1/9/23

 1/9/23     FRI     RAiN

終於我都要開學啦，朝早有啲唔想起身，但好快都克服咗，整埋早餐準時出門口， 哥哥自己預時間出去踢波，要帶埋細佬因為冇人睇住佢，見佢一切順利，我都如常返到學校，因為教育局話學校某啲建築物有問題要封閉，冇得喺hall training，全部用zoom，仲正，hea住都冇人知！有得吹吓水等開飯，咪又係麵包呀火腿呀沙律嗰啲，我一於攞夠佢反正又冇限攞幾多！返AL1一齊慢慢食！下午分到本year plan，可以寫吓嘢print埋校歷曆表又差不多放學！準時走人返去繼續做懶蟲，喺梳化攤喺到至煮飯時間先郁！