23/9/23

 23/9/23     SAT     COOL

今朝瞓到9點幾先起身啦, 星期六嘛梗係要瞓晏啲! 食完早餐就同老公出咗去買咖啡同去B&Q買嘢, 然後再去超市買埋餸, 又放血, 不過點都要食都要買! 返到屋企都點幾, 老公要整下層廁所個沖涼位, 成日漏水出嚟整到牆濕, 不過又要等乾咁今日都係整唔完, 佢兩個要上嚟沖涼! 我就執好仲爺個書枱, 等佢可以開始做功課, 終於入到個google classroom, 都係寫字做數啦, 但佢都做咗好耐, 而我都好無聊咁整咗個每星期食咩餸表, 全部用畫的圖畫, 好可愛架, 咁佢地唔洗食日問食咩, 買完餸返嚟又知邊日煮咩! 老公同子元出去做gym, 做完返嚟抖吓又開始煮飯啦, 今晚有粟米魚肚羹, 好正!