7/8/24

 7/8/24     WED     VERY HOT

今日又瞓到12點幾先起身，叫仲仲起身出去啦，佢話要唱K，咁就坐言起行，好在出門口前search吓，原來宇宙嗰間執咗，唯有出去旺角，原來早一日預約有半價，不過都冇辦法啦，照唱！兩個鐘唱咗300幾蚊，差不多4點先走，仲仲話唱到好攰！因為我好想食油渣麵，所以要行去太子，路過朗豪坊要過吓冷河，食咗個麥當勞行咗朗豪坊又再出去行，終於行到去太子，其實都幾熱，但又好好食！撘巴士返去要買埋餸，都買咗啲熟食就算，食完食埋雪條要沖涼，今日要早啲瞓啦，日日都咁夜！