28/4/24

 28/4/24     SUN     COLD

今日又要去球場又要去買餸，仲仲踢12點，子元又補習，老公要做司機我就要跟場！最後踢完就返去，叫咗外賣我地就快手去買餸，老公趕住返嚟睇阿仙奴，好在最尾都勝利！跟住我睇電視同摺衫，再預備晚飯！

27/4/24

 27/4/24     SAT      RAIN

今日除咗出去買咖啡，就只係喺屋企，老公襯冇雨整後園，我用新玩具吸塵抹地，午餐叫外賣食麥記，然後係咁追劇，正！晚飯食羊腩煲，好好味呀！

26/4/24

 26/4/24     FRI     COLD

今日又係跟顛妹，真係勁唔想做，不過佢都抵死，第二堂已經比二姐捉咗出去訓話，原來條友對父母都係勁冇禮貌，呢啲人都係難教，到時大咗等個社會教佢啦！除咗食飯，今日仲有一個鐘去做監考，其實都講到口水乾架，不過可以對題目先睹為快都係好事！完咗又要返去面對現實吧，咪黑嘿面咁到放學走人，返去食tea休息摺衫睇電視，自由自在！仲冇就係幫子元安排到補習，雖然有啲貴但都要比，盡人事谷吓！

25/4/34

 25/4/24     THU     COLD

今日都係要返工返學啦，不過要跟冇禮貌嗰件真係唔多想，可以點啫咪唔好緊張佢囉，真係唔洗對佢用力，浪費！不過今日個肚唔舒服，成日要去廁所好唔方便！接咗仲仲返去又繼續痛，快啲食藥休息，所以今日咩都冇做只係煮咗晚餐，雞湯米正！

24/4/24

 24/4/24     WED     COLD

今日如常返工返學啦，真係好如常，冇咩特別，夠鐘就上堂，夠鐘就放飯，準時放學又唔洗即刻揍仲，因為佢有after school club！咁我就去超市買埋嘢先，快手攞番屋企先再去接仲！回來係食嘢摺衫睇電視，夠鐘就煮飯，食完繼續睇電視囉，又10 點幾先沖涼！

23/4/24

 23/4/24     TUE     COLD

今日子元16歲生日啦！但因為係閒日，所以上星期已經慶祝哂，今日大家都照常返工返學！我返到去個學生竟然冇返學，真係好少有！但我都照去課室，抄吓notes咁啦！第二堂返咗大房但大姐又返咗嚟，所以小息完我都閃了，上咗堂英英文我就去頂飯更，搵二姐簽埋假紙！學生放飯我又放，本來諗住搵個英文老師問佢補習，但佢又冇出現，可惜！最尾嗰堂去埋上數學，完全係搵地方hea時間等收工！放學接咗仲仲佢又話唔想踢波，子元都講咗今日唔練，我又唔想返教會，所以今日齊齊留家hea，晚飯係沙嗲牛肉麵或意，好正！

22/4/24

 22/4/24     MON     COLD

今朝完全唔記得學生遲返因為有training，都係無聊等時間過，然後都係開展簡單的一日，冇咩壓力咁，夠鐘咪食飯，準時又放工，返嚟接埋仲仲，佢又去踢波，我就可以睇劇摺衫，夠鐘就煮飯睇電視！

21/4/24

 21/4/24     SUN     COOL

今朝10 點先醒，叫老公起身揍子元去補習，我都慢慢起身煮早餐，老公買埋咖啡返嚟，但12點子元打嚟話補完，英文嗰個又冇嚟，睇嚟我都要攞定後路！接咗佢就放佢去球場先，附近有costco諗住買埋個吸塵機，但已經冇減價，要再搵可能上網買！順手買埋需要嘅嘢就回程，老公又要返球場，我就喺屋企，開頭都燥底，因為仲爺又激我，一日掛住打機，叫佢同婆婆講電話又發脾氣等等！明知我又要分贓又要清潔又要煮午餐，都唔識合作吓！做到5點幾終於完成，老公佢地買咗嘢返嚟食，加上大家都唔餓，晚餐就簡單煮咗炸菜肉絲粉絲就算！

20/4/24

 20/4/24     SAT     COLD

今朝7點幾就醒咗，可惡！梳洗完最終決定出Broadway 買嘢同食早餐，要幫子元買生日配件，跟住仲去埋攞蛋糕先返屋企，休息吓先摺埋啲衫，差不多5點準備出門口，要差不多1個鐘車落去食韓燒，而家有得book真係方便好多，入去比錢就得！狂食燒肉等等飽到呢，子元飽到食完仲嘔咗一轉先上車，返到去沖涼先未食得蛋糕住，因為仲好飽！

19/4/23

 19/4/23     FRI     COLD

今日工作得唔太專心，因為星期五啦嘛，又多代課堂，全日得兩堂喺課室，仲要唔洗我幫手嘅，咪係咁打機囉！完全虛度光陰！不過我最唔鍾意喺大房時個自以為是同事成日指指點點，麻叉煩！放學準時走人去GP攞埋藥先返屋企，食完嘢仲仲去踢波我就hea，都有摺衫追劇，晚飯老公返嚟簡單煮白汁意粉就算！

18/4/24

 18/4/24     THU     COLD

今日悠閒到冇啲悶，睇書打機都頂唔到咁耐，又成日要留喺大房堅唔自在，幾經辛苦捱到放工，仲喺最尾嗰堂收到GP電話講埋我可以攞多隻藥補鐵，另外又要驗多次血！返嚟hea吓食嘢睇電視，子元去踢波我地就簡單食，整雞翼咋，襯空檔去埋超市入吓貨，明天放學要去攞藥！食完快啲沖涼先，咁就跍洗洗碗！

17/4/24

 17/4/24     WED    COLD

今朝冇少少趕啦，返到去啱啱好，開工但唔洗做嘢，代課堂可以做自己嘢，就幫子元作埋篇speech，但英文堂冇得做，最好笑係個老師有spare溫書的工作紙，佢比多份我但唔係比我用，而係話比我個仔，勁好笑！數學做咗一堂卷，又冇半堂食咗飯，最尾一堂諗住花花sir的option support堂可以自由吓，點知嚟咗個代課，搞到我地冇得咁free！都唔理啦照做自己嘢，反正同個學生溫咩佢都唔會識！放工接仲爺返嚟食嘢後休息，只想hea我今日好攰！

16/4/24

 16/4/24     TUE     RAIN ICE

今日學生正式返學，好在啲堂都算自由自在，重點係最尾嗰堂option support本來應該係飯筒，但最終竟然代課嚟上，開心死我啦！總之今日平平安安順利收工啦，接埋仲仲返去又要倒垃圾，又要整蘿蔔放入牛腩，但今次啲牛腩唔夠冧，要再煮！所以我等去完教會先返嚟一齊食！

15/4/24

 15/4/24     MON     WIND

終於要返工返學啦，其實都冇咩嘢，返工時間過很得快！揍咗仲仲返學就返工，差不多返到去先記起今日係training，都係等時間過，要聽阿姐廢話，仲要做一份self evaluation ，大致都係咁，有時間就吹吓水咁啦，準時就收工揍仔！返去煮嘢食，子元揍仲去練波，我就摺衫煮飯睇吓劇，食完飯就沖涼瞓覺！

14/4/24

 14/4/24     SUN     WARM

今日基本上都冇出街，只係喺FB見有人free個櫃就去咗攞！朝早9 點幾起身因為要睇金像獎，但睇吓煮吓早餐又要同阿媽傾電話都冇一堆冇睇，可惜，加上我心儀嗰啲都輸！午餐老公整咗米線簡單食，今日幫子元溫中文，作文真係差咗好多，盡力同佢補吓啦，仲冇少少時間應該pick up 到！晚飯老公煮啲我煮啲，食完睇電視沖涼瞓覺，明天返工返學啦！

13/4/34

 13/4/24     SAT     WARM

今朝瞓到10點幾11點先起身，真係冇咗半日，出去食埋嘢買埋餸返嚟都2點幾，仲要換床單做清潔，因為我明天要睇金像獎頒獎典禮！換床單真係好攰，做埋清潔就可以休息，老公同子元繼續整後園，晚飯都係等老公煮，想食豬扒意粉，食完睇造星到10點幾沖涼！

12/4/24

 12/4/24     FRI     WARM

今朝仲仲要比賽，不過我冇一早跟埋去，慢慢梳洗食埋早餐先自己揸車過去，買埋咖啡咪去睇吓仲仲，唔知點解佢比人調咗去踢U8，唯有旨在玩吓，買埋相走得，去食拉麵先回家，返去都係hea同打機，假期嘛梗係咁！仲仲今日都要練波，咁我又可以打吓自己game！夠鐘就煮飯，食飯時睇造星到10 點幾沖涼瞓覺！

11/4/24

 11/4/24     THU     SUNNY

今日又係冇出過街，子元中午去比賽，佢地出門口我都未梳洗完，食完早餐捉仲仲做埋中英數先，跟住睇劇到肚餓，老公佢哋都返但冇遇到我地嘢食，所以煎咗餃子share食！然後打吓機又要幫吓手整後園，8點幾食飯睇埋造星4，10幾沖涼休息！

10/4/24

 10/4/24     WED    WIND

今日冇出過街，好無聊咁過咗一日，朝早hea到10點幾先起身，食得早餐都中午，係咁貝睇番missing，又睇到兩點幾，都咗午餐，簡單地食pizza同燒賣，之後睇吓電視就打overcook，打到7 點幾先肯去煮飯，食完開咗新嘅造星4嚟睇，又10點幾先去沖涼！

9/4/24

 9/4/24     TUE     WIND

今日主要做家務，起身佢地都未起，咁我自己食早餐先，hea到咁上吓要做清潔，煲定粥先，清潔完炒埋麵，食完嘢就出去買定呢幾日餸，返嚟倒埋垃圾就可以休息睇波子，晚飯睇波所以我都冇咩好睇，早啲沖涼！

8/4/24

 8/4/24     MON    WIND

今朝8點幾醒咗，食完早餐出咗costco入少少貨，買埋午餐返去食，食完老公繼續整後園，我地要隨時幫手所以咩都冇做，hea吓咁，夠鐘就煮飯，食完睇陣電視沖涼瞓覺！

7/4/24

 7/4/24     SUN     SUNNY

今日約咗去Carol屋企，不過下午嘅事，朝早起身食咗早餐，出去買咗嘢先，仲要飲咖啡，買埋燒賣做手信比Carol，返嚟同阿媽傾埋電話就出發，3點過到去，肚餓呀去買pizza食先，跟住喺佢到打吓牌吹吓水，6點左右食飯，因為book咗8點打保齡球，都幾好玩嘅！最後仲打埋枱波先走，返到嚟都係12 點，食埋個宵夜先沖涼！

6/4/24

 6/4/24     SAT     SUN

今朝出咗去食早午餐，唔想食茶餐廳，就去咗食真茶餐廳，順手去榮業買吓嘢就返屋企！老公繼續整後園，我地間中幫吓手，繼續睇吓電視！天黑就要煮飯，食完睇電視睇造星，沖完涼細佬好樂意咁係咁幫我按摩，好舒服！

5/4/24

 5/4/24     FRI     COLD

今日都冇出過街，朝早仲嬲緊架，但真係冇意思，算啦！食完早餐等佢地搬完板去後園我就做埋清潔，然後hea咗陣，煮咗碗仔翅做午餐，等仲仲去咗踢波就摺咗衫，夠鐘就煮飯，食完睇電視沖涼，好悶！

4/4/24

 4/4/24     THU     RAIN

今朝都係瞓到自然醒啦, 其實都唔係好晏, 但琴晚都差不多3點先瞓, hea到咁上吓起身梳洗, 開電腦交埋個council tax先, 跟住又search吓無聊嘢, 然後食完早餐就開始要細佬執埋個房, 上次執完床下底, 今次執埋書枱同書櫃, 都掉咗好多嘢, 清咗好多垃圾, 執完簡直煥然一新, 唔係垃圾崗! 執完去咗食午餐, 佢地搬咗好多塊板去後園, 都要休息吓! 食完返嚟就做埋啲家務休息吓煮飯! 明明開飯時好地地架, 人地放個屁又係咁笑人, 唔開心嬲又發番我脾氣叫我唔好玩嘢, 咁你講番句得啦得啦唔笑啦我都收貨, 點解要話由得我唔洗理我呢, 我嬲咗全餐飯咩都冇理, 求奇食完就返上房, 開住個電腦又好咩都好!

3/4/24

 3/4/24     WED     RAIN

今日係約咗去幫may搬屋，所以起身食完早餐就出門口，先去辦啲事，然後再過去，1點前就到，佢地煮緊午餐，咁就齊齊食麵，食完開始執嘢搬嘢，其實都唔幫得幾多，主要啲男丁做，叫做搬咗啲大件嘢就去食晚飯，食意大利嘢，食完返去幫佢睇埋車保啲嘢就走啦，唔想太夜，雖然落雨但12點幾都返到！

2/4/24

 2/4/24     TUE     RAIN

今日子元作客北邊比賽，9點幾要出門口，但子元一起身又話咳到透唔到氣咁最終叫佢一個鐘聞一次你，都叫做踢到！不過原來劍橋都幾遠，個幾鐘先到球場，等佢踢完都差不多兩點先走，又要半個鐘先到市中心，泊好車再行去都15分鐘，最終只係食炸雞，跟住睇吓古蹟，其實唔算太多嘢睇，因為已經晏，就閂門，不過閒遊還可以，食埋雪糕咁，回程又差不多兩個鐘，返得屋企都9點幾，又要倒垃圾又要煮飯，攰！

1/4/24

 1/4/24     MON     RAIN

今朝又瞓到9點幾先起身, 食得早餐出門口去買嘢都11點幾啦, 又要買咖啡又要去B&Q, 然後再去中超買餸等等, 返得屋企都點幾, 老公諗住搬啲板去後園, 點知搬咗一陣就開始落雨, 咁唯有放棄啦, 冇咩可以做! 食埋午餐後我就掛住打機, 打到咁上吓先去做清潔, 清潔完都係繼續hea啦, 7點多煮定飯等老公煮餸, 食飯都係繼續睇造星三, 又睇到10點幾先沖涼呢!

31/3/24

 31/3/24     SUN     COLD

今日冇出過街呀，瞓醒都八九點，諗住食完早餐去彌撒，但發現唔記得轉夏令，原來已經12點咗，唔洗去啦都開始咗！結果一日就喺到做蟲蟲，睇電視打機睇波，冇咩做過，放假係咪應該係咁呢，我自己都唔知！晚飯後睇造星睇到11點幾先沖涼呢！

30/3/24

 30/3/24     SAT     WARM

今朝都唔係瞓得好晏，可惜！食完早餐去B&M同B&Q買嘢，再買埋午餐返去就食完開始做嘢，都要幫吓老公手，又同仲仲打吓機，預番時間煮定晚餐，食肉骨茶簡單啲，食飯時睇波，食完睇到完場打埋機先沖涼，咁又一日！

29/3/24

 29/3/24     FRI     COLD

今日係戲院日，因為睇咗兩場戲嘛！子元自己留咗喺屋企，我地淨係帶仲仲去，10點幾先睇12怪盗，入去坐咗15分鐘都冇嘢睇，已經有人出咗去問，轉頭有工作人員入嚟話轉第二個院，應該播錯咗囉，好笑！偶像電影嚟講其實都唔錯，劇情基本估到哂！睇完去咗對面食中餐，大大份啱哂黑洞！跟住再去戲院，開場前5分鐘入場，點知係商場嗰間戲院先啱，好在趕得切行過去，入到去仲要睇15分鐘廣告先開場，今次睇哥斯拉，仲仲睇到中間瞓咗，到打架先叫番醒佢！睇完去超市買埋餸先返去，老公要搬埋木板去前院先沖涼煮飯！

28/4/24

 28/3/24     THU     WIND RAIN

終於最後一日返學，可以放假啦，不過天氣唔好，心情都不太好！加上今日跟嗰個學生又唔太熟佢嗰班，其實幾悶，本來諗住早放，但最終都唔走得咁早，學生12點放，跟住老師就要去聽校長講嘢，好在佢唔講好耐，咁我快手攞啲嘢食吓，等佢講完就馬上走，返咗屋企先要攞件去return，但實在太大風雨，車冇電啦又唔想淋雨，咁就行去接咗仲仲再回件再買埋餸先行返屋企，太攰！返到去梳洗完食埋嘢先好啲，跟住就不停摺衫洗衫再休息吓，掛住睇電視8點幾先煮意粉食！

27/3/24

 27/3/24     WED     COLD

今朝子元要去target review day，所以揍咗仲仲返學就過去，都係廢話多，但點都要去聽吓，聽完就去藥房攞埋藥，又同子元叫埋藥，我再book多次doctor！搞掂哂都要返工，都唔算難過，最後一日課堂未必堂堂教書！中午落雨都係救番架車入有蓋位！放學準時走，返去見子元做緊苦工，搬卡板先放門口，等老公回來一齊搬埋去後面，攰死！

26/3/24

 26/3/24     TUE     RAIN

今朝都好好太陽，下午又落雨啦！朝早返去都係咁開工啦，第一堂唔知點解只留form room，好事，我打足一堂機！之後要上就照上堂做嘢，放飯時撞正高峰時間，等好耐先有得食，正常時間放學走人，接咗仲仲返去又食，似乎食得飽得滯，加上食埋晚飯後太漲啦！明天開始真係要食少啲！

25/3/24

 25/3/24     MON     COLD 

今朝都有啲趕，慢吞吞咁所以食麥皮快啲！返到去照常開工， 其實同平時差不多但就係覺得攰，可能太期待放假啦，冇mood！有機會就打吓機睇吓書咁啦，最尾嗰堂PE要打羽毛球，真係肉體上攰！放學接咗仲仲就返去煮嘢，佢又話都係咳唔練波，冇嘢好講！同子元寫好個考試時間表，見到奇怪地點解有科目係同一日同時間考，要佢返去問！晚飯基本上我煮哂，罀到腰攰！

24/3/24

 24/3/24     SUN     COOL

今日只係子元要補習, 仲要去買餸, 冇咩忙, 朝早起身就做家務, 同埋要幫仲仲執咗個床下底, 仲要清潔, 真係做到腰都赤, 老公揍完子元去補習, 就要去球場幫手睇住另一個香港人隊友, 因為人地爸爸唔得閒, 咁結果我地就揍咗佢一日, 出去食完嘢買埋餸返嚟佢地就喺房玩, 又打機又打波, 最後食埋晚飯佢阿爸先嚟接番佢, 又同老公吹咗一輪九點幾先走! 

23/3/24

 23/3/24     SUN     COLD

今日我要返慕道班全日的holy spirit day，基本上都返足全日，所以起身食完早餐就出去，老公車我過去順手帶埋仲仲去眼鏡鋪買埋隱形眼鏡！今日我活動大致上係熱身遊戲，討論環節，食午餐，查經，再去教堂為每個人祈禱，5點幾走得，行到一半老公嚟接我，行少啲！返去就係食啲嘢再hea，8點幾煮麵配鴨腿湯，好正！睇造星睇到11點幾先沖涼！

22/3/24

 22/3/24     FRI     COOL

終於到星期五啦, 今日都算係易過, 揍咗仲爺返去, 佢今日有籃球活動, 成日講! 返到去照開工啦, 悶悶的都係睇吓機咁, 因為真係冇嘢可以幫嘛! 個學生中午就走, 我食完飯就要跟另一個, 都冇咩事PE堂啫, 仲同Letty佢地一齊上, 玩吓bench ball咁夠鐘就放學走人, 算係唔錯! 又唔洗接仲仲, 去超市買吓買吓又買咗幾袋! 返去食完嘢, 開咗電腦就做多幾樣嘢啦, 然後就係睇吓電視囉, 8點多先煮飯, 都係簡單食意粉咋, 食得嚟睇埋電視都10點幾先去沖涼啦! 

21/3/24

 21/3/24     THU      COOL

今朝仲仲早咗起身，係可以早啲出門口呢！返去都算輕鬆開工， 替兩轉飯更咁，總之冇事冇幹就收工！今日都係貝吓書畫吓畫咁囉，因為真係冇咩做！接咗仲仲就返去食嘢休息睇電視，夠鐘煮飯，哥哥話去練波咁就食簡單嘢就算！

20/3/24

 20/3/24     WED     COOL

今日暖番好多，照樣開工啦，好在又有代課又有考試，基本上都算輕鬆，我仲搵機會完埋幅梅花，加埋句詩好正，我show咗比個同事睇，佢話好靚問我可唔以比咗佢，咁都係初試，冇咩所謂咪比佢，我可以再畫！不過佢又唔識中文，咁都啱！終於放埋飯，最尾嗰堂雖然可以做自己嘢，但我都冇咩想做，所以聽吓三叔囉，準時收工，接仲返去食嘢準備咗整鴨舌就hea，等老公返來沖埋涼就煮埋另一個餸食飯睇電視咁又一日！

19/3/24

 19/3/24      TUE     COOL

今日又係咁返工返學啦，原來子元緜校早放我又唔知，但又唔知點解要in sixth form，但最終因為太多人要再安排，真係好亂！我今日都仲係係咁咳，好在好多堂都考試，咁我就可以hea，基本上得數學要上！放飯返去之後，佢又要出去行，係咁講佢上網識人啲嘢，我話我唔可以聽，如果唔係要滙報！不過算啦，對住個低能講咩都冇用！順利放學回家，今日冇咩嘢做，又唔洗教會佢兩個又唔踢波，咁就摺埋衫煮飯！

18/3/24

 18/3/24     MON     COOL

今日返學又燥底，無法啦有時啲學生真係要直接啲丙吓！返到去心底幾不情不願開工，表面上都係咁做，好在佢今日有兩份卷要做，我唔會幫到佢，由得佢自己嚟，我就睇吓書咁！係放飯嗰吓話佢要去大房食唔可以出去，因為冇人cover，佢又喺到嘈，最終咪又要屈服！捱埋嗰堂走得，接完條仲返去個頭繼續痛，可能咳有影響，瞓喺梳化瞓到7 點要起身煮飯，瞓完好番少少！食飯睇造星3，又可以有娛樂！

17/3/24

 17/3/24     SUN     RAIN

今日老公同仲仲去曼城睇波， 我就留番喺屋企，子元去補習，我就好多家務，因為今日要換床單，好多衫未摺，然後又要煮幾餐，雖然得兩條友們都要煮，子元去補習要自己撘車，條友又撘錯車，要遲到！我就去咗一轉超市，明天要帶飯始終要買啲餸！跟住返嚟繼續做家務，終於做好哂可以休息吓，7點幾又要煮飯，繼續睇吓電視咁啦，10點多先沖涼！

16/3/24

 16/3/24     SAT     COOL

今朝9點幾10點先起身，出去食完早餐就去超市買餸，仲仲4 點要去再試隱形眼鏡，老公睇住佢我去shopping，買埋咖啡返嚟佢已經成功咗，可以約期返去再試一次就買得！咁返屋企就開始hea，等子元話肚餓就煮飯，繼續睇電視再沖涼瞓覺！

15/3/24

 15/3/24     FRI     RAIN&SUN

今日好攰，本身星期五已經攰，跟條友仲攰，我最後忍唔住鬧爆佢，因為真係好煩，佢應該都係反社會人格類別！我都唔想提今日點過，反正就係攰！唯一暖心啲係，條友最尾PE堂又唔走時，我同個老師話好在今日唔趕接放學，不過個老師竟然話，咁你都應該準時走，唔應該因為個學生唔走你就唔走得，感動！回家前買埋餸，仲仲去咗tower of london，所以遲放，老公去接，返到嚟就食嘢先，然後休息睇電視，輕鬆星期五！

14/3/24

 14/3/24     THU     COOL

今日又要跟件麻煩兼遲放，其實我已經好唔理佢，但都係唔可以好好上堂囉！放小息時落毛毛雨，我都係救番板車去有蓋位先，放飯時先推番出去泊！下午繼續無耐地開工，一路謀劃緊放工點樣快啲走，最終都係遲，但都叫做趕得切接仲！返屋企煮麵食睇電視，又係無無聊聊咁過一日！

13/3/24

 13/3/24     WED     COLD

今朝超唔想起身，琴晚差不多3點先瞓，所以全日都好攰好眼瞓！啲堂又唔係太吸引，更加難捱！都要咁捱啦，不過可以繼續睇小說都係開心！子元朝早要去面試，巴士塞車會趕唔切，唯冇轉3次車先去到，佢都叻仔自己搞掂！放工返去要執手尾，琴晚咁夜咩都冇做，搞掂廚房清潔摺衫等，又繼續睇番追星，食完飯洗碗沖埋涼都11點！

12/3/24

 12/3/24     TUE     RAIN

今晚係期待的mirror演唱會，不過朝早都係要返工，老公今日請咗假，咁佢揍仲本來我應該夠哂時間，但因為落大雨，真係要好小心先返到去，所以都遲到，不過大姐冇返所以冇人嘈！全日都照常開工啦，見到Letty佢哋馬上忍唔住同佢講我買咗飛，勁興奮！後來Holly話原來佢阿媽今晚都睇，另一個香港人學生佢阿媽又睇，正！放學仲仲要見埋家長，先再返屋企食啲哩沖個涼先出去，老公車我地去車站轉tube，都係一個鐘左右就到，好耐冇試過迫地鐵！去到梗係打卡，可惜May未到，又搵唔到康傑33屆個媽媽，反而撞到Penny，吹咗陣就入去行吓O2，繼續打卡，入場前終於見到May，佢要問我借定錢走時撘車呢！入到場攞唔到場刊，但坐定後前面個家庭比佢擺攞多咗嗰本我！然後還撞到仲仲波友！8點半先開場，氣氛樣樣都好，可惜姜B唱得一首單曲，大家都係團歌，另外再有啲小組合，Edan &Jer最正，當然仲有大表波！最終10點幾完啦，排埋個廁所上車都11點，返去有老公接，仲煮埋牛腩雲吞麵，食完沖涼都差不多2點先瞓！

11/3/24

 11/3/24     MON     CLOUD

今日子元病咗同佢請假，老公明明出咗門口返工，但因為塞車封路封到就返到公司都返唔到，佢就返咗嚟，都好可以揍住子元！返咗學𣐀就開工，都有啲懶散，但星期三真係好冇mood！湊合湊合工作，等收工咁啦！今日約咗GP打電話嚟，但最終都係聽到，唯冇再等！因為有老公接仲我唔洗趕，咁返到去食啲嘢睇電視等！突然啲朋友講明晚mirror演唱會，有個話今朝再買到飛，令我心動到一個點，老公話不如帶埋仲仲去一齊去開心吓，咁難得！見仲冇百多鎊嘅飛，咁就買咗，好興奮！咁多個月都冇買，估唔到最後一日都係忍唔住！

10/3/24

 10/3/24     SUN     RAIN

今朝瞓到9點幾10點，快手出門口， 仲仲要踢波子元要補習，我喺球場企咗個幾鐘，落雨嘛，凍到頂唔順呀！終於捱到踢完返屋企，已經唔想再出去，咁就叫外賣食，再做埋清潔，睇英超！利記曼城和波阿仙奴最着數！之後睇電視等老公煮飯食，明天又要開工啦！

9/3/24

 9/3/24     SAT    COLD+

今日老公要攞架車去驗，所以仲仲去試隱形眼鏡就要撘車過去，咁食完早餐子元撘車同仲仲去，我就踩車過去，咁老公又行咗過去就叫佢陪仲仲試，我就同子元去買嘢，然後又係返屋企先，佢地撘車我照踩車，返去就叫仲仲做功課，我就摺衫睇電視，等老公架車驗好一齊行過去攞，行咗大半個鐘先去到。攞咗車再去買餸，難得行吓watrious，又買咗一堆嘢！返嚟做蟲蟲等老公煮飯，今晚食意大利飯，好正！

8/3/24

 8/3/24     FRI     COLD

終於捱到星期五，都係輕鬆的一天，頭三堂留咗喺form room，因為induction day，基本上我都冇咩做，偷偷地打吓機又睇吓書咁，送走個學生我又要去做cover，好在都冇咩特別，跟住到我可以放個long lunch，最尾嗰堂勁唔想上，但都要死過去上堂！放學去阿周屋企攞嘢，又吹咗陣水再去nature nature買納豆，本來話子元要剪髮就去broadway會合，但最終都係返屋企先，去broadway先食雞再去剪髮，我地就去買餸先再接佢，返屋企老公煮晚餐我摺埋衫！

7/3/24

 7/3/24     THU     COLD

今日係跟輕鬆人，一路都幾好，又係嗰件自以為是同事話我個學生嗰堂應該去課室唔應該喺到，痴線佢真係以為自己係上司，另一個同事叫我唔洗理佢，個學生覺得有需要係可以留喺大房！所以今日我好多時都係比較自由自在，放學走人去揍仔返去食嘢，星期四係可以做蟲蟲，hea吓食飯沖涼休息！

6/3/24

 6/3/24     WED     COLD

今朝好大霧，一路行眼鏡都濕哂！返到去因為學生未返架，職員工培訓，聽個幾鐘又唔hea得，因為要真身聽，真難頂！聽完又要準備開工，今日每堂都短啲易過好多，得個lunch 冇break唔洗喺出面行，最尾又上option support仲要係hea老師，好快又收工，接完仲爺返去先食嘢，休息摺衫，夠鐘就要出去William parkin 聽talk ，點知巴士又冇行又落雨，好在老公踢完波早咗返，不過等得佢都7點，幾經辛苦先上到去，咪又係聽佢講sixth form啲嘢，講到好似入梗咁我都想！聽完快啲返去煮飯食沖涼瞓覺！

5/3/24

 5/3/24     TUE     COLD

今朝如常返工啦，不過學生就唔洗上堂，又係爛鬼enrichment Day，我就悶足4 堂，好在有帶書睇，唔真係瞓著呀！最好消息係本來職員要正常時間走，學生放飯時收到消息可以早半個鐘走，咁我都唔趕，但早得就早啦！去一轉超市，最好笑喺子元學校門口見佢上車，到超市門口又見佢落車！接仲仲可以做早嗰個，條友話太早佢冇時間同同學傾偈！返到屋企要倒垃圾先可以食嘢，然後就不停咁食，結果晚上太飽，去完慕道班先返嚟一齊食晚飯，無聊開咗造星二睇，真係好無聊！

4/3/24

 4/3/24     MON    COLD

今日好在冇太陽，唔係又凍鬼死，返到去又要開工啦， 一開始PE堂要行圈，真係夠哂攰，好在有另一個同事一齊吹吓水咁，終於捱完都唔知行咗幾多個圈！然後繼續上堂，小息又要行放飯又要行，好在double lesson都坐夠，不過成日咁行都唔多想！終於放學可以走人，接咗仲仲返去食嘢休息，仲仲去踢波，我就摺埋衫同準備晚餐，老公返嚟煮完飯就睇波！

3/3/24

 3/3/24     SUN     COLD

今朝起身條腰好痛，其實琴晚已經痛，但冇咁嚴重，結果貼哂膏藥都痛咗成日，但都堅持做埋清潔，因為真係好dirty！叫哥哥快啲食早餐出去補習，跟住就我地自己煮，食完hea完同阿媽傾埋電話先開始做清潔，真係要慢慢做，然後就睇吓電視摺埋啲衫先休息，子元去踢波，我差不多時間又預備晚飯等老公返嚟煮！

2/3/24

 2/3/24     SAT     RAIN

今朝瞓到9點幾先起身，要預番時間仲仲出去試隱形眼鏡，咁我地就去埋broadway行吓，食埋個早午餐，車佢地返去就再去買餸，一買又幾個鐘，去中超見冇打邊爐嘢就想打邊爐，咁就好多哩要買，仲要去埋costco買牛肉，咁買完應該呢兩星期都唔洗買餸！6點多子元打嚟問我地返未，一返嚟又要準備邊爐，食得嚟都9點幾10點，拖到11點幾沖涼！

1/3/24

 1/3/24     FRI     RAIN

今朝出門口大雨，返到學校就停雨，但我都濕哂！照樣要開工，我都係睇咩老師就做咩嘢囉，有機會就睇吓書，咁佢地test緊我睇書唔過份掛！夠鐘咪放飯，真係要休息吓，條女一日行嚟行去，定定地唔得咩！捱到最尾嗰堂我唔理得咁多，我已經好遲，回程好多車多人！返到去就休息吓食tea，吹風吹到頭都暈！仲仲去咗踢波我就繼續做蟲蟲睇電視，夠時間就煮飯，然後又掛住睇劇10點多先沖涼！

29/2/24

 29/2/24     THU     RAIN

今日又要跟year 7個麻雀煩友，佢真係好煩，唔想上嗰啲堂就搞事等老師趕佢走，但就搞著我囉，好地地坐好咪算囉，好在今日我早放，上少兩堂冇眼睇！陪放飯同一個PE miss吹咗一輪水，原來佢係實習老師，最好笑係佢同我講唔鐘意呢間學校， 學生又差硬件又差同埋完全令人冇歸屬感！1點幾走得，先去快買個餸再去接佢，諗住3點見家長，點知原來我遲啲先見要詳談，仲爺又唔同我講！不過可以去佢課室睇吓都好！返嚟hea 到煮晚飯，今日又去煮碟頭飯呢！

28/2/24

 28/2/24     WED     COLD

今朝冇奶沖咖啡，搞到我要即刻出去買！所以又遲咗出門口，好在都唔算遲！照常開工啦，冇咩特別，夠鐘可以放學，接咗仲仲返去，打電話比嫲嫲，因為佢今日生日，比佢地傾吓！然後都係食吓嘢休息吓，但仲爺又激我，叫佢好好做數又係到態度差，又要我發佢老脾！晚飯時要睇波冇得睇我啲嘢，又爭唔到廁所沖涼，可惡！

27/2/24

 27/2/24     TUE     COLD

今日都係好正常，冇咩特別地返工放工，係有啲悶悶地，但我唔介意悶囉，照樣上堂食飯放學，接仲仲放學，返嚟倒垃圾食tea，準備晚飯！今晚食牛腩麵，食完要去上慕道班，返嚟洗埋碗沖涼休息！

26/2/24

 26/2/24     MON     COLD

今日凍咗好多，返到去終於搵到二姐簽假紙，然後就開工，都冇咩特別，係小息要留喺室外有啲凍！放飯時發現我隻杯比人攞咗去用，仲要唔洗，好在SMSA嗰幾個EE知道邊個用咗， 仲比我放隻杯去佢地個櫃！順利放工接仲仲，返嚟食嘢，子元揍仲仲去踢波，我可以做吓蟲蟲打吓機睇電視，都要預備煮飯！

25/2/24

 25/2/24     SUN     COLD

今日要休養生息！子元11點要補習，10點幾點都要起身，喺屋企食啲嘢，等子元補完先去茶餐廳食嘢，再去買啲餸就返屋企，做好清潔又要摺衫，其實都冇咩休息，所以晚飯準備咗少少就等老公繼續，我就做吓蟲蟲先！食完睇陣電視先洗碗沖涼！

24/2/24

 24/2/24     SAT     COLD*

今日好忙碌呀！約咗過May到，又要等子元補完課，又要帶仲爺去試隱形眼鏡，仲要買炭買刺身生蠔，差不多1點先出發！先去雷丁接咗ting hin先過Bristol，最終差不多4點先到，又透爐又食刺身先，然後開始不停燒嘢食，大家輪流燒吓又入屋吹吓水咁，基本上冇停過口，之後又開生蠔，但我有啲肚痛，唔敢食咁多，只係食咗一隻咋！之後keep住個肚都唔係咁舒服，所以都唔食咁多嘢！一路吹水到1點幾先肯走！回程初頭都順利，但好快就大霧，仲要疑似唔夠油！好驚恐地快手搵油站，好在都趕得切，入夠油再幾經辛苦霧中返到屋企！

23/2/24

 23/2/24     FRI     Hail

星期五永遠都有驚喜，明明我今日應該跟Daisy輕鬆架嘛，點知返去又搵唔到佢又唔見佢，到最後應該係根本冇人安排好，cover緊我嗰個跟咗Daisy出trip，咁我變咗要調轉跟佢嗰個，嗰件Anjalina都係咁麻煩，佢根本係針對啲弱勢老師，重點係搞著我嘛，啲老師成日想踢佢出課室但又唔可以先慘，最差係佢踩到我底線，又搶我電話又係咁掂我，又攞我啲嘢，有個老師叫我寫底再email比飯筒，我覺得是但啦，佢太過份其實都要！幾經辛苦捱到放學，諗住可以返屋企，點知一出學校門口就落雹，等咗一輪好啲先行得，冇雹但有雨，我返到去濕哂，凍到兩條大腿紅哂，乾好自己再食埋嘢，又要出去買餸，車咗仲仲去球場再同老公一齊去買，等仲爺踢完返去煮飯等等！

22/2/24

 22/2/24     THU     RAIN

今日真係好輕鬆，基本上都冇咩嘢忙，所以我已經帶定書返去睇！朝早返去都冇雨，但之後就落足全日雨！好在今日大部分都室內，自己放吓飯又替吓飯更，吹吓水咁又一日！放工接仲仲返去又係食嘢囉，老公返嚟整鴨腿湯飯，然後揍子元去踢波，我就睇住電視摺埋衫，食完飯要洗埋碗先沖涼呢！

21/2/24

 21/2/24      WED     RAIN

今日落咗一日雨呢，好在唔算太大，但我都帶咗遮，因為個學生有機會成日喺戶外，都係帶定穩陣啲！好在因為真係大雨佢又可以喺室內用電腦，咁我都可以坐吓暖吓，又唔洗同佢吹水！另外今日啲堂都幾啱上，尤其是最尾opinion support係吹水眼鏡佬堂，同琴日個氣氛差好遠，大家又分享吓嘢食，真係好正！夠鐘就走得，接咗仲仲返嚟就食嘢休息睇電視，不過都要預備定晚餐材料等老公煮！

20/2/24

 20/2/24     TUE     COLD

今日都係咁返工返學啦，冇咩特別都係咁過，都諗唔到有咩好寫！冇事冇幹都係好事！放學快手去接仲就返去食嘢，今晚我又要去上慕道班，子元腳痛唔去踢波，得仲爺去，我就上完先返嚟先食飯沖涼，又好夜先搞掂！

19/2/24

 19/2/24     MON    RAIN

今日終於要返工返學啦，仲仲慢吞吞，好在都冇遲！返去照常開工，今日啲堂幾悶吓，加上放飯時佢係咁吹水，又妄想症發作唔知講咩咁，不過我襯放飯時間打到電話去book GP，但， 又收唔到sms，都要搵機會再打去問多次！上埋最後一堂英文又放工，接咗仲仲返屋企，食完嘢都仲係好攰又頭痛，都係要哥哥揍仲仲去球場，我就做埋啲家務，夠鐘就煮飯，又掛住睇電視搞到仲仲10點幾先瞓！

18/2/24

 18/2/24     SUN     RAIN

今日兩個又要踢波，子元又要補習，所以都係恒常星期日做法！仲仲踢早場，跟住到子元補習，然後我地去買埋餸再接番子元，食埋午餐就返嚟做清潔， 子元夠鐘又去比賽，我就可以休息吓，摺埋衫睇吓波子直播，老公返嚟就煮飯！明天大家都返工返學了，term break幾快又完！

17/2/24

 17/2/24      SAT     RAIN

好似好耐未試過感冒，所以琴晚突然作感冒，食咗藥仲係好辛苦，全晚都瞓唔到，一轉身就醒，好辛苦！朝早食咗塊包就食藥，慢慢就叫做好啲，結果全部一齊留喺屋企一日，睇電視打機睇波，咁又一日！老公煮咗好味晚餐，冇梅菜扣肉又回窩肉，好正！

16/2/24

 16/2/24     FRI     COOL

今朝醒都差不多9點，睇吓機先梳洗，食得早餐都11點幾，叫子元做咗數學，跟住打吓機老公又返，就出去榮業食真茶餐廳，行咗陣中超就返！返嚟覺得唔舒服，食咗必利痛，好似好啲，但都係要再食感冒藥，閂咗套如意傳，原來幾好睇！

15/2/24

 15/2/24     THU     COOL

今日都係hea吓咁啦，term break係咁架啦！朝早8 點幾9點起身整早餐，食完都冇咩做睇吓電視，然後幫子元溫咗陣書就去買餸，順手買埋午餐，除咗pizza仲整咗銀牙肉絲炒麵，味道啱啱好，超正！之後都係hea吓，老公返嚟就比咗個電話要我講，佢問緊買醫療保險，我都諗緊其實係咪真係有需要買，都二百幾鎊一個月喎！晚飯開咗套《金手指》睇，搞到十點幾先洗碗沖涼囉！

14/2/24

 14/2/24     WED     COLD

今朝老公要早出門口，但又唔記得帶銀包車匙，搞到我又要開門比佢，又要等一輪先瞓得番，10點幾先知醒，就起身整早餐，食完同子元溫埋Geo，本來諗住出去買餸，點知老公話佢放工返嚟先去costco買牛扒，順手買埋榴槤，£15有貓山王，香港都差不多！不過去程好塞車，老公回程想去日本鋪買刺身都唔得！返到去就煎牛扒，因為今日係情人節，點都要慶祝吓！然後我又好無聊咁追番啲舊劇，又好夜瞓！

13/2/24

 13/2/24     TUE     COLD+

今朝老公要返工啦，但我都一齊醒咗，咪早啲煲定粥，之後可以食！今日主要活動換床單，洗衣機忙咗一日，食完早餐開始hea，飲咗咖啡醒番啲，阿哥中午要返去補課，等佢返嚟先食嘢，食埋啲雲吞，老公返嚟接咗子元去球場，因為今日約咗Konter隊友，佢地過嚟比賽，順手食晚飯，去咗Taki食日本嘢！

12/2/24

 12/2/24     MON     WIND

今日佢兩個都要踢波，因為遲咗起身，都未食早餐就去咗球場，又著唔夠衫，又肚餓又攰！最終我入咗室內等，仲去咗買咖啡比埋老一齊公飲！踢完去咗Broadway，仲仲要試吓配隱形眼鏡，順手食埋午餐，仲買咗箱荔枝，£7咋！返屋企換過厚衫諗住睇子元比賽，點知條友踢咗陣又受傷，所以我同仲爺又入室內休息，等佢踢完先返屋企煮飯食！

11/2/24

 11/2/24     SUN     WARM

今朝仲仲唔洗踢波，應該係琴日落雨浸咗個場，咁就唔洗咁趕，只係揍子元去補習，再去教堂先返屋企做家務，清潔洗衫等等！然後就休息做蟲蟲，到預備晚飯時間先郁，咁又一日啦！

10/2/24

 10/2/24     SAT     RAIN*

大年初一，恭喜發財！今朝瞓到自然醒，食早餐，等阿May佢地嚟會合，再出Central London，點知有啲意外，首先佢地熱水爐冇水壓冇熱水，然後車程上兩個囡又嘔，嘔到九彩，最終佢兩個留咗喺我地屋企休息，我地揸車出去再轉tube，行大笨鐘，London eye再上唐人街，又落雨咁佢地又要影相，加上都遲咗出嚟，所以都唔太夠時間，不過氣氛都幾好！8點返到屋企，快啲整好個盤菜煮埋飯，食呀吹水呀，又傾到點幾先返去啦佢地！

9/2/24

 9/2/24     FRI     COOL

終於都捱到最後一日啦，又term break又年三十晚，所以幾冇心機開工！以為又落雨，點知又出太陽，等我仲著咗子元件褸防雨！返到去都係如常咁開工，但已經處於離線狀態，好冇動力！不過都做咗應該做嘅嘢，比咗錢個學生返去香港時順手幫我買eye mask, Holly又送咗朱古力比我！終於放學啦，唔洗揍仲但就要再去買餸，買魚買蝦買雞等，但最終都係唔齊，要揍咗仲仲去踢波後再補！返到嚟就不停煮啦，樣樣都好多功夫，等老公回來繼續一齊整，都要差不多9點先開飯，食到飽飽又要洗碗，沖完涼仲要摺衫先瞓得！

8/2/24

 8/2/24     THU     RAIN

今朝真係夠哂大雨，我件粉色褸真係頂唔住，濕哂左邊手臂，真係好狼狽！不過今日日程都算唔錯，又有時間做吓自己嘢，係放飯時佢要行嚟行去煩啲囉！放學接完仲仲返去煮茶點，幫子元溫咗陣書就做吓蟲蟲，晚飯老公整咗鴨腿湯飯先揍子元踢波，分兩場食我又可以唔洗洗碗！

7/2/24

 7/2/24     WED     COLD

今個星期過得好慢，實在太掛住放term break啦！今日大致都係咁上吓，樣樣正常，有機會就睇吓書咁， 又搵機會喺圖書館搵溫Geo的資料！我都要努力局佢溫書，好在近水樓台啫！放學返去接咗仲仲，食完嘢又係開始溫書，中途抖吓，我睇電視時都係有摺衫架，等老公煮飯我就可以繼續同子元溫書！

6/2/24

 6/2/24     TUE     WIND

今日大致都係照開工，只係午飯時個學生係咁留喺室外，大風吹到我死！今日終於帶咗本書返去睇，必要時都冇咁悶！放學接咗仲爺，返去都係食嘢同倒垃圾啦，見子元出咗考試時間，諗住同佢寫吓，但佢地出咗門口踢波，我唔知佢冇啲科屬於咩班，要佢自己搞！然後就開始蒸糕！又由6點玩到食飯先蒸完，今次係時候影埋相寫吓食譜！晚上子元又係掛住打機，完全冇準備考試個狀態，要我發脾氣，可惡！

5/2/24

 5/2/24     MON     COLD

今日都趕趕地，返到去先睇自己跟邊個，又有好簽要好好珍惜！不過唔記得帶本書睇吓，真係好悶，好在第一堂學生有meeting，我又打咗半堂機，最唔明係臨落堂可以返課室，點知見到莊生係課室出面，我完全唔知佢叫我唔好入課室囉，真係堅煩！第三堂又有talk要聽，其實今日都冇咩上堂，好事 ！放學接仲仲，返去整咗蘿蔔糕食，今次懶得煎，蒸就算！抖吓摺吓衫夠鐘就煮飯！

4/2/24

 4/2/24     SUN     COOL

今朝都係清潔日，等佢地出哂去補習踢波等等就開始，又清潔埋浴缸，仲打埋地臘，然後接子元放補習，去食午餐再去多轉超市，買料包雲吞，返去休息吓都係要開始預備材料，仲爺又冇功課未做好要幫佢用電腦搞！包好雲吞冰咗佢應該唔會痴埋一舊，留番團年飯食！

3/2/24

 3/2/24     SAT     COOL

今朝本來諗住出去買完咖啡買少少嘢，點知炮哥話Costco有平嘢，就去咗入貨，最後去埋中超同超市，買埋今個星期啲餸，返嚟準備定，Carol一家又過嚟搵我地，老公整定碗仔翅，嚟到就開枱打牌吹水，老公中場又去咗講電話，唔係咁好囉！打完牌食飯啦，開咗套電影一齊邊食邊睇，睇完佢哋都要走啦，好多嘢要攞呢！

2/2/24

 2/2/24     FRI     COLD

明明今日跟Daisy輕鬆架嘛，返到去先發現又轉咗，仲要係Amira，頂！本來都冇咩，但第一堂已經好悶，咪收埋打機，點知嗰條老師臨完時竟然話我唔應該上堂用機，可惡！你自己搞唔掂又唔好拉我落水啦！之後都係粉腸日常啦，佢繼續唔合作我繼續唔理佢！最後嗰堂訓導主任堂，查實我完全唔知佢教咩，你話溫習都好啦，都要人明先得架！終於走得直閃，返去都係食嘢同hea，我今日好攰啦！

1/2/24

 1/2/24     THU     COLD

今日跟Daisy其實輕鬆，佢有佢自動自覺，我有我做自己嘢，反而係啲同事，又話Daisy咁早落堂，又要早過3：15走，好鬼煩！上堂冇咩做就繼續整揮春，不過有時啲時間真係好難打發！睇嚟明天都要帶本書返去消磨吓先得！放學接仲爺，又話喺學校有推撞，有張口供紙要簽番，我問清楚根本仲爺係自衛，唔係出手，咁我梗係唔簽，仲寫長文等佢搞！晚飯整肉骨茶，好簡單！可以輕鬆打機睇波子！

31/1/24

 31/1/24     WED     COLD

今朝要交sample去GP, 迫住要揍咗仲爺去學校門口就閃先, 返到學校都係遲咗幾分鐘啫, 還可以! 今日都係要對住嗰件唐氏綜合症, 好在頭兩堂都係cover lesson, 可以離開課室, 到double maths佢竟然話肚痛想走堂, 比佢走咗陣啦, 第二堂都係要返去, 好在大半個鐘到我放飯, 又可以避咗陣佢放飯, 成日要去搵啲老師吹水又唔知自己講嚟講去都係嗰啲, 最尾嗰堂又係hea嗰個老師的option support, 完全可以做自己嘢, 我就喺到上網睇吓有咩工, 真係好大膽囉! 夠鐘就去揍仲仲, 返到去食完嘢check 吓email就開始好忙冇停手, 因為收到william parkin話子元考咗個試基本上已經收咗佢, 只要佢GCSE攞到入學要求就得, 咁都已經入咗半隻腳, 真係要佢自己努力埋後半部先得! 

30/1/24

 30/1/24      TUE     COLD 

今朝有啲趕囉，返到去馬上開工，都係要頂硬上系列，因為條妹唔知係咪有網想症，成日都話有party又要幫佢攞紙，同埋成日點人幫佢做嘢，我真係好想知其實佢除咗低低地仲冇咩問題！終於到放飯，本來最後嗰堂係飯筒上，點知有驚喜佢冇上，勁開心準時放學接仲，返去又要忙倒垃圾又要煮晚餐，然後都係大家各自有活動，我要去上堂佢地去踢波，我竟然大意到唔記得開制煮飯！

29/1/24

29/1/24     MON     COOL

今日朝早請咗假，因為中午要抽血，所以朝早揍咗仲爺返學就返屋企，同阿媽傾完電話，見仲有好多時間不如清潔埋個發毛廚房，啲漂白水真係好勁，大半個鐘都完成，休息吓打陣機差不多時間就出發，都好快抽完血就返工，咁啱安排咗我返去一陣就放飯，然後又到個學生放飯，上多堂英文就放學！接咗仲爺返嚟就食嘢，然後哥哥帶仲仲踢波，我就準備晚飯材料，差不多時間就煮飯！

28/1/24

 28/1/24     SUN     COOL*

今日目標項目要做清潔，摺衫同蒸糕，但原來要做哂咁多嘢係咁攰，食咗早餐佢地出哂去，踢波嘅踢波，補習嘅補習，我hea咗陣都開始清潔，做住一半大掃除加洗埋架車，腰都痛埋，佢地返嚟就出去食嘢先，返嚟等老公洗埋炸爐先到我蒸糕，又要整兩個幾鐘，整到最尾都要煮咗飯先，食緊時先蒸，洗完碗儘摺埋衫先沖涼，又搞到12點幾！

27/1/24

 27/1/24     SAT     COLD

今日只係做咗shopping嘢，起身食埋早餐，就出去啦！總共去咗3間超市，買到傻咗，唔覺唔覺買到4點幾先去到食嘢，買完搬番屋企又好攰！仲要肉類分割，又要再煮晚飯啦，食肉醬意粉簡單啲！然後睇埋劇先沖涼！

26/1/24

 26/1/24     FRI     COOL

又到星期五啦，返到去更表又亂哂，不過最終我都執到支好簽跟Noor，基本上都冇咩嘢做，算係好輕鬆，夠鐘就放飯，然後繼續做嘢，3點就走人等收工，要去接仲仲，再買埋餸先返去，子元收到部新電話啦，但過資料又喺到發顛囉，等仲爺踢完波返嚟食飯，食埋下午買啲餐， 一餐分兩餐食，抵！

25/1/24

 25/1/24     THU     COLD

今日好似都係同平時差不多，冇咩特別！朝早照常返學，見到二姐馬上叫佢簽咗假紙先，放飯可以去交埋！自修堂有時間就整埋揮春，放break時喺圖書館見到阿pho同佢吹咗陣水，最好笑係佢另一個同學竟然以為我係sixform學生，但我話我個仔同你地咁大，佢難以置信！放飯見冇人嚟梗係自己去問，冇理由蝕！準時放學接仲，返嚟煎咗蘿蔔糕做tea，然後又要摺衫又要準備見家長，我好認真寫定問題抄埋notes架！跟住又要煮飯啦，煎雞扒又要起骨又要慢慢煎，企到腳軟！

24/1/24

 24/1/24     WED     COLD

今日都係如常咁過，返工返學，冇咩特別咁開工，今日淨係想整揮春，偷到時間就整咗先，反正用毛筆寫都唔靚！上堂到咁上吓又係時候放飯，有時間就打吓機，放學就快手仆去接仲，返屋企要夾手夾腳整後花園，因為個fence又跌咗，隔離屋明天有人嚟servia，要起番佢就算！整完要醫肚，子元冇震撼消息，佢個電話跌爛咗，真係聽到都頭痛！

23/1/24

 23/1/24     TUE     RAIN

今日都係如常咁過啦，冇咩特別，子元冇返學校打波可以返學前見到佢！今日都仲係好大風，揸車返去好攰！然後每堂都好專心上，其實我勤力過啲學生囉！準時收工返去，星期二好忙又要倒垃圾又要整定晚餐，今晚各冇各節目，佢地踢波我要去教會，簡單雞湯麵咋，但都好好味！上完教會返嚟仲要洗碗先有得沖涼！

22/1/24

 22/1/24     MON     WIND

今日真係好大風，英式打風係咁囉，好在揸車時還好冇太大影響！返去睇咗更表今個星期都算優差，不過今日啲堂都有啲悶，最慘係放飯GP先打嚟講驗血結果，都係壞膽固純高，真係要減肥啦！另外話我啲紅血球smaller than normal，要再驗血同驗埋popo，又要再請假！因為聽電話食唔切飯，好在個學生都就放飯，咁我可以跟住再食埋佢，再順手book埋驗血！最尾嗰堂PE吹咗一堂風真係攞命！放學接完仲仲返嚟都係照食嘢，然後要煮飯摺衫等，咪睇住電視做，最enjoy!

21/1/24

 21/1/24     SUN     WIND

今日我又冇出過門口啦，兩個都有比賽，咁都冇咩地方需要去，子元自己去補習，咁我食完早餐hea到咁上吓，先開始郁，計劃咗今日蒸蘿蔔糕，都拖到食完午餐先開始，一整又一個下午，整過一次就記清楚點做，嚟緊差不多過年先再整！老公接埋子元踢波返嚟買咗炸魚，所以晚飯煮唔洗太多，齊齊明天帶蘿蔔糕就可以！

20/1/24

 20/1/24      SAT     COLD

又話今日暖啲，完全唔覺囉，瞓醒執咗陣嘢，都係出去超市買，老公又要去銀行active番張AE卡，又中超又西超，買埋飯團先返得去已經好餓，食完嘢睇吓電視做緊功夫，睇埋先做清潔，再要幫仲仲溫吓書跟吓功課，再預備晚飯，又肚餓啦！今晚有鴨腿湯飯，正！然後又一路睇劇睇到10點多先肯去沖涼！

19/1/24

 19/1/24     FRI     COLD +

今日返到去話我要跟Amira，其實都冇咩所謂，反正我唔會理佢，反正佢都唔會理我，總之唔好搞著我就得，我重點係扮工，所以全日都係有嘢就做，冇得做自己嘢就發吓夢，放工冇得早走，不過星期五就算，同埋都要幫阿周簽嘢，佢又講吓屋啲嘢，我仲要買埋餸先返去，仲仲竟然whatsapps問我點解未返，真係估佢唔到！返到去食吓嘢先，然後就休息時間，打吓機咁，仲仲去踢波，差不多時間先預備煮飯，近來忙於追模範的士，好忙！

18/1/24

 18/1/24     THU     VERY COLD

今日又係凍到雪條咁，著兩條褲先夠暖！返到去個更表又冇我名，咁啱Noor冇人接，咁就叫我做，梗係好啦都係易搞！輕鬆開工收工，上堂悶到就嚟生菇！終於放得學，接咗仲仲返去又係食嘢打機，仲要遇番時間煮飯，子元踢波就我地食先啦！

17/1/24

 17/1/24     WED     VERY COLD

今日返到學校先知原來學生返10 點，咁就幫手做吓嘢先啦，本來要跟year 7條煩友，但最終佢冇返，而另外有個同事都冇返我就頂佢更，嗰件都唔係輕鬆，但重點係我唔想上兩堂飯筒堂，真係會死人，避得就避！上堂時都有麻煩嘢架啦，但都管唔到咁多，不如早啲放學走人啦！照用toilet pass嗰招早走， 咁就唔洗咁遲接仲仲，回家後都係如常咁食嘢同休息，差不多時間就煮飯！

16/1/24

 16/1/24     TUE     VERY COLD

今日都係好凍，好在唔洗忙，都算輕鬆過咗，非常準時放學接仲爺，返屋企倒完垃圾就食嘢啦，等老公返嚟再整埋牛腩，佢哋就去跟波，我食埋晚餐就要去慕道班，又唔係咁宗教，睇吓片discussion 吓，差不多9點就完，返嚟沖好涼仲要摺衫！

15/1/24

 15/1/24     MON     VERY COLD

今日又要返工返學啦，天氣都係好凍，要著夠衫！返去知道要跟year7條麻煩友，本身都算，重點係要上飯筒堂先最辛苦！基本上我有好大程度放棄理佢架啦，見其他有需要學生幫吓佢哋仲好！最尾一堂學生唔合作老師唔放人，我就唔理啦，同老師講聲我要走就算，我仲要揍仲仲，快手沖去都已經遲啦！返屋企又開始食嘢，睇電視咁，老公回來就準備煮飯，食飯睇電視沖涼休息！

14/1/24

 14/1/24     SUN     COLD

今朝瞓到9點幾10點先起身，子元要補習，老公落去開定車先，等佢兩個梳洗完先落樓，點知老公上嚟話街上冇大狗咬死細狗，佢想幫手都幫唔切，佢聽聲走到去隻細狗都流哂血，最終有警察嚟捉大狗，但我地都出咗去啦，揍子元去補習後就去茶餐廳食早餐，然後去埋教堂先回家，要開始清潔，老公接子元再去買飯團做午餐！4點幾子元突然話原來今日有比賽，好在唔太遠趕得切，咁我繼續喺屋企hea，7點佢哋返到嚟先開始煮飯，食得嚟洗埋碗沖涼再摺衫都11點幾！

13/1/24

 13/1/24     SAT     COLD

今朝自然醒，不過瞓到條腰好痛，起身食完早餐就出去買餸，仲去咗買Broadway 好好味嗰間咖啡先，買齊餸返屋企，摺埋衫食啲嘢係咁煲劇，早幾日開咗套贅婿之後老公都一齊追，今日睇咗10 集睇到10點多先沖涼，晚飯齊齊食粥咋，子元又話有啲肚痛，咁一齊清腸胃！

12/1/24

 12/1/24     FRI     COLD

今日仲仲唔返學啦， 又肚痛又疴，休息吓算！但大家都唔方便請假，唯有由得佢自己喺屋企休息，好在佢而家有電話，可以聯絡到，都安心放佢喺屋企！我就照返工，老公返半日啫，中午就可以返嚟照顧佢！今日都係輕鬆工作，跟Noor冇咩難度，非常自由，準時放飯，唔錯！放學就返去食嘢，然後同仲仲一齊攤喺梳化睇波子直播，都睇到唔想郁，反正大家都飽就唔住晚餐，大家各自煮個麵就算！之後睇贅婿睇到十點幾先沖涼！

11/1/24

 11/1/24     THU    COLD

今朝要去GP抽血驗心跳等等，所以請咗上午假，但我hea到12點前都返咗去，有啲蝕，不過咖啡都嘆埋，冇咩可以做！驗心跳又要貼到一身電線咁要除哂衫，凍死！抽血佢都算好手勢，唔太痛！完成都未夠11點，去咗nature nature買納豆，再去Starbuck飲埋咖啡，返去照開工，都係遊吓雲抄吓嘢咁，仲有放飯時間打去子元學校問埋點請假去考試！放學接完仲爺回家佢話喺學校想嘔，返嚟又肚痛，比咗喇叭牌佢食，又煲粥佢食，要好似餵BB咁，明天都返唔到學架啦，好在老公返半日，佢自己喺屋劘休息吓應該ok！

10/1/24

 10/1/24     WED     COLD

今日都係輕鬆咁過，真係好悶，不過我絕對唔介意悶，舒舒服服又一日！放學準時返去揍仲仲，返屋企都叫得郁仲仲跟時間表做嘢，我就要倒埋垃圾等等，然後休息吓，到咁上吓就煮飯，睇吓電視咁，差不多就沖涼休息！

9/1/24

 9/1/24     TUE     COLD

今日學生正式返學啦，好好彩跟個好易搞，可以好好聽吓書抄，只係抄吓嘢就得！小息見到Holly佢地就即刻比番啲物資佢地，然後繼續開工，夠鐘準時放飯非常好！基本上今日樣樣都算順利，放工接仲仲返去只係hea同食，好廢的生活！等佢地去踢波，到咁上吓就煮飯，始終開始返工，好快眼瞓！

8/1/24

 8/1/24     MON     SNOW

今日終於要開工，但因為仲仲未返學，老公今日請假揍佢，順手車埋我返工，因為今日好凍！返瓊去都係寒暄一番，比埋啲糖佢地做手信，聽大姐講吓廢話，所謂training都係播片，基本上全日都係吹水，食吓嘢咁，扮吓工，最特別係今日keep住落雪雨，夠鐘就閃，老公嚟接我，去咗broadway買cheese cake佢哋未食嘢喎！返屋企收捨埋廁所個清潔，仲仲去踢波，我咪做埋家務煮飯！

7/1/24

 7/1/24     SUN     COLD

今日我冇出過街，瞓醒超身煮早餐，仲仲要去比賽，咁我就做清潔，佢哋返到嚟都差不多2點，叫外賣食，老公就要開始整廁所，真係好濕一定要整，咁我就打吓機先，玩到6點幾要煮飯了，好在明天學校有飯餐，咁又唔洗帶！食完等沖涼，老公繼續整埋個廁所！明天要返工啦，今個假都放咗好耐！

6/1/24

 6/1/24     SAT     COOL

今日又出咗去shopping，又B&M又B&Q，仲去埋IKEA，因為要油過廁所牆，又要補給吓家品，買完食埋嘢返嚟都4點多，我就開始執嘢，都真係好多嘢要執，休息吓7點幾要煮晚飯，咁又一日啦！

5/1/24

 5/1/24     FRI     COOL

今朝又7點未夠就醒咗，都係拖到8 點幾先起身，食完早餐hea咗陣，諗起都要處理車牌個問題，再試多次網上申請，最後國藉填番china就過到，係張相要影多次，咁就成功咗，兩星期內會收到！老公返咗嚟就先去藥房交嘢再攞藥，然後去榮業食午餐買丁麵，再去超市入貨，買埋米買咗百幾鎊，應該夠食啦！返嚟放好貨hea吓煮晚飯，食完睇電視沖涼瞓覺！

4/1/24

 4/1/24     THU     RAIN

今日冇出過街，又係一早醒咗，8點幾梳洗完煮早餐，食完先換床單，跟住同細佬打咗陣機，然後簡單焗咗pizza食，又繼續打，攰了就唔打摺埋啲衫，老公返嚟整咗個雞，我就煎豬夾生菜，好韓式！食完睇電視沖涼休息！

3/1/24

 3/1/24     WED     RAIN

今日都做咗好多事，8點打咗GP book覆診，子元都係今日覆嘛，咁就一次過，食完早餐就出發，過到去就有得睇，但之後都係要book抽血等，即係都要請假！攞完藥等子元到就去等，子元係見護士，都好詳細，非常好！睇完返嚟差不多12點，又要煮午餐，煲粥炒麵咋！食完又去郵局寄嘢，仲撞到個同事添！回家後hea吓，老公返嚟煮咗麵，咁7 點多先煮飯啦，老公都整好個豬扒，好好味！

2/1/24

 2/1/24     TUE     WIND

今日落足一日雨又大風，等到機會唔落就即刻出去買餸！朝早又係好早就醒咗，聽吓電台打吓機咁，到咁上吓起身煮早餐，一齊打moving out個個都發脾氣，終於等到冇雨就去買餸，返嚟煮嘢食，然後都係hea吓，到老公返嚟，開始話好大風，不過室內始終feel唔到！7點多煮飯食睇電視沖涼休息！

1/1/24

 1/1/24     MON     RAIN

今朝5點多就醒咗瞓唔番，睇咗好耐機，9點幾起身就煮早餐，食完打機等到夠鐘，就睇一年一度節目叱吒！年年都係咁正，睇足4個鐘，然後開始無所事事，上房攤吓，夠鐘就煮飯，因為又冇食午餐，早啲食完，沖涼瞓覺！