31/12/23 SUN RAIN
2023年除夕, 冇咩大慶祝活動, 瞓到自然醒先, 跟住先煮早餐再上網買飛, 問咗佢地兩隻嘢都睇Wonka, 咁就可以買啦, 因為有免費呢! 買咗1點鐘, 咁慢慢食完早餐先出門口都仲得, 去到商場仲有時間行吓, 平平地幫佢買咗件外套, 因為之前黑色嗰件爛咗拉鏈! 差不多時間就要入場, 淨係買爆谷都搞好耐! 估唔到套Wonka咁好睇, 喜出望外! 睇完都3點幾, 商場好多人啦, 於是返出去先食嘢, 去咗食拉麵, 仲可以買埋納豆, 食完返屋企仲要摺衫, 又上吓網咁, 老公就煮晚餐, 今晚食斧頭扒, 但太快手都冇影相, 下次要買塊放牛扒嗰啲木板有啲儀式感! 開咗captain marvial 嚟睇就睇埋先沖涼, 仲爺又等到瞓咗, 唔洗倒數! 其實我都眼瞓啦, 瞓醒迎接2024啦!
29/12/23 FRI COOL
今朝瞓到7點幾先醒都算係非常適應時差了, 慢慢再醒吓瞓吓8點幾起身, 本來諗住煮早餐, 但老公話出去食茶餐廳, 順手去買餸, 子元約咗人先出去玩完再返嚟食飯同sleep over, 搵著我地嚟搞, 食完先去GP攞藥, 因為我啲血壓藥得番兩星期, 原來要覆一次診先可以再攞藥, 但而家又book唔到喎, 好在藥房肯比住一盒我先, 下次再覆先再攞埋另一盒, 都算靈活! 跟住老公話去broadway買嘢, 順手問埋仲仲張電話卡, 點知佢check完話佢地有其他plan, 4個號碼無限數據都平過而家, 咁照轉啦, 反正都係咁用, 終於去買埋餸啦, 返屋企轉咗電話卡發現老公同子元嗰張號碼唔同, 仲未打得到, 但我嗰個又冇問題, 唯有去番門市問, 佢話會有機會24-48小時先用到, 但數據就會有, 真係比佢玩死! 咁返屋企就要快手摺埋啲衫, 老公就準備食物, 5點幾6個青年殺到嚟, 打機真係好嘈, 玩到差不多8點食飯, 食完飯就打牌, 唔打的就自己吹吓水笑吓咁, 炮哥10:45嚟接letty同幾個女仔去佢嗰到sleep over, 兩個男仔就喺我地到瞓, 有張梳化床佢地瞓吓啦, 等佢地沖完涼先到我沖呢, 所以12點幾1點先有得休息!
27-2812/23 WED THU COOL RAIN
最後一日喺香港啦，冇咩趕行程，都係hea吓咋，瞓醒去樓下食個早餐，寶興味道冇咩變呀，返上酒店執埋嘢，12點前chech out寄存埋行李就去同阿媽會合，一齊過美孚食上海嘢，約埋嫲嫲同大包，食完去咗荔枝角公園比仲仲玩，嫲嫲婆婆又可以見佢地耐啲，最後送嫲嫲撘巴士時仲仲又喊，佢真係好感情豐富！返阿媽到hea吓，差不多5點幾出發去機場，四隻嘩鬼一齊嚟送機，由阿媽樓下溫家開始，一齊幫手推行李，程家就喺荔枝角站，阿媽冇一齊跟去啦，仲仲摟完又喊，不過有朋友仔陪住又好啲！最終佢地送到去青衣站，吹水影相到7點半先上車，仲仲又傷心啦！去到機場開始排隊，等寄行李等過關，終於可以食嘢已經9點，食飽去閘口坐，終於要飛啦，坐咗15 個鐘呀，腰都直！落機到攞行李已經一個鐘，換番電話卡先知四隻嘩鬼們追蹤我地架機，由起飛到降落，清楚過我地！終於等齊行李攞車上貨返到屋企，開始unpack，洗衫乾衫吸塵抹地等，3點幾坐下我終於頂唔順瞓咗，老公都一早瞓咗 ，佢8點叫醒番我地然後煮晚飯，雪櫃有咩食咩，然後都休息了！
17/12/23 SUN COOL
今日又要較鬧, 因為約咗Barry食早餐, 不過佢地都10點幾先嚟到, 去咗君日食, 但已經冇以前咁好味, 等佢地嚟食完吹咗一輪水, 落埋樓下球場比仲仲同栢樂玩陣, 我地咪繼續講移民啲嘢, 因為佢地都計劃出年申請, 都係要比啲方向呢家人, 成日都慢吞吞咁! 哥哥就自己去睇佢啲動漫嘢, 我地就去咗行新都會同葵廣, 老公去咗買電腦, 我去咗買底衫褲, 結果老公仲買埋手提電話比仲仲, 最緊要佢夠錢買就得啦, 我地今次都幾先洗未來錢! 最後去葵廣食埋車仔麵, 搞埋啲電子嘢, 老公就揍子元去konter睇剛sir比賽同練波, 我就同仲仲返酒店先, 可以休息吓, 去吓廁所先, 跟住返阿媽到食晚餐!
13-14/12/23 WED COLD
今日都係仲要返工返學，今晚先飛！不過返工返學都冇咩心機，好在跟個易搞，所以hea住就過咗，準時收工快手仆返屋企，大家差不多時間返到，快手沖涼執埋嘢，4點半出發到，去到機場先要泊車搞一輪，終於去到寄行，過海關檢查行李又搞一大輪，終於搞掂可以食嘢，行吓免稅店買啲嘢，準時上機起飛，食咗個晚餐要瞓，但其實唔係好瞓到，不過都叫可以架啦，留番落機先瞓！準時落機搞埋電話卡八達通可以去酒店，再去阿媽到放低嘢，跟住去食嘢，只係食咗粥同松記，好滿足，安置好佢地喺婆婆到可以返酒店休息了！
5/12/23 TUE RAIN
今朝好鬼趕, 都唔明點解成日都咁趕, 返到去學校又係唔知跟邊個, 好在搵到人問, 又要跟嗰個好冇禮貌的Y7, 好在最尾嗰堂個老師整治吓佢, 大快人心! 其實我都唔多想理佢, 但堂堂都坐埋一邊又真係好難搞, 所以先致局住理吓佢, 好在今日佢冇周圍行已經好比面! 幾經辛苦捱到最尾啦, 老師負責佢, 我準時就走人, 但都最尾一個去接仲仲呢, 不過就可以問埋老師明天種樹嗰到要點, 著咩衫等等! 回家後睇吓老公點, 食咗兩日藥好似好咗啲, 話哂要食抗生素, 都應該有啲用! 清理完垃圾就可以休息吓, 然後幫仲爺溫吓書, 然後寫番清楚返香港要買啲咩個list, 跟住又要煮飯啦, 都未睇得哂社內相親!
4/12/23 MON COLD+
今日都算冇咁凍, 裝備唔洗去到最勁, 揍咗仲爺返去就返工, 有啲趕, 返到去諗住先再問我跟邊個, 點知AL1一個人都冇, 諗住睇吓email, 又係咩都冇, 咁可以點呢, 咁啱reception打嚟話Noor返咗, 咁我就自把自為今日就揍佢啦, 反正都冇蝕, 咁就再通知埋另一個同事, 等佢可以安排我食飯囉! 跟佢都輕鬆的, 到11點多見老公仲未出門口去睇醫生, 已經喺咁打比佢, 以為佢趕得切, 點知最終遲咗10分鐘佢話GP就唔比佢睇, 我話不如直接去醫院睇急症, 咁佢都聽我講直接去等, 都估有排等架啦, 估唔到都真係等足3個鐘, 但起碼有藥可以攞, 仲要唔洗錢, 希望食咗藥快啲好啦! 我就順利準時食飯放學揍仲爺, 再去埋超市買啲餸, 真係好凍好攰! 休息吓仲要摺埋啲衫, 差不多時間又要煮飯, 食完洗埋碗等仲爺沖完涼時我又要再摺衫, 忙唔完咁!
1/12/23 FRI VERY COLD
今日又係好凍，老公仲係好病唯冇請假，我就煲咗粥大家熱熱地食咗先返學，今日都係悶住過，放空都放唔到咁多個鐘，條友又成日周圍走，我都廢事追，反正佢最終都會返課室，有堂悶到就死，終於比我諗到做咩，就係寫吓行李清單，寫得好詳細嗰隻，應該夠捱好一排！最尾PE堂局住行圈放風咁，好在我醒目攞埋耳機行可以聽三叔！放學要去幫仲爺買學校運動褲，又見老公個GPS冇郁，好怕佢唔知醒揍仲，但電話又冇人聽，唔理咁多啦去咗買褲先算，最終得知老公係遲咗，然後電話又打唔到又冇網絡，又整唔到咩，都照出咗broadway先，食嘢買嘢完就返去！老公又好攰 ，仲未好得哂，反正都食飽就唔住晚餐，但我自己都煮咗個麵！
30/11/23 THU VERY COLD
老公話今日好凍, 我睇吓真係出太陽都上唔到正數, 所以都要著行啲, 又要服侍仲爺, 條友琴晚咳到隻嘢咁嚇死人, 好在今朝起身已經好好多, 服侍佢起身等等搞到我都好趕, 好在都趕得切! 今日唔係跟個簡單架啦, 所以都要用啲力, 不過我完全用一個不在乎狀態, 反正你愈有反應佢愈鍾意, 同埋佢唔比你理教學啲嘢, 所以我都冇咩好做! 佢放飯時係咁周圍行, 好在我著夠衫啫, 唔係實凍死! 然後另一個問題係放飯, 我睇個時間表都知冇人嚟架啦, 但去到點幾我已經餓, 諗住呢堂都冇人嚟去搵人求救, 好在2點鐘終於有人嚟, 餓死我! 之後捱埋嗰大半堂唔理咁多走先, 我要去揍我隻BB! 快啲返屋企, 凍冰冰! 老公放工返嚟話病, 周身骨痛, 所以佢食咗藥瞓陣食完飯再瞓, 我就要預備埋明朝煲粥, 明天仲凍, 食啲熱嘢先出門口好啲!
24/11/23 FRI COLD
今日終於又覺得凍咗, 就算出哂太陽都凍! 朝早如常咁返到去, 照常開工啦, 飯筒喺到局住要一齊吹水, 真係好難頂! 今日揍大嗰個低能妹, 佢係間中有啲煩架啦, 但都搞得掂啦, 上堂時上堂, 放break時放break, 時間都好快過, 可以準時收工, 咩都唔理啦! 返屋企食完嘢開始要做正經事, 申請十萬九千樣嘢, 先係預備關於申請passport的資料, 最煩係仲爺要搞個副署啫, 最終都搵到嫲嫲張身份證, 咁就print埋張相填好埋就開始, 其實唔係要填好耐, 不過要填最耐係子元sixth form申請, 開咗電腦就一次過做啦, 填哂4間學校, 填到眼攰, 有啲又要作文喎, 梗係叫番子元自己作啦, 已經幫佢咗咁多嘢啦! 老公返嚟佢煮埋晚餐啦, 我要繼續填嘢! 食完都係沖涼休息啦!
16/11/23 THU COLD
今日臨放學我都失守又喊，因為顛妹顛咗一日，最尾嗰堂代課，全班分咗兩批，一係發顛大叫掉嘢一係比人嘈到坐埋一邊好無助，我都未試過咁樣，個代課完全控制唔到，我call咗兩次SLT，真係搞唔掂，喺課室放棄咗一次坐埋一邊，已經唔想理，我見夠鐘就叫條顛妹執嘢，佢出咗課室就走咗去，我咪照走，夠哂鐘！出到reception見到同事我真係忍唔住喊，太壓抑啦，只要嗰堂個老師一唔夠power就搞唔掂！離開學校去接我仲仲其實已經好好多，反正今晚都好忙要去William perkin open day，見識吓呢間重點目標！join 埋holly佢哋一齊睇車埋佢地返屋企我地先返附近買嘢食，回家沖涼瞓覺！
14/11/23 TUE RAIN
今朝竟然有啲趕出門口, 去到學校以為未開門, 點知原來已經遲哂, 明天都係要早啲! 趕到返學校即時開工啦, 跟顛妹其實都冇咩, 因為我都唔多理佢架啦, 照樣喺佢有佢顛, 我有我呆, 一定要保持呢個心態先可以! PE堂先攞命, 小息已經落緊雨, 好在老師識得快啲叫我地去室內場先點名! 三班一齊上只可以玩bench ball, 好嘈! 午飯顛妹因為琴日做錯事, 所以要留喺AL1, 好在我都放飯, 唔洗喺到呆! 之後上數同history, 忙忙亂亂咁又完! 因為唔早走得, 我要等到打鐘先行得, 結果趕就因快得慢, 出車行停車場位, 有架車又出比佢嚇一跳, 急停唔切就飛咗個人出嚟又跌落地囉, 都唔算好傷, 但嚇死個司機囉! 快手去reception貼埋膠布就要走, 趕住去接仲仲, 真係好遲囉, 幾唔好意思! 然後仲要去買番對鞋, 佢對返學校肚餓開哂口! 返到屋企仲要趕住天黑前倒埋垃圾! 然後要煮嘢食啦, 好肚餓! 等佢地閃哂去練波就可以追吓劇咁啦, 煮好飯返嚟就食飯睇電視沖涼休息!
3/11/23 FRI COOL
今日本來跟Noor都冇咩嘢，點解個lunch cover又可以同個更表唔夾，琴日又係咁，咁我問吓了解點處理都得掛，其實每日都唔知自己係咪嗰個時間確實冇得休息係好困擾架，尤其是又急尿又冇人幫手比你去個廁所，或是等到2點都冇人嚟，餓到暈都冇人知係好唔合理，但唔通真係同校長講咩，二姐又唔知幾時返，真係好灰！另外就係阿姐一返嚟話我9點應該喺學生到，其實佢唔同我講嘢就得，同埋佢成日睇大房快咗5分鐘個鐘係咪又唔公平呢！呢到真係冇正常人，另一八婆又成日以為自己係阿姐，管啲同事，我同Letty佢哋吹水又關佢事，話我地應該講英文等Noor一齊講，佢都痴線，以為自己真係老細！放學終於可以休息吓，但返到去都係忙碌，老公返嚟就一齊去買肉，買到羊肉可以整羊腩煲打邊爐！
30/10/23 MON COLD
終於要開學返工，真係好唔捨得個假期呀! 不過為兩餐都要郁架啦, 朝早又係好辛苦咁叫仲爺起身返學囉, 條友又唔記得札辮, 今日要游水嘛, 搞到我要借我嗰條比佢, 好在返到去可以問到letty借嚟用住先啫! 返到學校個更表又冇我個名, 同事叫我問阿姐咁我咪問囉, 好在都係個唔太難搞, 起碼唔會要一日到黑叫住佢個名, 只係佢啲堂真係好悶同埋我都幫唔到佢啲咩! 12點多可以放飯比我預期中早但我得個烏冬真係唔夠飽囉! 最後一堂ART好玩呀, 我都有得一齊整先好! 最後準時收工揍仔, 仲爺又要補番個見家長嘛, 幾忙先得架! 揍咗佢返嚟我又要趕出去買餸, 然後哥哥就揍佢去球場, 我買完餸返嚟真係好餓, 喺咁煮嘢食等等, 食完好攰, 瞓到6點幾真係要煮飯啦, 食完飯hea吓咁都冇咩理仲爺, 佢幾時先的起個心睇吓英文書!
12/10/23 THU RAIN
今日以為輕輕鬆鬆, 點知返到去大姐話改咗跟我未跟過的另一個year 7 煩妹, 好在頭兩堂喺去咗電腦房做test, 我都可以輕鬆吓先, 小息又係去圖書館, letty佢地又識得跟上嚟搵我吹吓水, 之後音樂堂都有啲煩架啦, 但因為班房得佢一個顛, 冇亙動真係好好多! 更表冇show幾時放飯, 我都唔理架啦, 反正食咗少少嘢先, 到時再算, 點知12點幾有得食都好, 食完飯再開工, 條友開始麻煩啦, 數學堂還好, 老師控制到, 英文堂我知係邊個老師後, 都知唔會有太大問題, 最慘係會遲放囉, 好在我叫咗老公接仲仲, 佢琴日打完流感針, 過度反應又攰又頭痛手又痛返唔到工! 放工返到嚟快手食嘢就出門口, 因為要去Drayton Manner sixth form開放日, 又係悶悶咁sell囉, 都係網上睇到的! 回來煮飯食先沖涼, 子元踢完波返嚟自己食自己洗, 我收工了!
11/10/23 WED COOL
一句講哂今日好攰，跟顛妹三日真係極限，佢今個星期日日都好high，堂堂都大叫又失控咁想點！搞到老公師基本上係教唔到書，我都比佢煩到好攰，因為佢不停搞到其他學生投訴，但同我投訴冇用囉！到英文堂，分咗set，佢搞到老師點做都係街市咁，寫張紙send佢去gns都唔比，因為冇call SLT，gns唔收，大姐更加啦，佢最叻叫人離開，好似今朝一返到去有白車，原來Faria暈咗，但我一入去佢淨係叫我離開，大佬我連file都冇攞，好在我知個學生喺邊啫，只係冇時間表，唯冇問番學生囉，真係勁無奈，佢真係仆街中的仆街！放學接仲爺時老師話下星期家長日唔係佢見，因比Sen dep見！咁要再約！返屋企後都係休息食嘢摺衫煮飯，老公好早就瞓！
9/10/23 MON WARM*
又要開工啦! 今朝子元返學校打羽毛球, 所以唔洗理佢早餐, 搞掂仲爺就出門口, 返到學校先睇更表, 又要跟顛妹, 加上佢今日好hipper, 所以我都好攰! 基本上我勸到就勸啦, 因為真係有心無力呀! 不過可以準時食到飯吹到陣水都好過冇架啦! 最尾嗰堂早幾分鐘走, 我醒目架啦食飯時渣定架車出門口附近, 走得即閃! 接仲爺放學時, 同neighbor講埋可唔可以下星期家長日時揍埋仲爺走, 咁我唔洗專登請假! 睇吓得唔得啦! 返到屋企快手食嘢休息, 然後又要揍仲爺去踢波, 可以打吓機, 返嚟就食飯飯, 有鴨腿湯飯, 好好味! 跟住都係睇陣電視沖涼休息!
7/10/23 SAT WARM
今日都係瞓到自然醒啦, 食埋早餐, 準備埋功課叫仲爺做先得, 但佢啲態度又係令人火滾! 終於出得門口, 只係去咗買咖啡同B&M先, 跟住返去接佢地, 子元話要買返學裇衫, 結果喺broadway食埋買埋嘢又洗好多錢咁! 返屋企之後我就做清潔, 老公同子元去做gym, 清潔完都好攰啦, 老公返嚟就整晚餐, 食完睇電視等沖涼啦, 到臨瞓前仲爺又係講極唔聽, 瞓覺前準備又係冇做好, 然後講故事時, 我一路講佢又話聽唔明, 叫佢睇又睇唔明, 我就火起, 但重點係陸生話我攞個仔發脾氣, 其實佢都冇參與過佢照顧日常生活細節, 佢憑咩咁講, 連子元都明我講咩, 因為佢都有參與幫手教仲爺的過程, 仲話叫我唔好理仲爺咪得, 佢唔起身咪由得佢喺屋企唔好返學, 呢啲係咩講法, 根本係唔合理, 仲爺見到我地嘈喺到流馬尿, 佢呢個始作俑者唔該快啲醒覺!
2/10/23 MON WARM
今日又係咩都未知就返工, 返到去都未有機會睇跟邊個, 都係要跟低B妹, 不過係year 11嗰個, 佢都有啲煩, 但相對地係易搞架啦! 照樣開工囉, 又把握機會打吓機咁, 反正都冇嘢好做, 準時食飯準時收工, 係冇得同letty佢地吹水囉, 個學生話唔想我同啲講中文的人傾偈, 我心諗關你咩事, 同佢講嘢又講唔到, 6個鐘唔講嘢堅係悶囉! 終於捱到放學了, 夠鐘就走啦, 接埋仲爺返屋企, 又要準備細佬出去踢波, 點知渣咗一半都未有, 突然好大雨, 我見老公可以渣到嚟接我地, 就走去巴士站等, 等緊時啲雨時大時細, 仲要行埋雷, 所以都取消埋, 直接可以返屋企! 老公煮好味晚餐, 食完睇電視沖涼休息!
30/9/23 SAT WARM
今朝我傻咗以為係閒日, 見到8點鐘, 以為遲到, 所以大叫, 老公比我嚇死, 話今日係星期六喎, 真係好白痴! 不過之後都hea到10點先起身! 食埋早餐都11點幾, 仲爺又話要幫佢tun結他, 最終我地差不多12點先出到門口, 先去買咖啡, 再去超市買埋今個星期餸, 今個星期應該唔洗再買餸, 返到去淨係執番啲餸入雪櫃都好攰, 仲要plan埋邊日食咩, 然後先可以煮嘢食, 老公就揍咗子元去做gym! 食完嘢做埋打掃, 我就繼續追我套BL劇- 我的牙想你, 得番4集兩個鐘就追哂, 真係好好好好睇, 又有劇情又有靚仔, 邊有得輸, 睇完嗰吓我係好唔捨得呀, 幾耐未諗過, 唔想開套新劇添呀, 真係好好笑! 我仲忍唔住喺口水個DM打咗個留言介紹佢地睇, 好痴線! 老公煮好飯就可以開飯, 之後睇財閥家的小兒子都好吸引, 減吓我對BL劇的不捨吧!
23/9/23 SAT COOL
今朝瞓到9點幾先起身啦, 星期六嘛梗係要瞓晏啲! 食完早餐就同老公出咗去買咖啡同去B&Q買嘢, 然後再去超市買埋餸, 又放血, 不過點都要食都要買! 返到屋企都點幾, 老公要整下層廁所個沖涼位, 成日漏水出嚟整到牆濕, 不過又要等乾咁今日都係整唔完, 佢兩個要上嚟沖涼! 我就執好仲爺個書枱, 等佢可以開始做功課, 終於入到個google classroom, 都係寫字做數啦, 但佢都做咗好耐, 而我都好無聊咁整咗個每星期食咩餸表, 全部用畫的圖畫, 好可愛架, 咁佢地唔洗食日問食咩, 買完餸返嚟又知邊日煮咩! 老公同子元出去做gym, 做完返嚟抖吓又開始煮飯啦, 今晚有粟米魚肚羹, 好正!
21/9/23 THU RAIN
今日又要開番辛苦工啦, 對住year 7嗰條八婆又係令人燥底, 我其實係咪可以唔理佢呢, 定係只係我問題! 好在今日學生早放, 唔洗對住佢咁耐, 不過小息佢自己掛住print嘢又冇食嘢又話肚餓, 但其實都係11點幾咋嘛, 平時都未開飯啦唔好玩嘢! 玩到放學send埋佢出去, 見佢識自己走我唔理啦, 明天我有我自己走就算! 本來諗住開飯架啦, 但都係返去大房睇吓咩料先, 果然仲要去sport hall聽嘢, 都係講今晚open evening, 但其實係唔關我地事, 不如比我地放飯啦! 終於食完飯就要執房, 執到夠鐘就梗係閃人, 又要去聽細佬學校的parent evening, 悶就梗, 不過可以問埋老師聖誕要請假點做, 仲有google classroom password, 點知走嗰時又落大雨, 等咗一陣細啲都即閃, 濕都要啦, 返到去好似死咗咁, 仲要開定電腦老公返嚟幫兩個報埋term break踢波, 然後我要休息啦, 身心都好攰! 6點幾仲仲叫肚餓, 我就即刻煮麵囉, 反正有牛腩, 食完繼續hea到咁上吓沖咗涼先, 唔想洗碗!
15/9/23 FRI WARM
今日我竟然忍唔住喺學校喊咗出嚟，我都估唔到自己會咁，壓抑咗一星期，捱到星期五要爆！本來都冇咩架頂得住，但佢由第一堂開始已經唔合作，之後又因為班主任掉咗佢個prime水樽，因為係禁用，佢又開始顛啦，Geo老師都怕咗佢，基本上今個星期冇幾多個老師係讚呢班，全部都覺得難搞！到小息佢又去圖書館，又撩琴日嗰班女，我已經stop咗佢好幾次，佢唔聽之餘繼續變本加厲，我條臨界點到了，爆咗！行咗去一邊開始喊，過咗一陣圖書館管理員過咗嚟，我都仲抽泣緊，管理員帶我去office等我冷靜吓，咁啱子元個補習老師嚟到見到我咁就即刻安慰我，抒發咗已經好番啲，都要繼續開工！上上吓英文堂二姐嚟咗搵我，佢係想問我咩事，了解番我情緒得唔得，我講完再道歉，二姐叫我唔洗道歉，佢話知道係好難頂，佢自己都唔知喊過幾多次！餘下時間其實我可以轉人，但我唔想煩到人，做埋佢算！放學時真係好攰！返到去馬上出門口去broadway，一嚟老公佢哋食嘢，我又要買波鞋，買藥房3嘢等等，回家後hea到8點幾先開始煮飯食，所以又搞到好夜！
14/9/23 THU COOL
今日兩個都早啲起身, 咪唔洗趕頭趕命咁出門口囉, 返到去都係照常咁開工啦, 查實都唔係好想開架啦, 鬼叫你窮呀頂硬上, 可惜係今日時間夾唔到同letty佢地食飯囉! 12點幾放飯變相要上足哂咁多堂, 真係好攰! 又唔知啲老師咩要求, 不過最好笑係有個老師唔知落堂, 我都提咗佢佢又話未, 要下一堂老師趕佢先知, 低能! 捱到放學本來都冇咩, 喺reception幾個同事先講大姐又出埋哂啲惹人討厭的email, 一句講哂佢唔做好啲嘢又唔比好指引下屬, 其實叫人點做呢, 佢真係想迫人走咁解啫! 但我窮都係要頂! 接咗仲爺放學就要去教堂office搵嗰位人士傾, 重點都係想了解吓我, 再睇吓今年可以點樣安排, 又叫我地要去吓mass, 睇嚟都要開始搵日子去吓! 返屋企諗住休息吓又要準備揍細佬出去踢波, 點知老公話唔洗踢, 咁就好啦可以盡hea, 反正佢都煮好哂牛腩, 我淨係煮飯就得! 食住睇那年盛夏, 明天就大結局啦!
12/9/23 TUE COOL
天氣終於涼番少少, 但係啲課室都係熱, 到放學時開始落雨先好啲! 今日都係攰啦, 揍住嗰條妹都係煩, 突然好掛住啲易揍的, 起碼上堂時我都可以做吓自己嘢, 而家完全做唔到, 好緊囉啲神經! 今日最可惜係又改鬼咗我個放飯時間, 搞到我冇得同letty佢地食飯吹水囉! 仲有放學時個學生老母話佢個囡想同啲同學一齊放學喎, 唔想早啲出嚟, 我同佢講暫時今個星期都係咁先囉, 我心諗你唔好阻住我收工呀唔該! 接埋仲爺返屋企就可以休息同食吓嘢先, 可能真係太大壓力, 係咁想食嘢! 今日要去學校聽子元甚麼year 11 talk, 都係廢話, 一句講哂主力叫佢地要溫書囉! 回程時落住雨咁又天黑, 渣車真係好有難度! 返嚟仲要趕煮飯, 食完睇埋劇仲要洗碗沖涼等等, 今日太夜溫唔到書, 明天要溫兩個!
10/9/23 SUN HOT
今日都仲係好熱, 希望明天好番啲, 熱咗一星期咩都夠啦, 我琴晚都瞓得唔好囉, 熱醒咗好慘! 起身食完早餐就諗住去幫子元報補習, 點知收到Miss Message, 話因為佢地喺brentside覺得太嘈, 用唔到嚟補習要再改地點, 今日報唔到名住! 咁就直接去買咖啡, 行埋B&M又買咗嘢, 然後揍咗佢地返屋企, 叫子元執住屋吸咗塵先, 我地再去買餸, 返到嚟先整好啲餸, 跟住就做清潔, 最後重點係地板打埋立, 都真係幾大工程, 因為只係下層要打, 咁子元就stay喺床, 我地就上哂樓上, 我都冇浪費時間仲要咗衫添, 然後就去煮飯, 都係老公煮啫, 食完飯仲有正嘢食, 因為事頭整咗芋圓, 咁就梗係要襯番個仙草啦, 仲有大細珍珠添, 正! 明天又要開工啦, 要迎接新挑戰, 要跟新學生!
6/9/23 WED HOT
今日兩位少爺都返學啦, 唔洗整飯比仲爺, 絕對係慳咗好多時間! 準時返到去學校, 我都準時架, 本來諗住搵阿姐, 又話要講吓今年要escort+, 但另外個同事話我知阿姐開緊會, 咁我咪照樣開工先囉, 最仆街係之後, 轉堂時我帶個學生返嚟攞嘢, 佢又話個盒喺嗰邊唔行得過去, 大佬...喺條邊位咋, 白痴, 喺地下畫條界呀笨! 平時GNS我地都可以自由出入架啦! 我真係唔想理佢咁多, 佢個人實在令人想搵人打佢一身! 唔理咁多照常開工, 今日都係好熱好曬呀, lunch time最辛苦! 好在最尾嗰堂可以hea, 準時收工走人接細佬, 返到去開電腦做嘢呀, 本來想睇吓改唔到機票, 但價錢太貴搞唔掂, 等子元明天返去問點算啦!
25/8/23 FRI HOT
琴晚點幾比個風吹開咗個窗簾整醒咗就瞓唔番, 最終差不多3點幾先瞓到, 唔知係咪因為太緊張, 好在今朝都9點多先醒, 應該都瞓夠, 因為今日有重有任務, 就係要去考UK life test, 所以食完早餐我就再做多次嗰16個Exam先, 老公早放咗一個鐘返嚟車我過去, 去到試場泊好車, 本來老公話去飲杯咖啡, 但我真係冇咩心情, 所以最終早啲去試場門口等, 順手再溫多陣書, 等到有人叫入去就入去排隊, 跟住指令關電話同放嘢落locker, 然後去waiting room等, 再驗證身份就可以入房做卷! 嗰時都仲係好緊張, 做咗十幾題都100%肯定啱, 真係輕鬆咗好多, 起碼個心冇跳得咁快! 頭尾用咗10分鐘就完成哂走得, 睇apps搵老公喺邊, 然後去食嘢, 因為10分鐘就有消息, 知道合唔合格, 去咗食雞等, 果然好快收到email, 睇埋個結果都安心哂, 去咗shopping, 老公去B&Q, 我去B&M, 返屋企之後快手準備晚餐先, 老公車佢地去踢波, 但之後佢同子元約咗班香港人踢波, 結果我要去接仲仲, 好在都好近! 返嚟食埋晚餐沖好涼休息休息!
24/8/23 THU RAIN
已經幾日冇出門口啦, 日子都好充實, 因為明天就要考uk life test, 今個星期超努力溫書, 我咁努力希望成功啦! 今日食完早餐又開始溫, 到點幾先落嚟煮個飯, 簡單食鳥冬pizza就算, 跟住又返上去再溫過, 但都要同細佬做練習架嘛, 於是簡單地同佢講一次, 交帶佢自己做, 我再繼續努力! 其實今日冇餸架啦, 但又唔想出去買, 老公於工返嚟就話不如佢揍子元踢完波去買外賣, 咁都好唔洗煮同洗慳好多時間, 所以食完再溫到差不多10點, 我連40個test都做哂啦, 明天再溫多次16個exam應該冇問題! 沖完涼摺埋衫終於可以休息啦!
17/8/23 THU WARM
今日突然間的起心肝, 報咗下星期五考埋個UK Life Test, 都讀咗咁耐, 不如快啲考咗佢算, 一個星期應該夠溫到熟! 所以食完早餐就開始溫書, 都溫咗差不多兩個鐘, 好勤力架! 本來諗住12點幾出去買埋餸先煮飯, 點知舅母仔打嚟又講咗一輪, 跟住老公又叫我打電話去同子元仲爺問免費有波踢, 終於點幾鐘落到樓, 先整咗嘢食先, 然後休息吓同仲爺溫書, 點知條友又激到我, 佢啲態度真係好乞人僧, 我又發哂火, 激死! 出去買餸冷靜吓, 返嚟要仲爺背番個乘數表比我! 之後老公帶子元去踢波, 我同仲爺喺屋企, 同佢玩吓機, 然後就煮晚餐, 簡單食意粉咋!
7/8/23 MON WARM
今日都係冇出街啦, 瞓醒先致起身食早餐, 然後都冇咩架啦, 11點幾出去買餸, 買完返嚟咪煮埋午餐, 食完抖多陣就同仲仲溫書, 已經係溫得有啲求奇, 之後都係睇吓電視hea吓, 阿媽明天就要返香港, 所以今晚都整好啲食, 老公話要同子元去試腳, 我要煮飯, 都冇咩所謂咁就照煮, 開apps見佢地去到但又唔似球場, 佢地就話泊唔到車又遲咗冇踢就返, 咁就快手煮飯, 佢地返到嚟無端端細佬話有新歌彈, 阿哥又影相片咁, 原來老公唔係帶子元去試腳, 而係去咗攞蛋糕, 好大個tiramisu, 真係比到驚喜我呀! 好開心真係有蛋糕, 雖然過幾日先係我生日, 但喺阿媽返香港之前一齊切咗蛋糕先! 好好味呀!
31/7/23 MON RAIN
今朝都係瞓到自然醒啦, 食完早餐又同council嗰到周旋council tax問題, 搞咗一個鐘都係重頭嚟過叫我再email過再upload過, 搞到12點左右阿媽話想出去, 佢想自己出去行吓, 但我都係唔放心, 本身叫仲爺帶住佢, 但諗諗吓其實仲唔放心, 兩個都冇電話, 最終叫佢地等我一陣, 我同佢地一齊出去, 行咗去Lidl再行去魚檔買魚, 本身行都冇咩問題, 只係仲爺係咁講嘢, 聽到好攰, 返到嚟煮咗嘢食完我只想攤吓, 個精神好攰咁! 之後就開始追吓劇睇吓戲咁, 老公返嚟帶咗兩隻豬去踢波, 我就睇時間煮飯, 食完飯就沖涼休息!
26/7/23 WED HOT+
今日都係瞓到自然醒, 但個自然太早, 之後都唔係好瞓得番, 可惜! 起身梳洗食早餐, 之後就準備帶阿媽出去行吓, 因為鐵路又好似有啲問題, 我地就近近地去broadway附近個公園行吓就算, 其實又要撘巴士過去再諗番條路點行都夠我玩! 去到公園其實冇咩嘢睇架咋, 有公園仲爺又可以玩吓咁, 阿媽又玩埋一份, 佢玩到企喺千秋上面呢! 我見都幾近日本麵包店就去買埋麵包啦, 跟住就行番Broadway去M&S買埋方包就撘巴士返去, 落車喺Lidl再入貨, 阿媽話想食豬肉嗰啲, 咁就買咗肉餅囉! 返到屋企見到有封信有哂我同老公個名都知道唔方好嘢, 原來係council話我地冇交felix road嗰邊的council tax, 頂......我咪改咗地址囉, 又改唔啱? 咁佢又識寄嚟呢到比我地, 痴鬼線! 幾經辛苦打咗電話去問到人, 佢話要email完租約個文件比佢等佢close咗呢個account, 就咁改嗰個又唔關事因為唔同account number, 完全諗唔明係咩玩法, 總之email咗比佢先啦, 唔見佢覆都要再打去問! 好在佢地自己整好嘢食放好哂買返嚟的東西, 咁我搞掂都落去食嘢啦! 然後就係同仲爺今日學習, 因為佢要等daddy返嚟帶佢去踢波, 所以好積極搞掂哂等老公返嚟, 佢地去踢波我就繼續睇金師傅, 一邊煮定飯, 佢地踢完返嚟快手沖涼, 因為落雨濕哂! 諗咗可以上下層一齊沖只係水弱啲啫! 食飯都係睇吓電視咁啦!
16/7/23 SUN WINDY
今日點都成行去一轉海灘, 雖然天氣都係一般, 但起碼有太陽, 只係好大風! 起身食埋早餐都10點幾先出門口, 要渣兩個鐘車所以過到去都12點半, 泊好車攞齊嘢去海灘, 本來諗住搵個位settle down, 但老公見到有個位有啲餐枱, 咪坐嗰到再去買嘢食囉, 仲爺就可以喺對出個沙位玩, 等我買完fish and chip返去, 我地啲位比一大堆印度人迫滿哂, 基本上佢地目的都係趕我地走, 成個場佢地包哂, 到我陪住細佬玩嗰時, 有個直情喺我地前面攞啲零食出嚟引海鷗, 搞到啲海鷗喺哂我地前面, 我真係火起, 老公都話走啦, 因為迫到你根本坐唔到, 痴線架, 我嬲到喺咁fick佢地, 但佢地唔知真唔明定扮哂嘢, 好在今朝有食血壓藥咋! 而家講番起都炆! 去車放番好啲嘢等仲仲抺身換埋衫就周圍行吓, 真係隨意行吓影吓相就算, 4點幾回程中途仲要停吓services, 買吓嘢食先得! 返到屋企快手煮咗飯先, 然後先執嘢, 仲要摺埋啲衫食埋飯都夜啦!
13/7/23 THU WARM
今日終於有得做輕鬆嘢, 揍吓Jazzy又做吓飯更咁, 幾好! 本來以為頭兩堂喺G&S過, 點知老師知道我跟Jazzy就比佢去參加活動, 結果去咗field hea咗兩堂, 期間好忙咁安排下星期二...因為子元學校頒獎禮, 子元有獎攞, 但仲爺又要踢波, 唯有請炮哥幫手接! Break之後就做飯更, 都係hea, 唔太難搞, 只係放飯前竟然又火警鐘, 但今次原來係真, 係sport hall嗰邊, 散得就去放飯, 最尾嗰堂揍埋Jazzy就走得! 接咗仲爺返嚟休息吓, 等佢地去咗踢波我就可以繼續追金師傅同埋要摺衫, 返嚟食埋晚餐睇埋電視已經10點幾!
10/7/23 MON WARM
今日返到去學校都冇更表, 阿姐出嚟話我跟Amira, 仲要頂飯更, 最終咪唔Work囉, 又係啲豬隊友問題, 真係人蠢冇藥緊, 老師轉咗房佢搵唔到, 但啲學生又搵到呢, 完全唔明! 仲要話佢地唔喺課室你就應該去AL1, 真係好火, 我聽日一定比面色佢睇! 另外今日跟嗰個學生成日就係想留喺廁所, 我真係唔明! 放學又趕頭趕命去接仲仲, 趕到唔記得咗放番低個walkie, 又要返轉頭! 返屋企放低嘢就同老公去買餸同食啲嘢, 學校個飯真係太細! 買完返嚟要做番清潔, 早兩日出咗去玩嘛! 做得嚟又食啦, 睇埋膠戰先洗碗摺衫, 搞到10點幾先沖涼, 好攰!
8/7/23 SAT RAIN
今日係兩日一夜之旅, 今日先去Bath, 不過出發前先要去攞仲爺個足球獎, 都係豬肉獎啫, 因為我地趕住出發, 吹咗一陣水就閃啦, 但仲爺傷心到喊囉, 都唔知佢喊咩, 是但啦, 快啲出發啦, book咗枱食飯, 要兩個幾鐘先到, 加上又落大雨減慢咗速度, 都遲咗差不多半個鐘先到, 仲要搵位泊車, 不過都真係幾好食, 只係有啲貴! 食完嘢就同張家一齊遊市中心, 都跟住上網搵到的路線嚟行, 有羅馬浴場, 二百年的橋, 半月建築物等, 行吓又落吓雨咁, 都算幾豐富, 因為大家都攰, 冇等到嗰間餐廳食, 直接返咗Bristol, 又係去睇橋, 然後食晚餐, 就咁搵咗間日本嘢食, 終於可以返酒店沖涼休息! Letty佢過嚟玩咗陣先返房!
7/7/23 FRI HOT
今日又變番熱，都啱嘅，夏天嘛！今日佢兩個唔洗返，咁我咪可以慢慢出門口，返去都係準備點名，我第一時間攞咗Letty嗰班嚟點，又可以同佢吹水，原來琴日佢同佢老豆炒大穫，3點幾先瞓，陰公！我聽完佢講又覺得炮哥有啲唔啱，但呢啲係人地家事，只可以開解吓佢，夠鐘又要各自走，返番大房其實冇咩好做，完全係搵嘢嚟做就算！放飯咪食自己，食完去搵Letty繼續吹水，繼續開解！到下午時段就唔多洗做，於是幫Anna砌埋個行程同有咩地方好食！最後未夠3點就放人，正！返去等老公整花園收埋尾，就出去Broadway 買嘢，估唔到仲爺又撞到學校老師，我又撞到學生同老師！返屋企就執吓行裝，明天短trip啦！
5/7/23 WED COOL
今日學生就唔洗返, 淨係year 10返, 所以我地返去其實真係無所事事, 仲要安排我跟Amira, 其實都好, 我跟住佢淨係坐喺課室, 基本上係咩都唔洗做, 咁啱有兩個香港人學生, 可以吹吓水咁都幾好! 放飯時嗰條學生又去啲唔去得的地方, 又要我出手, 之後又周圍走, 最後我都廢事去追佢, 諗住去report 比訓導聽, 呢個時候佢就走出嚟搵番我轉頭, 你話係咪煩! 終於捱到放學, 返去超市買餸, 太耐冇入貨, 竟然買咗40幾鎊, 實在係要入太多貨! 返到嚟係咁食嘢, 夠鐘就揍仲爺去田徑, 返到嚟做埋運動就有飯食, 梗係繼續睇膠戰, 好好笑! 飯後食埋個雪糕, 滿足!
29/6/23 THU WARM
今日炒散，做埋appraisal，問埋二姐聖誕請咁多日假要點，冇咩壓迫嘢跟，好輕鬆咁過，其實好舒服！第一堂揍Jazzy都冇咩，佢想出去行吓咪由得佢囉，然後10點去做appraisal 仲要只係二姐做，想像唔到咁簡單！之後去問埋HR阿姐請假問題，預咗比佢插，最緊要佢話我知點做！之後去咗圖書館下hea 到去做飯更，點2知Bella冇返，咁去日本妹到先，再等下一轉飯更，都係hea到點幾就自己放飯，咁啱食完落去就撞到Letty佢哋，可以吹水吹到夠鐘先開工，準時收工揍咗仲爺返嚟先再去買嘢，佢哋去踢波時我就搵吓去沙灘啲資料，但因為我啱啱嚟真係唔啱去沙灘，咁不如改遲啲先去！
17/6/23 SAT WARM
今朝起身去廁所又覺得痛，都知道又尿道炎，但星期六又冇得睇醫生，先揍咗仲爺去踢波，然後老公話會唔會有私家醫生，search到有間之前仲仲因為GP爆咗轉介佢去睇過，去到真係有開，仲可以問到嘢，佢話Ealing hospital有emergency treatment center，老公就車我去排，你當急症門診，去到先登記，叫我喺大堂等，好快有護士叫入房，問咗你咩事，比咗個樽裝尿去驗，跟住就等咗個幾鐘，終於有得見醫生，一驗就有啦，重點係佢即刻出去攞藥比我，話埋你知點食就走得，錢都唔洗比，老公就嚟車埋我，再去costco入貨，本來子元自己去踢波，但佢又唔知提早咗，最終搵個位會合車佢去球場！返到嚟執吓嘢hea吓又食飯，食完老公開咗變形金剛！
8/6/23 THU WARM
今日返到去先知跟邊個，都唔算太難搞，照樣揍咗細佬就返去開工，繼續有時間溫習，放break時letty佢哋仲走嚟搵我吹水，唔錯！放完飯返去繼續hea，到science 堂時課室轉哂枱，bella梗發顛，好在我今日跟Daisy啫，繼續hea緊時有同事喺隔離房，唔知發生咩事但佢要即刻走，但佢好傷心咁我都未見過佢咁，應該好大件事！我地馬上自己調動等佢放心，所以午飯後有啲亂，因為bella應該又要call SLT，大姐清空間房清到同事入去做嘢都唔得！痴線！然後又要我跟Aisha，仲要好多狀況，我真係好攰！仲爺答應咗一齊去超市又唔去，要我車咗佢返去先，今晚要踢波，於是食粉就算，但都整咗一輪！照樣睇埋造星沖涼休息！
26/5/23 FRI WARM
終於到term break啦, 返埋今日就放假! 今日要跟Aisha, 其實佢冇嘢, 我上堂又有啲嘢做唔洗咁悶, 加上今日都唔係好教書架啦, Business堂又有Holly佢地陪, 過得幾開心添! 我差不多1:30先放飯, 所以忍唔住買咗個fish and chip加餸! 上埋最尾一堂走得, 好準時! 今日要接仲爺, 諗住比老公多啲時間整後花園, 點知返嚟見到佢又係到睇戲, 差不多5點先做, 是但啦我唔理啦! 我就上咗去用電腦, 難得開電腦就係咁用! 7點幾先煮飯, 反正放學返嚟又食咗嘢啦! 食飯都係開造星嚟睇, 然後都係沖涼休息啦!
27/4/23 THU RAIN
今日兩隻嘢都唔洗返學, 但係我就要返工囉, 因為唔想再請假啦! 所以整好早餐食埋就出發, 仲爺已經起咗身, 笨元就未! 返到去學校其實有種都唔知做咩咁, 因為其實真係幾無聊, year 11要返, 咁就要同佢地點名, 然後分咗兩批, 我跟咗嗰批去sport hall, 佢地做吓數學卷, 我都攞咗兩份比子元做, 但啲學生真係幾唔願做, 都唔知嗰啲學生點考試! 11點半就放飯, 全部人坐埋喺大房食, 咁咪跟大隊囉! 然後就繼續開工, 本來想好好自己去做, 但嗰條阿毛又要一齊做, 拖慢哂啲時間, 仲要喺到想學我用keyboard轉page等等, 雖然我唔算好叻但一定比佢地好囉! 終於捱到放工, 好在2:30就放得工, 咁就去咗sainsbury's買餸, 難得唔洗趕接放學, 不如就去買啲平時買唔到! 最終買咗好多, 好在都攞到返嚟! 今日佢地要踢波, 咁我又可以繼續嘆我的BL劇, 差一集睇完佢地就返嚟啦, 又唔可以睇埋!
20/4/23 THU COLD
今日本來都簡簡單單咁開工，跟Daisy就上肯定多時間做自己嘢，點知小息之後佢又話唔舒服要早走，撞正有人嚟替更食飯，但學生想走唔到我話事比唔比得佢走架嘛，同事都叫我問大姐，但佢又去咗上堂，我去課室搵佢佢竟然又叫我call SLT，最終替更嗰個話問咗訓可以走，最慘我得番10分鐘食飯，之後就等到佢家長嚟我咪返大房等指令，叫我搵番Jazzy返嚟喎，但都搵唔到，唯有夠鐘去課室會合！襯有時間就問咗同事聖誕請假單嘢嘅意見，都有啲得著！最尾兩堂捱埋佢就放工，接咗仲爺返屋企，等老公返嚟揍佢哋踢波，我就喺屋企預備晚餐，老公整好隻鴨我跟程序做就得，好好味呢！
14/4/23 FRI RAIN
今朝瞓到9點多先知醒, 放假就應該要咁! 起身整番琴日午餐食淨的粥加皮蛋咸蛋又一餐, 然後就捉仲爺快啲做功課同做運動, 點知撞正落雨佢又冇做運動, 大家繼續打機, 打到daddy差不多放工返嚟就準備出去, 因為好多嘢做呀, 先要去攞我free咗張睇波用的摺疊倚, 然後去茶餐廳食午餐, 跟住就去今日重點目的地, Central London的朱古力飲品店, 都有啲遠架, 因為要泊咗架車喺商場再行30分鐘過去, 當遊覽囉! 其實係睇完viu個節目介紹, 又見唔遠咪去朝聖吓, 咁我叫咗朱古力咖啡係正, 飲完又行返番去商場再行過, 都係行吓睇吓咁啦, 晚餐搵咗附近有咩嘢啱食, 最終去咗食咗四川嘢, 食咗毛血旺, 好正呀! 又唔算貴60磅都食飽!
8/4/23. SAT. COOL
今日係小圈子的聚會，givens北上探我哋，不過佢地都中午先到，先嚟放低啲打邊爐食物，跟住就去餐廳食嘢，一食就兩個鐘，吹咗好多水，天南地北講一餐，下一個景點係龍鳳行shopping，再買吓今晚打邊爐嘅嘢！去龍鳳行買完嘢，喺門口撞到鎵樂仔爸爸，不過鎵樂仔同媽媽入咗去，變咗冇機會見過面，難得佢哋喺Kent過到嚟！因為哥哥夠鐘踢波，所以我哋出發去球場先，佢哋口中，喺球場隔籬個公園比三個細路放下電，我哋就繼續吹水， 4:00到就回程，不過老公就喺球場等資源踢埋波先湊佢返嚟，我哋就返咗嚟先，準備好打邊爐嘅嘢，等佢哋踢完波返嚟就可以開餐，其實一吹水時間就過得好快，並預備邊等，都7:00先至開始，因為哥哥夠鐘踢波，所以我哋出發去球場先，佢哋後join，喺球場隔籬個公園比三個細路放下電，我哋就繼續吹水， 4:00到就回程，不過老公就喺球場等剪完踢埋波先湊佢返嚟，我哋就返咗嚟先，準備好打邊爐嘅嘢，等佢哋踢完波返嚟就可以開餐，其實一吹水時間就過得好快，邊預備邊等，都7:00先至開始，最後佢哋9:00前就要走啦，因為揸車返去都差不多要兩個鐘！
7/4/23 FRI COOL
今日出咗成日街！首先約咗Letty佢哋去行outlet，要揸一個鐘頭車有多先至去到，其實初初到步嗰陣時我哋都去過，不過我哋嗰時四個都冇嘢做，喺閒日四個大人自己去，今次又係復活節假又帶埋啲細路，不過對我嚟講都冇乜分別，因為我都唔會玩嘅， outlet即係賣名店嘅貨，名店即係貴啦，咁點解要買啲貴嘢呢？又唔需要用！反而係之後行Nike嘅時候幫子元買咗三對襪，嗰啲就真係抵啦！最後喺附近食埋嘢當中餐，就馬上返去接子元，因為4:00 book咗碌齡！仲要勁塞車，所以最終叫子元行上嚟大街，大家嗰邊同我哋會合都叫做可以四點多少少就去到玩！都打得幾開心，不過第一鋪我打得好差，第二鋪先叫做攞返個手感。打完都各自散場，我哋就去咗買珍珠奶茶，然後去買超市先至返屋企！因為整鴨腿湯飯，返到嚟其實已經七點幾八點，整得來九點幾先至食飯，所以好夜先至有得瞓覺！
4/4/23. TUE. COLD
今日好似好忙碌咁，因為預算同哥哥去銀行整張銀行卡，點知起身出門口都10點幾，難得我扚起心肝終於安裝咗個銀行Apps，點知過咗錢落去都係用唔到，完全唔知點解，去咗銀行問咗佢，喺櫃員機解開咗個pins都係用唔到，然後整完張卡係登記咗，但係因為要簽文件，但已經過咗11:30相關時間，結果要搵日再嚟過！咁咪唯有後日再嚟囉，諗住行過去southall Park睇吓個funfair，點知原來兩點鐘先至開，咁唯有擇日再嚟，跟住就行返屋企整午餐食！食完午餐我就要摺衫，細佬要做功課，等老公返嚟就去咗Costco入貨，又買到傻咗，但重點係買唔到雞蛋，喺嗰度食埋晚餐就返屋企，放低晒啲貨就去funfair，陪細佬玩咗碰碰車同攤位遊戲，咩都冇攞走就返屋企，返到去同你啲肉女分裝先至可以沖涼瞓覺！
3/4/23. MON. COLD
假期開始嘅星期一，瞓到自然醒，然後準備食早餐，食完早餐都唔可以再繼續等hea落去，所以都要搵啲嘢做吓，咁樣嚟講就係整個plan睇吓今個假期要做啲咩，現在用上面個方法寫低幾點做咩幾點到你，因為根本行唔通！所以只係唔想車仲好日期，然之後喺嗰日有啲乜嘢叫做就寫低，細佬邊幾日要做練習有寫低，我都唔會咁殘忍日日都去做，因為我都要出題目，結果一次過出晒七日嘅練習命都冇！搞掂晒佢之後我就煮午餐，都係食返琴日啲餸再加個烏冬！跟住我就出去攞藥同埋買嘢啦，去咗兩間超市都買到滿晒返嚟！返到嚟細佬同我講佢喺後院踢波嘅時候踢咗個波去唔知邊個後花園，但係目測根本搵唔到，我估佢根本就係想去唯一一個人哋都唔容易佈滿雜草樹木嘅後花園，我真係冇本事幫佢執，激到火都嚟，總之就不停係咁企！之後我都唔想理佢，攞好材料去包雲吞好過！
2/4/23. SUN. COLD
今日都係如常的星期日咁過！仲仲11:30先集合，可以hea晏啲先起身，食完早餐11點多先出門口，先放低重重喺球場，我哋去買咖啡，再車哥哥去補習！然後返去睇細佬比賽，佢話佢今日踢得好差，雖然最後一場，但係都入唔到波，教練都比佢射埋罰球啦都係唔入，幫佢唔到！完場又去咗一陣先至走，時間關係想去Costco 都趕唔切，因為塞車，結果去咗哥哥補習附近嘅地方搵嘢食，有間意大利餐廳好似都幾抵食，於是嘗試吓， 20磅有一個Pizza嗰個意粉屋嗰度可以啦！食完去接埋哥哥就車佢去球場，然後我哋就返屋企，跟住就叫我做嘅環節， 清潔！今日我都算做咗好多嘢，洗咗滑板車洗晒兩個廁所，成日吸塵落地，真係做到腰骨痛！所以之後都係坐定定等老公煮好飯就食飯！
1/4/23. SAT. COLD
今日八點幾就最遲先起身，因為細佬踢波踢九點，點知去到球場出邊已經覺得唔對路，因為今日唔使練波，可能佢只係練咗一堂教練冇特別通知佢掛，好在12點佢可以再去Acton Ealing踢，咁我哋就先去食咗個早餐，然之後返屋企，好奇怪地同一個球會，但係哥哥就要練，所以老公車咗哥哥練波，就返嚟接我哋，然之後就去佢哋嗰邊度細佬練波，綁草場就唔使踢到成心泥都係好事，踢到點多啲就返屋企，等細佬沖涼食嘢期間，因為另一個球會嗰班去國外集訓嘅事，退唔返錢， WhatsApp上面同教練喺度講，大家要齊齊去處理，我都叫咗唔好俾錢㗎啦，啲男人係唔聽嘅，而家搞出個大頭佛，又要我哋嚟執手尾！真係講起就火滾！幾廿年啦，咁多次都仲係咁樣，叫咗佢唔好喺呢度做，咪又係得個吉，點解一開始唔聽話俾我聽，硬係唔信我哋女人嘅直覺，係有問題㗎嘛！總之而家希望可以攞得返啦，咁就搞到我乜嘢都冇胃口食，但又要出門口，因為子元又要練波，本身諗住去完球場就去換車胎，點知我哋差唔多到嘅時候，哥哥又話佢冇睇清楚個場地，原來今日係另一個長面，結果又要返轉頭車佢去另一個球場，所以去到車呔舖嘅時候人哋已經閂咗門，又係得個吉！啲男人可唔可以細心少少？唯一一樣做得成嘅就係帶細佬去買部運動眼鏡，因為問咗另一個家長喺ealing Broadway配嗰間眼鏡舖根本就有得配，最後買埋嘢食返屋企可以休息吓，等老公接埋子元返嚟就煮晚餐，食完睇晒兩集模範的士先至肯去沖涼，所以差不多11點幾12點！
31/3/23 FRI. RAIN
終於最後一日返學喇，真係好興奮，大家都放早嘅星期五，非常之充實！朝早照常湊咗細佬返學我就返工，雖然今日要跟對面妹，但係都冇乜嘢，炮哥佢哋問今晚去唔去睇馬戲團，本來都有啲猶豫，不過我哋只要買多咗張飛，就可以一齊去睇，其實都幾抵，同埋我都想睇好耐，不過老公實唔會去睇，大家一班人去，佢就可能會去！最終我幾經辛苦上網買到飛，因為喺學校開住工咁樣嚟買飛其實都幾艱難，好彩都俾我搵到機會快快手手做咗佢！學生們12點就放學啦，我哋12:30要去禮堂聽校長講嘢，佢都好快手唔使半個鐘就搞掂，期間我哋仲食咗午餐，都係三文治咖啡咁簡簡單單！我見時間許可，就叫哥哥唔使去接細佬，我自己慢慢揸車過去接都仲可以！返屋企會合咗之後就去郵局攞郵件，不過又大雨又塞車， 10分鐘車程揸咗半個鐘有多！攞元件喺附近食埋午餐，就返屋企準備今晚去睇馬戲團啦！早啲出發，過到去同佢哋會合佢哋會合，一齊食咗晚餐先入場，去咗食一間日本嘢，老公好豪氣咁叫咗刺身，仲有食咗四個拉麵，咁就冇咗100磅，不過又真係幾好食！馬戲團係今日重點，我都唔知自己其實有冇睇過，不過佢呢個似雜技團多過馬戲團，總之每個表演同埋間場都做得好好，我哋今次俾咗13個就可以全家一齊睇，其實都幾化算足足睇咗兩個鐘，差不多10點先至散場，所以返到屋企沖完涼都差不多12點啦！
26/3/23. SUN. COLD
今日開始轉夏令，所以今朝起身發現係9:30有啲驚訝，因為我好少可以瞓到咁晏，其實為返只係瞓到8:30左右咁都正常！細佬要比賽，子元要補習，所以我點都要跟埋去球場，不過喺球場咁耐對我嚟講真係有啲挑戰，我呢個傷者真係唔應該企咁耐，去到下半場仲開始落雨，所以完場嘅時候我都冇咩可以做，淨係想快啲上返車，因為凍個人自然縮埋一舊，跟住膊頭個傷口就開始抽筋，成個人好辛苦！上咗車亂翻休息，一陣好好多啦，跟住我哋就去咗附近嘅Sainsbury入一個星期嘅課，咁就唔使湊完細佬放學又揸返轉頭去Lidl買餸！買完之後都差不多時間去接哥哥放補習，仲要去買飯團，然之後先至車佢去球場練波，跟住我哋就返屋企，食埋嘢就做功課，我就要休息一下，係咁敷冰，希望快啲好返，聽日返學都唔知頂到幾耐！所以今日晚飯都要子元幫我洗碗！沖涼早啲休息，聽日朝頭早咁嘅身世去準備返學要預鬆啲時間！
24/3/23. FRI. RAIN
今日真係多災多難嘅一日，朝早難得book到GP，就返咗學校先，然後再申請出去睇醫生，本來以為可以睇完就返屋企，早知我唔咁樣申請啦就唔使再返學校啦，亦都唔會有之後嘅事發生！做嘢做到咁上下就去睇醫生啦，咁都冇乜嘢，總之睇咗醫生驗咗了，等報告，不過佢就俾咗藥我食先！返到學校繼續跟更表做嘢，如常咁樣準時收工，午飯嘅時候突然之間落冰雹，不過我喺室內食緊飯就唔係好大影響，當左放學嘅時候就係今日嘅欺辱啦！我揸咗一個街口，突然之間落冰雹，本來諗住揸上行人路被一地線，就係因為想博嘅時候睇唔清楚，架車一失控就拋咗我出車外，我落地之後仲要停唔到，直至個膊頭撞咗埋去行人路邊嘅牆身先至停到落嚟，路過嘅車即刻問我有冇事，我估如果我冇反應，佢哋就會call白車，最終我係起到身，靠意志力返到屋企，不過真係好傷，兩個膝頭哥腫晒左邊膊頭同背脊又撞到，所以變咗個廢人咁坐喺度，坐到食完晚飯去沖涼先郁，希望呢兩日時間可以快啲好返，我唔想又好似請假咁樣！
22/3/23 WED. COOL
今日都係照常返工返學，湊咗細佬去學校，先至發現唔記得俾飯袋佢，好彩都好快發現，馬上送返去學校reception話俾佢聽便飯，等佢攞上去！好彩都趕得切九點之前返到學校！跟住都係照常開工啦，其實今日都冇乜嘢，只係撳嗰個學生有啲固執，做電腦堂嘅嘢嘅時候見到自己登入戶口嘅相覺得唔鍾意，成日就喺度話要改，仲喺度喊，去到最尾嗰堂都仲係要改，咪唯有嚴厲啲同佢講其實係唔可以咁做，佢最終咪又係冇做！準時收工去接細佬放學，而家掌握到條路線，不過我都快咗！買埋餸就返屋企，同細佬溫完習之後唔知點解個心口好痛，抖左半個鐘好似好少少，就開始準備晚飯，好彩今晚諗住食嘅餸都唔係太難搞，不過焗隻雞要成個鐘，主得來都差不多八點先開飯，又睇吓電視瞓10點幾先沖涼，仲要第一次諗住沖嘅時候上唔到水，好在之後有番！
20/3/23. MON. COOL
今日仲爺第一日返新學校，大家都有少少嚴陣以待，早咗少少出門口，去到學校今日比較特別，因為喺reception放低佢，我就走得，而且可以早少少，所以我返學校嘅時間都中咗，試咗條新路線，真係超級快，唔使20分鐘，已經有新學校去到學校，所以今日咁早返到去都有啲蝕！今日Bear又無返，所以我就跟Aisha，都冇咩所謂啦都係咁做姐，而且仲可以早啲離開課室，早啲收到工，都係好事！我今日一日都係掛住細佬，唔知喺新學校點樣，放工即刻飛車過去，估唔到真係18分鐘就過到去，起碼唔係最尾一個接佢放學！揍咗佢之後去超市買埋晚餐就返屋企，條友仔成日唔想溫習，最終我都係唔會放過佢，不過今日只係溫咗中英數，我未睇新嗰本書，新學校開始有本好後嘅書佢睇，好事嚟嘅！晚飯都幾早開，所以睇晒模範的士先至洗碗沖涼！
17/3/23. FRI. COOL
今日係細佬最後一日返Drayton Green啊，我哋盡量早少少出門口，你係咪學校之前整返張相留念！我照常返到學校諗住開工，本來要跟嗰個成日逃走嘅學生，點知突然之間轉左同另一個同事調換，跟Year 7個唐氏綜合症妹妹，其實佢又唔係真係太難做，不過要啲時間磨合啊，同埋要問返究竟平常係做開啲咩，因為始終未跟過佢，不過我都叫做順利渡過全日，雖然有一堂係Martha老師嘅堂，但係都冇咩事就過咗啦！放學已經馬上飛車去同細佬佢哋會合，但我去到學校佢哋啱啱走咗，仲諗住睇吓佢點樣送禮物俾老師！俾佢去公園玩到4:00先至返屋企，哥哥今晚要踢波，所以等佢哋返嚟先至食意粉！
14/3/23 TUE. COLD+
返埋今日又放兩日假，真係開心！今朝返到去閘閂晒，差啲入唔到去，又已經趕時間喎，我仲以為自己遲到添！照常開工啦，第一堂跟Jazzy，佢今日好唔腳，我都黑佢面㗎啦，好在只係跟佢一堂！第二堂喺reception等咗a Ella 一堂佢都無返，原來已經send咗email俾阿姐話佢唔番，但係又冇人話我知，不過我都冇咩所謂，坐一堂都幾舒服！本來以為今日繼續要跟住瘟神，好在只係要跟另一個簡單啲，都順順利利，想完晒啲堂，仲幾好玩添！三點送咗佢走我就自由啦，等到夠鐘即刻去接細佬，今日尾二一日喺Drayton green，我都有啲唔捨得！買埋餸返屋企快手執嘢出門口，因為我要同佢撘巴士去練波，老公返嚟先揍唔切，去球場會合咗再車我返嚟，好好hea吓等老公返嚟煮飯食！
13/3/23 MON. WIND
今朝開始就好大風，不論行路同埋踩車嘅時候都好容易吹結，好誇張！返到學校開工之前，梗係叫老細填咗張假紙先，第一堂又要跟Jazzy，佢今堂要測驗，其實我可以冇咩做，但係佢真係要我幫手，不過我都幫唔到佢啲咩，因為嗰部份嘅History我都冇讀過，我只可以將個題目譯返中文俾佢聽就算！ 10點左右Bella就返，接咗佢都係照去上堂啦，佢今日都算好合作，所以成日都平安無事順利放工！幫手去學校接細佬，今個星期係佢最後返Drayton green啦，接咗佢就直接返屋企啦，佢話要食撈麵又要整俾佢食，之後又要溫書，哥哥練完波返嚟，老公都差唔多返到，六點幾就開始煮晚飯，早啲食完就可以睇晒模範的士先至洗碗沖涼瞓覺！
12/3/23. SUN. COLD
今朝細佬唔使比賽，不過就要湊阿哥去練波，朝早食腸粉，不過冇辣醬嘅腸粉都係唔係咁好食！做咗個哥哥去球場，我哋就去附近嘅市集，其實都係行吓，買下咖啡姐！不過見到嗰度有帶子買，就忍唔住買咗一份，需要上25磅，得15隻，但真係好好食！之後去球場，仲爺係都要落車，你說陪左佢去公園玩，玩到咁上下我夠皮啦，我要返上車休息！踢完波就去買飯團，然後去補習，跟住我哋終於可以返屋企！不過返到嚟都好忙，食完嘢，等老公整完啲工程，就要開始每個星期嘅清潔工作，次次做完都好攰！係咁行上行落，其實真係好攰！所以我都攤唞咗一輪，先至開始預備晚餐嘅嘢，老公揍完子元踢波就返嚟煮飯！晚飯照樣繼續睇模範的士，真係幾好睇，然後都係洗碗沖涼休息，今個星期返三日學咋，好嘢！
10/3/2 FRI. COLD
今朝開我都仲有落大雨，好彩放學嘅時候已經天晴！放到去照常開工，都係等時間過啦！最好笑係Jazzy個電話影咗人哋啲相，老師要佢刪除，佢話刪除咗，但老師要佢可以刪除的File度在刪除清咗佢，但佢個電話係用中文，老師唔識睇，跟住我啲同事就話我識佢就叫我幫手刪除咗！今日啲時間好似有啲難過咁，天氣太凍，室外又好辛苦，但係室內有陣時又好悶，真係好難取捨！總算順利放完飯，準時收到工就唔理咁多啦！去公園接細佬，但明顯佢，最終去番學校門口搵佢，改完佢哋未走，條友仔唔記得攞水樽又唔早啲出聲，去返工完之後又要返番過去攞！俾佢玩到4:00就要走啦，仲要返去買餸！返到嚟老公瞓咗覺都好正常啦，琴晚睇過應該三點幾先返到嚟，到佢哋夠鐘踢波就叫醒佢出門口，我就自由時間，預返時間煮晚餐就得啦，所以又開劇嚟睇，睇返之前聽口水嘟嘟介紹嗰套重啟人生都幾好睇！
9/3/23 THU. COLD
今朝仲爺又喺度激我，朝早起身梳洗換衫有幾難呀，點解唔可以有次序有速度咁樣做好佢？頂唔佢之後都叫做可以準時出門口，返到學校照常開工，但一睇更表發現Bella今日返得兩堂，之後又要去覆診，咁佢兩堂都好合作，小息仲有餅請人食，好好味！上埋數學堂就同佢去reception，佢阿媽就接咗佢啦！跟住我就要去跟返佢嘅時間表繼續，上多堂science就可以放飯，其實staff room有其他幾個同事喺度，食飯時間我都係鍾意自閉，睇片慢慢食！最尾嗰堂陪Jazzy，好在佢今堂去電腦室做Spaxc，我就可以一路同佢傾偈一路幫手篤佢去做，差不多夠鐘就走人！接咗細佬就走喇，去超市買牛角包，仲有買今晚嘅晚餐，老公去咗曼城睇波，我哋三個自己食就簡單啲，整意粉就算啦！
8/3/23 WED VERY COLD SNOW
今朝一起身就見到一地雪, 好在出門口前已經停咗啫, 唔係要雪中出車又好辛苦! 順利返到學校, 又係時候開工, 其實都冇咩特別, 只係小息時冇得同Letty佢地吹水有啲悶啦, 咪睇吓手機囉! 繼續上堂放飯等等啦, 時間都過得快! 係午飯時有啲驚喜, 我個學生喺飯堂食飯, 咁就可以同佢地見吓面啦! 肥婆仲比我試咗佢個海帶湯, 好好味呀, 我叫佢教我點整, 佢話Send比子元再比我呢! 順順利利又放學啦, 快手返去接仲爺, 因為keep住落雨, 快啲返屋企好! 返嚟都係係咁食嘢啦佢, 唔叫都唔肯停! 預備吓晚飯啲嘢, 同仲爺溫埋書, 又係時候煮晚飯, 食完睇埋套劇就洗碗沖涼瞓覺!
7/3/23. TUE. COLD
今日都有啲凍，估唔到晏晝仲有少少雨雪落下，雖然好細同埋好短時間！今日完全冇見過麻煩老師，心情非常之好，另外呢兩日Bella都唔番，我就跟另一個學生，佢真係需要比較多協助，所以我都冇得做自己嘢！第一堂基本上係冇嘢做，喺度等，都唔知做乜！跟住全日都係正常開工啦，只係冇機會同佢哋吹水有啲慘！臨放學3:00帶個學生出去，另一個仆街同事就話唔係應該3:10先帶佢出嚟咩，我話我睇咗email啦唔係呀呢一個係3:00就一向都係，佢阿媽會來接佢㗎，幾想小實佢！放學馬上飛去接細佬，順手問埋老師退學安排，佢就同我哋一齊去Office攞表格，填咗聽日交返嚟就得啦！買埋餸返屋企，佢哋又差不多要出門口，因為老公話叫子元帶佢哋去踢波，因為返到嚟接咗去球場就遲！咁我就喺屋企自由活動，預備晚餐接好啲衫會係咁，預返時間佢哋返嚟就開飯，跟住都係追埋套劇沖涼瞓覺！
6/3/23. MON. COLD
今日都係照常咁返工返學呢，返到去都有啲趕，快快手手開工，第一堂跟完Jazzy就去接Bella！其實全日都相安無事，小息嘅樣，佢有佢同朋友傾偈，我又冇同朋友傾偈，上堂嘅時候佢肯上嚟想，佢唔上咪算囉，反正都逼佢唔到，去到放學嘅時候，其實佢都已經自己睇書睇咗一堂，同埋喺課室係完全冇作為，因為個老師都唔係教書，快啲叫佢哋睇吓跟住就派卷，派完卷就叫佢哋自己再貼下貼下營，應該做嘅都做晒啦，咁三點有多嘅咪開始執嘢，搬去大房擺低埋啲嘢就去reception 啦，點知麻煩老師又出現啦！仲要好似搞到好大陣仗咁，早嗰少少走有咩問題呢？佢條仆街做乜高分低能！總之佢就係擾民嘅一種，嬲到我就算放咗學出門口喺條街揸住車都要大大聲聲鬧佢仆街，你就知我幾嬲！返到嚟同細佬又要講同子元又講同老公又講，總之就要講到我自己冇咁嬲為止！之後又因為阿哥有個球會話去瑞典訓練，但我覺得又貴又唔係真係咁值得，重點係我仲係未放心佢自己一個人去咁遠，帶唔到工人好似唔係好明咁，覺得有機會就應該要比佢去，但好多嘢都要量力而為㗎嘛，好多時我講完其實佢都明，同埋差不多£1200，等於我一個月人工，我覺得真係唔值得囉，希望再講得服佢！
3/3/23 FRI. COLD
開埋今日又放假啦，真係好！如常返到學校等開工，第一堂都係湊住Jazzy，Bella10點啦左右就返，但係因為geo我知其實唔想，所以去課室路過面就帶佢去圖書館，我又可以做吓自己嘢幾好！小息如常同佢哋去吹水，真係吹得幾開心！然之後double lesson science放飯我都放咗半個鐘，返到嚟其實都冇乜理佢，我見佢又唔係好想做嘢咁無謂兩敗俱傷，都係各自各分開啲好！諗住正正常常去食晏啦，總之因為佢想去廁所，如果個廁所咁啱突然之間有人入咗去，佢就發癲呀，留低晒啲嘢走咗去，我又要攞嘢又要追佢都唔知做得邊樣，仲要有啲廢柴老師問使唔使幫手，我心諗你幫手佢就同我去追啦，講經！好在最終有啲學生都知我搵緊佢，就話咗俾我聽佢去咗咩方向！今次去咗一個新地方，仲要都幾偏僻下，玩鬼我咩！最終梗係要call SLT，雖然中途有人嚟過，但係都幫唔到啲咩，差唔多放完返之前就有個專業啲嘅嚟到，夾手夾腳捉咗佢去大房坐，佢真係唔再去上堂，只係坐喺度睇書，啲人走晒佢就好安心，不過麻煩老師嚟到想問佢嘢，但Bella完全唔理佢，其實有少少心涼，你估你真係問佢咩佢都答你係傻㗎！坐到三點多啲就去Reception，送咗佢走我都預備閃人彈閘！接咗細佬就買餸返屋企，因為佢哋去踢波，其實我都冇咩嘢喎，星期五仲要只係煮意粉簡單好多，所以佢哋出咗去之後，我主力都係睇電視，摺咗衫，差唔多時間就煮晚餐！
2/3/23. THU. COLD
今日係教師罷工日，所以我都唔使返，請咗假睇住佢哋，順手去埋仲爺新學校，不過因為10點幾約咗，所以唔使咁早出門口，原來可以帶埋小朋友去，總之帶埋佢去睇吓學校啦，其實去到都冇咩特別都係問吓有關小朋友嘅嘢，然之後帶你行過圈問返你有咩問題，最後帶埋你去睇吓返放學接送嘅地方！全程都唔使20分鐘，攞埋啲文件填完交返返嚟就得！搞掂我就返屋企，基本上都冇再出去啦，摺埋啲衫就煮午餐，其實都係煮幾個麵，食埋琴日啲牛腩跟住就洗碗，然後開始要填表，又要覆下電郵咁，時間都唔見水！老公返嚟之後又要捉咗佢落去亂出街，佢條友手腳都唔協調，都唔知佢點年，但兩位仁兄又話佢因為冇着波鞋所以做唔到，我都唔知講咩，我淨係覺得搞着我，又要教佢，但我又唔係好識，又好凍，一句講晒，就係吃力唔討好啦，以後唔好再搵我！之後我上咗房對住部電腦好過！煮好飯先落嚟食飯，然後都係洗碗沖涼休息，返埋聽日就可以休息返兩日啦！
1/3/23 WED COLD
今日明明溫度唔凍, 但唔知點解體感咁凍! 朝早照常返學, 第一堂完全冇嘢做, 因為今日Enrichment day, 一句講哂冇嘢搵嘢做的一日, 完全唔洗上堂, 所以Bella未返基本我都係hea吓就算, 等佢嚟到就帶佢去應該的地方, 都係跳吓舞喺課室睇吓嘢做吓工作紙咁, 冇事冇幹順利到放學, 佢地就放2:45, 我地就要等到夠鐘先走得, 要去hall架但未開始做啲咩我就已經夠鐘走, 所以呃咗杯咖啡同餅乾就走人! 去公園接仲爺, 比佢玩到夠皮就算, 因為星期四五都冇得玩, 我見狀況就不如喺呢頭買埋餸先返去! 返到去好忙咁又要整嘢食, 同埋已經5點啦, 不久老公都返到, 所以又要準備晚飯, 飯後仲要覆重要email, 舊屋嗰到出咗check out report, 我梗係講價啦, 一於壓吓價先等佢再還!
27/2/23 MON COLD
今日又要開工啦, 朝早有啲趕啦, 叫咗佢地早啲起身架啦! 返到去照常開工啦, 第一堂跟Jazzy, 都未上完Bella就返, 本來以為佢好地地照埋卷就上堂, 點知佢基本上全日都冇去過上堂, 做卷做咗少少就去咗sofa扒喺到, 到小息佢見到Daisy嚟咗叫做肯郁, 去咗TC1坐同傾偈, 點知小息完咗就唔肯郁, 等咗佢5分鐘都唔郁, 我就call我個Cover同事嚟睇住佢, 我就去開飯, 如果唔係陣間又冇飯食架啦! 果然Bella真係唔郁之餘仲瞓咗落地下, 所以我同事call SLT, 最終玩咗一個鐘, 最大粒嗰個SLT嚟到佢先肯去AL1坐, 終於肯攞書出嚟睇, 放飯時照常食飯, 我估佢最尾都係唔會去上數學, 果然上咗課室, 佢又周室唔自在咁, 我就話不如去圖書館睇書, 佢就應我啦! 咁就過埋最嗰堂, 安全放學! 接咗細佬, 去攞埋個free的籃球架仔就買埋餸返屋企, 今日阿哥踢波冇人開門, 我地就要自己嚟, 仲爺幫手攞嘢入屋, 佢又太唔小心, 將袋嘢放咗喺水樽邊, 結果漏哂啲水喺枱同地下, 要我抺餐死, 我就片穫金佢! check email 時收到我地幫仲爺申請嗰間小學收咗佢啦, 睇吓幾時可以去返新學校! 食埋個tea我就喺房係咁用電腦, 反正開咗機就用盡啲! 老公接埋子元回來就煮飯, 等佢差不多煮好我先幫手開飯, 食完沖埋涼又10點幾啦!
25/2/23 SAT. COLD
今日溫度明明唔係好凍，但係唔知點解體感溫度就好凍，琴晚唔記得煲定粥，所以今朝食丁麵算，個粥留返午餐先至食啦，都係為咗配合返個油炸鬼！食完早餐就去連波，放低細佬我哋就去咗B&Q買水龍頭，練完波返屋企就食午餐，又有皮蛋鹹蛋粥又有炒麵又有油炸鬼，似早餐多啲！食完之後就捉細佬去做功課，老公就整水喉，阿哥自己夠鐘就去球場練波！細佬做完功課又要陪佢砌Lego，差不多六點老公就去接返子元，等佢返嚟之後又要繼續處理冷氣完全嘅水喉，因為好難留德實，所以有少少漏水，要買工具先至可以再整！所以緊急處理完之後就煮飯先，今晚個菜菜鍋好好食，食完都差不多九點幾，因為要睇埋廢J大結局先至去洗碗，所以好夜先沖涼！
24/2/23 FRI. COLD
終於到星期五啦，今日老公去驗車，所以請咗假，琴晚差不多三點幾先返到嚟，所以比佢哋兩個瞓多陣先起身，好彩都準時出到門口！返到學校照常開工啦，第一堂都係無所事事，做吓跑腿，第二堂Bella好快就返嚟啦，行緊去大房準備做卷嘅時候，見到Holly佢話我知Letty個電話俾人收咗，講到你都係佢自己傻仔，成日擺喺個衫袋又唔返好拉鍊跌咗出嚟老師發現囉，佢仲要我同佢阿媽講聲，原來最終係要家長去學校攞返個電話，今次佢真係有排捱啦！我今日主要都係陪住Bella做卷啦，基本上冇去過上堂，本來應該好好溫下書，但係今日真係唔想溫，只係喺度睇片打機過日神。最緊要就係準時放飯同埋準時收工，去公園接咗細佬，佢又話要玩公園，玩到四點幾真係要走啦，我之後又開始想落雨，仲要去超市買餸！同細佬溫完書佢又話要切琴日買嘅新Lego，基本上切完都差不多開飯食完飯就洗碗沖涼休息啦！
22/2/23. WED. COLD
今朝返學都有啲趕，叫極佢哋都唔起身！好在都趕得切九點之前返到去，第一堂又冇嘢做，又冇地方去，其實都真係無所事事，我寧願佢安排我跟下其他人，仲好過留喺大房，都唔知做乜好！第二堂Bella仲未返，我咪去咗佢哋英文堂坐吓囉，反正又唔使我幫手佢有佢講書我有我溫習都係好事！小息嘅時候會問返點名同事，Bella今日唔返㗎啦，所以我就返去問吓二姐我跟邊個，佢都冇咩諗過就叫我跟Jazzy，其實我都冇乜所謂，只係冇時間溫書，但係時間就要過好多，因為上堂都要不斷咁樣湊住佢！咁佢又開心我又唔舒服其實大家都好！放工快手走人，去到公園細佬又話要玩數俾佢玩到4:00先走，返到屋企就係咁食嘢，然後老公打嚟話佢返嚟接我咗去中超買嘢，因為佢今晚諗住炸臭豆腐，所以要買甜醬，當然仲買咗啲其他嘢啦，預咗㗎啦！然後要去Stone嗰度攞，佢哋聽日點波衫，因為細佬要去追星，要攞波衫比球星簽名！沿途都好塞車，好辛苦先攞完車返屋企，跟住就開始煮飯食飯洗碗等等日常生活！
21/2/23 TUE. COOL
今日其實全部都正正常常嘅生活啦！只係佢哋繼續考試週，我唔明麻煩老師點解一定要強制啲學生喺大房嗰度考試，有時佢哋唔想做咪由得佢啦，同埋佢因為唔知咩原因連堂都唔去上，結果喺個大房係咁搵嘢叫人做，但係大家又係下屬冇得反抗佢，唯有喺背後覺得佢好煩！除此之外，今日都算冇咩特別，放學直接去入學校就細佬，撞啱佢哋飯堂有啲示範菜式，可以比家長試食，其實都係啲飯同埋炒麵，結果我同細佬就喺度試食，諗住佢食咗就唔使食tea，但返到屋企佢都繼續食！今日佢哋兩個都要踢波，老公放工返嚟就接佢哋走，我就喺屋企hea咗好耐，唔使湊德，真係有啲唔習慣咁悠閒，差不多時間就煮定晚飯！細佬返嚟先，食完我哋繼續Hea，等子元都踢完返嚟，沖完涼我先至沖涼準備休息瞓覺！
20/2/23. MON. COOL
今日終於要返工返學啦，不過大補仲係繼續放假，聽日先至返！順利起身出門口，返到學校都算順利開工，第一堂咩人都唔使跟，走咗去做庇護工場工作，總之都係啲唔使用腦將啲嘢定落垃圾桶咁上下啦！等Bella返咗嚟就要處理佢，因為今日開始係assessment week，佢都係唔願意做卷嘅人，其實真係唔明佢點解唔做，佢應該係識㗎，平時上堂都識答好多嘢！唔緊要啦，我重點都係押解下去考試，總之佢唔搞着我就得㗎啦！大致上都算平穩地過渡到放學，準時3:15就閃人，接咗細佬就返屋企，我哋三個都係咁喺度搵嘢食，都唔明點解過咗嚟之後要食下午茶！另外訂咗今日開始因為唔使再揍德，多咗兩個鐘時間，我就開始幫細佬溫習，每日學一個英文字叫佢做吓句子，數學就計吓成數俾返成數表，另外都要佢學番啲中文，未至於到時咩中文字都唔識！之後就俾佢玩下打吓機，老公就煮晚餐，今日煮咗兩個特別菜式，就係梅菜溝肉同埋B仔雞翼尖，真係好正，因為雞翼尖得來不易，所以覺得特別好味！
19/2/23. SUN. COOL
今日係最後一日假期啦，聽日有啲返工返學！不過都冇嘅同返學又點知放假好呢！今朝仲要比賽，所以都有啲趕住出門口，不過場地好近，就係我學校對面！今場比賽都幾好睇，佢哋對全對都係日本仔，我心諗我哋都有兩個日本仔，可以偷聽到對方戰術！最終今日佢哋贏四比零！踢完波就去附近搵地方食嘢，食咗一間都好大份又幾抵食嘅，四個人都係38磅算係咁啦！然之後就車子完去補習，同埋交學費！回程之前老公要去啲地方買零件整埋個水喉，所以返到嚟已經兩點幾，其實佢都冇機會整，不過都做咗啲前期工作先啦！我就做清潔工作，每個星期點都要做一次，已經做得好，求其㗎喇！老公去接埋子元放補習就返，跟住都係預備吓晚飯啦，邊食邊睇吓劇咁又一日！
18/2/23. SAT. WARM
今日係仲爺期待咗好耐嘅同學仔生日派對，所以佢好早準備好，食完早餐我哋10點幾出門口，送到佢過去會場，佢已經好快咁掛住同啲同學玩，我仲要同佢家長講清楚，知道流程係點，幾時接返佢等等！之後我哋就好忙碌做咗好多嘢，又去睇嘢又去舊屋，我執埋啲嘢，交埋鎖匙去地產舖，都叫做又完成咗一Part，都係之後等佢地check完再覆電郵點搞！去眼鏡舖問埋仲爺個運動眼鏡係冇得換鏡片，咁都冇辦法唯有再諗！差不多時間完場，我哋就去佢食午餐嘅地方，附近買埋漢堡包接埋仲爺就返屋企！下午時段都過得幾無聊，期間有摺晒啲衫，不過就係咁睇子元打機，不過佢打嗰個Hospital有幾得意，如果叫我打可能未必咁有心機，但係睇佢玩就幾好！晚飯時段睇返ViuTV嘅殺手廢J，超好笑囉！睇到唔捨得沖涼！
17/2/23. FRI. COOL
今朝早八點幾先起身，食完早餐Hea一陣就要準備出門口，因為子元要去GP度複診返佢嘅哮喘，10點幾佢搭巴士過去，我就同細佬踩車過去，諗諗吓其實大家一齊行過去，咪可以行golf球場嗰條小徑囉，復原診去開多咗一支早晚用嘅預防劑俾佢，都好嘅又唔使錢，過兩個禮拜用電話再去複診！睇完之後我哋就行小徑返屋企，然後打咗陣機等老公放工返嚟，就出去買嘢帶使錢之旅，冇辦法啦，停咗耐冇去買嘢，出咗糧都要入貨！先去中超都唔算買咗好多，反而食茶餐廳就好貴，仲貴過買嘢嘅錢！之後就去Costco，又係買到好誇張，但其實好多嘢都係必須！主要都係買肉買魚買乾糧，咁樣平時買餸又可以唔使買咁多！車咗佢哋返屋企放低晒啲嘢，老公又要去B&Q B&M，主要係買整水喉嘅嘢，另外就係買啲消耗品，因為有隻餅乾得佢嗰度先有得賣！最後去買埋外賣返屋企食，因為已經差不多八點，返去再煮就有排都未有得食！食完嘢仲要將啲肉類pack返好入冰櫃，沖得涼你都11點！
15/2/23 WED. COLD+
今日七點就要起身啦，因為佢哋兩個都要去比賽，仲要去一個鐘車程嘅北邊，快手食完早餐差不多八點先出門口，好在都趕得切！去到球場，竟然見到有幾個Acton Ealing嘅隊友，明明今日係賓仔嘅比賽嚟㗎嘛，原來大家除咗踢呢對，仲有踢賓仔！不過細佬場波就輸得好慘烈，因為佢個龍門都唔係守龍，我諗我企落去可能仲好過佢！睇完佢比賽，本來諗住走㗎啦，點知原來仲有相片可以買，仲要係即揀，即人入埋畫框，咁又俾咗27磅！去附近地方搵嘢食，搵到一間西班牙菜，味道係非常之好，但係份量非常之細，所以輕嘗之後就去隔離超市買三文治！然後去油站入油同埋洗車，係用洗車屋又幾好玩喎！跟住又要返返球場，因為到哥哥比賽，佢哋就和幫收場，我都好耐冇睇子元踢波，而家俾佢踢一腳真係靚都唔使要！四點幾相片買埋相就走人，因為繼續北上1小時我老公個朋友屋企，因為反正都行咗一半路就去探吓朋友囉，都係食個晚飯吹吓水等啲細路仔打機，打到10:00要走啦，因為都要揸返一個鐘頭車先返到嚟，因為改路搞到11點幾先返到，點知反而有位叉電喎，真係非常之好彩！
14/2/23 TUE. COOL
今日安排左啲嘢俾自己做，咁就覺得冇咁浪費時間！朝早瞓到八點幾先起身，整咗早餐俾細佬食，叫醒埋哥哥，我叫佢洗埋衫，整定午餐喺廚房俾佢哋食，跟住我就出去，因為要過舊屋嗰邊做清潔，其實只係好求其咁樣掃咗啲塵抹咗個地，但都做咗我差不多兩個鐘到，仲要執埋啲垃圾，總之表面上就清潔咗算，反正最後都係話你清唔乾淨，唔太過份就得！最後清潔完我就喺每個地方影低張相做紀錄，到時佢收咗屋都冇得話返轉頭，起碼我都有啲證據係手！返屋企之前去咗westway買嘢，佢哋而家食嘢食得太快，我要買啲唔太貴又餵得飽佢哋嘅嘢！返到去好肚餓啦，食咗個粥先，然之後煎同蒸咗啲蘿蔔糕俾佢哋食！跟住佢兩個就係咁㗎，我都有少少無所事事啦，老公放工去買來整牛扒飯、所以差不多六點先返到黎，跟住就開始整晚餐，其實今晚又有洋蔥湯又有卡邦尼意粉，我都整咗羅拔臣啫喱仔，加埋個T骨扒，不過因為分開整所以淨係影咗塊扒，合照都冇影張呢！不過節日呢啲我地一向都郁咩儀式感，有咩所謂！
10/2/23. FRI. COLD
終於係最後一日啦，返埋今日就term break啦，真係好開心！今朝有啲趕返到學校，正常咁去開工啦，星期五得返大姐喺度，跟住啲更表又亂晒籠，大姐梗係搞唔掂啦，佢真係高分低能！不過今日佢冇難為我就算啦，第一堂悶咗成堂英文，諗住去Reception等Bella，過咗一陣個同事通知我，佢今日唔返，其實我都估到㗎啦，今日啲堂佢咁唔想上，點會返！問返大姐，佢叫我跟Jezzy，其實我都冇乜所謂，期間仲要去移動另外嗰個行動不便嘅同學，之後隨機會去同咗佢要佢哋吹水，總之今日就順順利利平安度過，本來都想麻煩老師果糖英文簿因為要係更換一個同學佢放飯唔使上，我不知幾開心柏皓放工可以準時出車走人，接咗細佬先去玩返德仔頂帽去托兒所，然之後返舊屋攞細佬嘅單車去賣，賣到10磅好過冇啦，跟住買埋餸就返屋企，今日佢哋兩個都唔去踢波，所以我先整好咗晚餐嘅材料，到6:00就叫我老公起身煮，跟住到我瞓覺，夠鐘就起身食飯睇吓電視咁洗埋碗就沖涼瞓覺！
8/2/23. WED. COLD
今日真係燥底都有啲唔係好想寫日記，因為唔想再講一次今日發生嘅事！都係麻煩好事啦，其實我同個學生合作左大半年，日日放學佢都係自己又放鬆行去學校門口離開，其實真係冇乜問題，你哋有冇講明要送咗佢出去，佢有冇家長來接，咁究竟自己行出去同我帶佢行出去有咩分別呢？我諗分別就係有啲咩事，學校唔使孭鑊，講到尾都係自私做法！呢間學校究竟有幾outstanding ，真係有目共睹，完全唔覺啲學生想返學，算啦，捱多兩年轉去第二間㗎啦！今日我同Bella一齊其實都好地地，但係變做等過來，總算冇乜大問題，如果佢咁樣日日上都會剝低，真係幾頁紙都唔掂，有時我見有啲係㗎我食飯嘅時候見佢拍枱又要寫興奮同學，咁每日真係好多嘢要寫啦！放學早啲帶到佢出去，咁我都準時可以收工，接咗細佬，佢又話要玩公園，跟住我哋又要去買餸，返到嚟又話要食嘢，真係未停過手，轉個頭老公返到嚟又要去湊德，搞掂又要返嚟煮飯，所以食完飯之後佢哋去晒沖涼嘅時候我喺梳化已經瞓到深層睡眠，我估我今日真係好攰！
7/2/23 TUE. COLD
今朝起身見到好大霧，踩車返學嘅時候能見到我諗得返20米左右，所以又唔可以踩咁快！安全返到學校之後都係開工啦，第一堂Bella未返，所以跟Jazzy，佢哋上電腦堂，但係完全不不過輸入交啲乜嘢，佢哋開相機喺度整，真係錄完都搞咗半個鐘，其實呢度啲學生真係好弱智啊！第二個出咗去等Bella，撳咗仲未見佢做佢佢上PE堂嘅地方旅行，好在今日啲堂我哋喺室內話冇，佢唔想郁都可以坐好睇吓書，我都好過啲！小息照顧吹水，跟住多方返，不過係佢send咗個同事去火炭晉浪費咗少少，因為費事可以用足全堂時間去圖書館嗰邊好似冇溫習，今日就唔可以啦！需要返返去上系統說又可以方向，不過跟住去到佢放飯，我就打下機等時間過上埋最後一堂順利收工臨走前都要見到麻煩老師，佢話唔知邊個老師同佢講過唔好喺學校範圍踩單車，其實之前大半年我都踩單車入嚟㗎啦，又唔見有人話我，佢肯定係妒忌我，佢冇得踩，所以唔俾我踩！幫我快手去接細佬，直接返屋企，今日唔使揍德，因為佢要去GP睇手指，我悠閑到有啲無所事事，想問你唔記得買蘿蔔配鴨腿湯飯，就踩車去超市買，返到嚟就開始整夜，然後等細佬睇完波就返嚟食飯睇電視沖涼瞓覺！
6/2/23 MON. COLD
今日終於回復正常啦，不過子元病咗冇返學，又要同佢打返學校請假，預備拎晒啲藥同埋食物喺佢間房，等佢可以好好休息！我同細佬就快手快腳搞掂出門口返工返學， Bella今個星期改咗第二堂先返，第一堂變咗要去跟另一個麻煩學生，不過佢無返，咁就去咗佢課室就算啦！夠鐘就去接Bella，佢今日心情都幾好冇咩特別事，我都可以好好咁樣坐下休息吓，小息同放break就同張樂銚佢哋吹吓水！11點幾放飯有啲早，今日真係要去飯堂買嘢食啦，好在今日係炒麵，叫做入得口！冇事冇幹捱到放學即閃人，接咗細佬，佢又話要去公園玩，咁就俾佢玩咗10分鐘先返屋企，買埋餸返去又要做吓家務咁，今日唔使湊德可以休閒啲！我上咗房覆email，老公就煮晚餐，佢煮嘢食好食過我，最好梗係佢煮啦！食完飯睇電視睇到九點幾沖涼瞓覺！
5/2/23 SUN. COLD
今朝八點幾先起身，快手+嘅就出門口，因為今日好忙碌咁佢哋兩個都要比賽同埋練波，轉叫話Ko自己煮早餐食，送咗佢去球場，就是做仲去唔去球場附近搵地方食早餐，輸咗一間Cafe，最好用佢個咖啡，真係好飲到我唔識形容！食完早餐就去球場，因為塞車，老公佢路口就擺低咗我哋，結果行咗10分鐘先行到入去球場！今日比賽三比零，但係細佬淨係上半場有機會出，下半場最尾出咗一陣就完場，唔緊要啦都贏波，因為老公要接主人去補習，所以我哋喺球場出邊等咗差不多半個鐘佢先至嚟到接我哋，返屋企諗住煮麵食，點知阿哥打嚟話佢唔舒服，咁老公又要快手食完嘢去接返佢返屋企，食藥休息吓，到晚飯時間就出去，因為今日約咗德德佢哋去食意大利嘢！都係第一次咁坐低食飯傾吓計，不過都應該係最後一次啦，因為佢哋下星期就搬，食到八點幾九點就散場，返屋企快啲沖涼休息呀，因為聽日又要返工返學！
3/2/23 FRI. COOL
諗住今日可以好好地過埋個星期五，明明好地地跟Bella咪幾好，因為Jazzy琴日單嘢，佢地要我跟佢，本來都好地地，第一堂去咗上堂嘅，點知佢又要見社工，我又要做翻譯，講到我口水都乾埋！因為中途我要接送另一個殘障同學去第二個課室，都係去返第二堂同Jazzy會合嘅時候，佢就唔喺度，原來佢俾人中途截劫去咗輔導老師間房，輔導老師話佢今日唔可以上堂要全日留喺AL1，但其實根本就冇意思，佢又悶我又悶大家困獸鬥都唔知為乜佢喺課室上堂我都陪住佢㗎啦，有咩問題啫！嘥晒我啲時間，最慘係大房又唔可以做自己嘢，又要扮做嘢，真係好攰，我都唔想講咁多啦，總之放學前掟返佢去邊輔導老師話知佢啦！去到公園又要等細佬睇咁多先肯走，但其實我已經流晒鼻水好辛苦，無端端又傷風！買埋餸返屋企，都係繼續Hea吓，老公係梳化瞓咗霸住晒啲地方想坐都冇得坐！都五點幾佢哋叫我去踢波，我明明見一件細佬準備好晒只係喺度睇緊機等佢哋，跟住佢去完廁所出嚟就喺度大聲喝佢都唔知鬧乜，佢就話細佬唔應佢冇即刻起身行，但佢不嬲都係咁㗎喇，你第一日識佢咩發咩癲姐！結果就同佢鬧交，因為我知道細佬冇做錯，但佢覺得佢唔即刻就係錯，老實講佢自己有陣時都唔應人或者叫佢行嘅時候佢都打緊機㗎啦，唔通我又屌柒佢咩？搞到我又喺度抆咗好耐，最後佢哋蘋果返嚟佢又好似冇事發生咁，但其實我個心係唔鍾意㗎囉，但又可以點啫，阿哥有一句說話講得啱㗎，點解阿哥唔覆佢，係因為佢要求人哋做嘅嘢自己都做唔到，我絕對同意！最後佢哋蘋果返嚟佢又好似冇事發生咁，但其實我個心係唔鍾意㗎啦，但又可以點啫，阿哥有一句說話講得啱㗎，點解阿哥唔服佢，係因為佢要求人哋做嘅嘢自己都做唔到，我絕對同意！
