佢同校長, 都好的解決咗佢, 唔好再拖, 我會K.O.佢架, 等仲仲可以開心返學! 所以今日返到學校只係覺得好攰, 加上我個學生唔知做咩呢兩日好hypa咁, 我要係咁叫佢冷靜啲, 因為我真係唔係好想講嘢, 仲要等到差不多兩點先有人嚟比我放飯, 其實我自己去咗放飯都冇人知啦, 但又廢事喎, 所以都係等啦, 餓死我! 放學仲要遲咗喎, 我淨係想快啲見到我個BB仲! 快手返去啦因為準備落大雨, 但返到去都係冇咩抖, 又要摺衫又要準備晚飯! 

4/12/24

 4/12/24     WED     COLD

今日照常返學啦，除咗攰其實都冇咩，EP又冇返啦，我第一堂坐足全堂等，打吓機咁啦，之後就去上堂，不過今日攰病但又冇咩停，其實辛苦，放學有啲遲不過仲仲after school club咁我買埋餸先，點知接佢時又話今日繼續出事，最終子元聽完，幫我一齊寫email直接比校長同副校，一於文字攻擊，班主任話要同校長講嘛，我就今日即刻email校長，鬥快！之後我都冇咩力啦，煮飯食完洗碗沖涼休息！

3/12/24

 3/12/24     TUE     COLD

今日如常返到去，都知道冇得如常跟跟開嗰個學生架啦，不過要跟三位小天使有啲攰囉，因為要同時照顧3個其實幾難，不論上堂定移動時，學校諗埋啲縮數！但都係要照開工架啦，好在趕得切準時收工，接番我個仲仲，條友話學校多咗要留堂，佢又比人屈囉，冇鬼用，反抗呀嘛！返到去倒埋垃圾食埋嘢，原來今晚要返教會，但我作作地病，真係唔想出去，請日假啦！但其實又要摺衫又要煮飯都冇得抖！

2/12/24

 2/12/24     MON     COLD

今日係仲爺11歲生日，佢仲話自己係一歲，頂佢唔順！揍咗佢返學就返工， 今日難得地舒服，就算要跟EP都竟然出奇地順利，佢唔發顛仲會道歉，又肯講嘢！然後全日跟比人踢出校嗰個，其實佢都冇咩，又傾到偈幾好好！放學接咗仲仲就返去食啲嘢又出去踢波，返嚟都要準備晚飯料，老公返嚟要煮仲爺想食的蛋包飯，然後切蛋糕影相，仲仲最開心！

1/12/24

 1/12/24     SUN     COLD

今朝起身食完早餐就要裝飾場地，再出去攞蛋糕，仲爺又話要生日帽等等，都要去買埋！返嚟點幾都係等仲仲的同學仔嚟，仲爺好緊張期待，終於有人嚟，開展咗好嘈的4小時生日會，佢地都係打吓機玩汽球，食吓嘢咁，我地係負責處理食嘢同切蛋糕咁，6點散場慢慢有家長嚟接，等佢地走哂我馬上清潔，等仲爺沖涼後攞埋katy比佢的生日禮物！晚飯清埋啲雞，煮多個杯麵就算！