31/8/23

 31/8/23     THU     COOL

今日凍咗好多啦, 知道我喺最後一日暑假啦, 不過都係冇咩特別咁喺企hea過咋! 瞓到9點幾10點先起身, 照樣整早餐食, 然後開電腦做吓嘢, 睇吓電視咁囉! 子元踢完波返嚟, 我都未諗到煮咩好, 佢就自己煮麵食先, 咁我就整炒麵同仲爺食, 繼續百無了賴咁過埋個暑假佢, 明天又要準備開工啦! 4點幾去超市買埋餸就返嚟, hea到6點幾煮飯食, 都要早番啲食飯早番啲瞓覺架啦!

30/8/23

 30/8/23     WED     WARM

今日都係冇出過街的一日，假期尾聲都唯有係咁hea過就算！瞓到10點先起身整早餐，子元已經去咗練波，我同仲爺食完早餐就開咗套戲睇，點幾要煮午餐啦，冇咩嘢可以煮就食烏冬算！食完繼續hea到老公返嚟，期間都有同仲仲溫習，羊差不多時間準備好材料等老公煮飯，然後追埋套viu新劇，10點幾沖涼休息！

29/8/23

 29/8/23     TUE     COOL

今日都係出去買餸先出過門口，星期二係清潔日，子元朝早要練波，佢自己食完早餐就出去，我地就10點幾先食，然後的起心肝開始清潔，唔覺唔覺都做咗個幾鐘，仲要清埋垃圾先，跟住出去買埋午餐晚餐材料，返嚟整埋漢堡包佢地食就可以hea吓，到4點幾5點先醒起仲爺今日未溫習，快啲溫啦今晚要練波，預住時間煮飯，開始要習慣番早啲瞓！

28/8/23

 28/8/23     MON     WARM

今日係bank holiday，大家都冇出過門口，瞓都瞓到11點幾，起身整嘢食，又一餐當兩餐，食完老公就開始整上層廁所條渠，估唔到都整咗成日，期間子元就坐鎮喺上面幫手攞吓工具，我咪摺埋啲衫，間中幫吓手咁，預番時間煮飯，8點多咪食飯睇電視沖涼休息！

27/8/23

 27/8/23     SUN     WARM

今日8點幾就起身啦，因為約咗givens落去佢嗰到，食埋早餐買埋咖啡都10點多，又塞吓車咁，都比約定時間遲咗大半個鐘先到酒樓，呢間真係最好味喺英國食到嘅酒樓！食到兩點幾，分兩路行事，子元跟兩個媽媽去買料今晚韓燒，兩個爸爸帶啲細去公園玩！返到佢地屋企都係參觀吓先，玩吓貓吹吓水，6點左右開爐玩韓燒，邊食邊傾！玩到9點幾先開車走，返到嚟11點左右，咁又完成了一次活動！

26/8/23

 26/8/23     SAT     COOL RAIN

今朝瞓到自然醒啦, 起得身嚟又諗吓去邊到行吓, 都已經12點, 又諗唔到去邊, 不如就去吓Wembley個outlet行吓, 先去茶餐廳食個早午餐, 然後就過去行, 先泊車喺costco然後再行過去, 泊車仲可以叉電嘛! 其實都係搵地方行吓架咋, 最終買咗唇膏, 老公佢地就去咗買朱古力, 本來諗住走, 但突然落大雨就要等到停雨先走得, 然後就去買嘢囉, 又要買餸等等嘛!

25/8/23

 25/8/23     FRI     HOT

琴晚點幾比個風吹開咗個窗簾整醒咗就瞓唔番, 最終差不多3點幾先瞓到, 唔知係咪因為太緊張, 好在今朝都9點多先醒, 應該都瞓夠, 因為今日有重有任務, 就係要去考UK life test, 所以食完早餐我就再做多次嗰16個Exam先, 老公早放咗一個鐘返嚟車我過去, 去到試場泊好車, 本來老公話去飲杯咖啡, 但我真係冇咩心情, 所以最終早啲去試場門口等, 順手再溫多陣書, 等到有人叫入去就入去排隊, 跟住指令關電話同放嘢落locker, 然後去waiting room等, 再驗證身份就可以入房做卷! 嗰時都仲係好緊張, 做咗十幾題都100%肯定啱, 真係輕鬆咗好多, 起碼個心冇跳得咁快! 頭尾用咗10分鐘就完成哂走得, 睇apps搵老公喺邊, 然後去食嘢, 因為10分鐘就有消息, 知道合唔合格, 去咗食雞等, 果然好快收到email, 睇埋個結果都安心哂, 去咗shopping, 老公去B&Q, 我去B&M, 返屋企之後快手準備晚餐先, 老公車佢地去踢波, 但之後佢同子元約咗班香港人踢波, 結果我要去接仲仲, 好在都好近! 返嚟食埋晚餐沖好涼休息休息!

24/8/23

 24/8/23     THU     RAIN

已經幾日冇出門口啦, 日子都好充實, 因為明天就要考uk life test, 今個星期超努力溫書, 我咁努力希望成功啦! 今日食完早餐又開始溫, 到點幾先落嚟煮個飯, 簡單食鳥冬pizza就算, 跟住又返上去再溫過, 但都要同細佬做練習架嘛, 於是簡單地同佢講一次, 交帶佢自己做, 我再繼續努力! 其實今日冇餸架啦, 但又唔想出去買, 老公於工返嚟就話不如佢揍子元踢完波去買外賣, 咁都好唔洗煮同洗慳好多時間, 所以食完再溫到差不多10點, 我連40個test都做哂啦, 明天再溫多次16個exam應該冇問題! 沖完涼摺埋衫終於可以休息啦!

23/8/23

 23/8/23     WED     WARM

今日又係冇出過街, 好努力溫書, 8點幾就已經起咗身, 醒咗就早啲起身整早餐食咗就溫習, 做吓又去預備吓午餐, 點幾鐘食完午餐就同仲爺溫習, 然後到我啦, 16個Exam已經做過好多次, 見啲人話做埋40個test會更好, 咪又繼續囉, 到老公返嚟都係如常咁食啲嘢先到7點幾先煮飯, 食完沖涼休息!

22/8/23

 22/8/23     TUE     WARM+

今日又係冇出過街, 但都唔係溫咗好耐書, 因為星期二係清潔日嘛, 所以食完早餐就開始做清潔, 做好哂都已經12點幾, 咁就不如煮埋午餐先啦, 都係整漢堡包咋, 食完同仲仲溫習埋就到我自己啦, 今日進度都唔太差, 叫做溫哂16個exam, 不過溫到5點幾都唔想溫, 休息睇電視! 老公帶仲仲去練波, 所以今晚煮意粉!

21/8/23

 21/8/23     MON     WARM

今日又係出去買餸先出咗街, 全日都好乖好充實, 朝早食完早餐又溫咗兩個鐘書, 然後就整午餐, 仲爺話食烏冬咁就整囉, 簡簡單單的幾好, 食完就出去買餸, 買哂兩日兩餐都算係咁, 明天唔想再出去! 然後就同仲爺溫埋書就可以到我自己再溫啦, 今日好勤力, 溫到老公返嚟都未溫完, 不過都要準備煮飯等等, 食飯時睇波囉, 之後就排隊沖涼瞓覺啦!

20/8/23

 20/8/23     SUN     WARM

今日又係冇出過街, 悶到都唔知做咩, 其實又想出去但都諗唔到去邊, 電視又睇到悶, 機都打到悶咗, 所以頭都痛! 叫做中午有波睇, 女子世界盃, 不過英格蘭輸咗, 可惜! 老公之後就帶咗子元去做gym, 我地繼續就睇住電視打機打到呆哂! 午餐都冇食, 老公返咗嚟整咗碗仔翅, 超好食勁似樣囉! 8點幾先食晚飯, 睇吓電視又一日! 今日冇溫書, 明天再努力!

19/8/23

 19/8/23     SAT     WARM

今日都係瞓到自然醒, 老公整咗部隊窩呢, 好味! 然後就出去costco買嘢啦, 順手食埋午餐, 去到一入去不久就見到事頭, 知道佢今朝落機, 估唔到咁快就見到! 吹咗陣水就散, 我地繼續買嘢, 然後就食埋午餐, 不過嗰時我未肚餓, 所以都係食咗佢地少少咋, 返咗屋企老公就同子元去做gym, 我收拾完買返嚟的就開始溫書, 勤勤力力搞掂埋佢又開新嘢學! 晚上食牛扒意粉同龍蝦湯, 好好味呀! 

18/8/23

 18/8/23     FRI     WARM

今朝9點幾先起身, 煮埋個早餐食就開始溫書, 我今個星期要好努力, 一take pass! 溫到12點幾先醒起未煮午餐, 快手煮粥先, 老公返到嚟我都未開始煮麵, 咁就叫佢炒麵, 好味! 差不多3點先出門口, 去超市買嘢, 先去中超入吓貨, 然後去埋隔離買吓嘢, 完全冇買肉嗰啲, 因為諗住聽日去costco再買! 再後去埋natural natural同starbucks就返屋企, 唔覺唔覺已經6點! 老公煮晚餐我就繼續溫書, 即刻覺得充實咗好多, 晚餐食喇沙, 正! 

17/8/23

 17/8/23     THU     WARM

今日突然間的起心肝, 報咗下星期五考埋個UK Life Test, 都讀咗咁耐, 不如快啲考咗佢算, 一個星期應該夠溫到熟! 所以食完早餐就開始溫書, 都溫咗差不多兩個鐘, 好勤力架! 本來諗住12點幾出去買埋餸先煮飯, 點知舅母仔打嚟又講咗一輪, 跟住老公又叫我打電話去同子元仲爺問免費有波踢, 終於點幾鐘落到樓, 先整咗嘢食先, 然後休息吓同仲爺溫書, 點知條友又激到我, 佢啲態度真係好乞人僧, 我又發哂火, 激死! 出去買餸冷靜吓, 返嚟要仲爺背番個乘數表比我! 之後老公帶子元去踢波, 我同仲爺喺屋企, 同佢玩吓機, 然後就煮晚餐, 簡單食意粉咋! 

16/8/23

 16/8/23     WED     WARM

今日唔係要出去買餸都唔會出去，瞓到9點幾先醒，hea到10點幾先起身煮早餐，然後就出去買餸，因為想食雞中翼就要過番Ealing買，再去吓超市先返呢，返嚟hea到咁上吓跟住就要煮午餐，今日食漢堡，真係整得唔錯！之後繼續hea，仲冇同仲爺溫書，之後都係如常煮飯的晚上！

15/8/23

 15/8/23     TUE     WARM

今日又係冇出過街, 不過都有做嘢, 星期二要做清潔嘛, 朝早10點多先起身, 煮完早餐食埋都11點幾, 不冋就做咗清潔先啦, 都有排做, 期間預備埋煮粥, 加埋炒麵好好味! 然後就同仲爺溫習, 同佢溫唔係好多嘢啫但都要好耐囉! 跟住就到我開電腦search 吓嘢啦! 老公返嚟同佢地去踢波, 我就買餸煮飯, 食完都九點幾十點!

14/8/23

 14/8/23     MON      WARM

今日中午book咗驗眼，食完早餐抖陣就出門口，子元自己撘巴士，我就車埋仲爺過去，點知去到話原來未夠期驗要收錢，咁就等到10月先再驗，然後咪各自回家，子元自己撘巴士，仲買咗珍珠奶茶，我就同仲爺買埋餸先，返去煮午餐，蒸雞腿煮麵咋，然後又開始hea，不過都同仲爺溫咗書先。老公回來後準備吓晚餐，今間晚簡單又平咁蒸肉餅咋，食飯時剛好開波月！

13/8/23

 13/8/23     SUN     WARM

今日冇出過街呢，過得好hea，瞓到9點幾10點先起身，老公煮咗部隊鍋，好味！跟住就開始hea，睇youtube，波子開live打機就一齊睇，期間繼續打住機，整吓嘢食，食番廚餘就算，老公就帶咗子元去做gym，5點幾返到嚟準備晚餐，今晚食鴨腿湯飯！之後睇咗場戲，有掃毒3睇，橋段一般係class大，睇完先沖涼休息！

12/8/23

 12/8/23    SAT     WARM

今日瞓到9點幾10點先起身，食埋早餐本身諗住出去打籃球，但佢地開咗場波睇，係曼聯U16對香港聯賽隊U16，有幾個konter的隊友有份，所以睇哂先出去，玩咗大半個鐘都攰，買埋餸返去，老公同子元就去做gym，我就喺屋企休息吓，老公回來就準備煮飯，炮哥今日過嚟食晚飯，佢話悶又冇啖好食嘛，食完飯睇埋波10點幾先走！

11/8/23

 11/8/23     FRI     WARM

今日老公返半日，我地起身食得早餐都10點斷幾，跟手溫埋習，老公返嚟整咗餃子同麵食就出去行吓，諗唔到去邊，就不如去車仔主場八吓，都係渣大半個鐘，仲爺睇得最開心，係咁影相，tour我地梗係唔join，行吓外圍去埋紀念品店就算，返去佢地話想玩大富翁就玩啦，但真係好悶，完全唔想玩，被迫咁款！到7點左右頂唔順要停，煮飯食算啦！

10/8/23

 10/8/23     THU     HOT

生日正日又老一歲啦！老公今日請咗假，我話想去食自助餐，所以就決定去電雷丁嗰間食，有生日優惠嘛，咁瞓醒食埋早餐己已經11點幾，出發過到雷丁已經12點幾，先行吓雷丁主場個足球場，然後去costco行一轉，因為泊咗車喺到嘛，跟住就去咗個博物館，係介紹農村生活，都幾好睇又免費仲冇得泊車。然後就泊去食自助餐嗰頭，再行吓附近商場，都冇咩好行只係飲咗珍珠奶茶，仲有食咗炸雞，但都唔食太飽要留肚食自助餐！都係一般好食啦，已經算係呢到嚟講唔錯架啦，食到7點幾走人啦，返到去都係8 點幾，睇吓電視等沖涼休息！

9/8/23

 9/8/23     WED     SUNNY

難得天晴啦但今日都係冇出街, 都冇咩地方要去, 仲要做清潔, 好攰呢! 朝早瞓醒食完早餐都10點幾, 又要準備定午餐, 簡單煲個粥就算, 子元12點幾又要出門口去試腳, 我清潔到一半又要攞嘢比佢食咗先, 自己出門口, 然後我繼續做埋另一半先食嘢, 不過今日個粥煲得麻麻地, 是但啦, 好唔好都一餐, hea到咁上吓同仲爺溫習, 4點幾5點去買埋餸就返嚟, 老公都接咗子元返嚟啦, 繼續搵吓明天有咩地方唔洗錢又好去, 因為錢已經用咗嚟食自助餐, 用埋生日優惠都仲要比架, 所以都唔去啲再要用錢的地方! 晚飯食完睇埋電視就沖涼休息啦! 

8/8/23

 8/8/23     TUE     RAIN

今日阿媽返香港啦，朝早同平時一樣，瞓醒就食早餐，繼續睇吓電視，再幫阿媽執吓嘢，等老公放工返嚟，收拾好就去食個午餐，然後就出發去機場，泊得車嚟都差不多4點，搵到自助登機的電腦但又整唔到，好在原來有櫃位可以做，咪去排隊有職員搞，順利攞到位就去埋個廁所，然後阿媽就要入閘，靠佢自己上機啦，我地就回程返去收拾同煮飯食，最後睇哂慶餘年先沖涼休息！

7/8/23

 7/8/23     MON     WARM

今日都係冇出街啦, 瞓醒先致起身食早餐, 然後都冇咩架啦, 11點幾出去買餸, 買完返嚟咪煮埋午餐, 食完抖多陣就同仲仲溫書, 已經係溫得有啲求奇, 之後都係睇吓電視hea吓, 阿媽明天就要返香港, 所以今晚都整好啲食, 老公話要同子元去試腳, 我要煮飯, 都冇咩所謂咁就照煮, 開apps見佢地去到但又唔似球場, 佢地就話泊唔到車又遲咗冇踢就返, 咁就快手煮飯, 佢地返到嚟無端端細佬話有新歌彈, 阿哥又影相片咁, 原來老公唔係帶子元去試腳, 而係去咗攞蛋糕, 好大個tiramisu, 真係比到驚喜我呀! 好開心真係有蛋糕, 雖然過幾日先係我生日, 但喺阿媽返香港之前一齊切咗蛋糕先! 好好味呀! 

6/8/23

 6/8/23     SUN     WARM

今日預備咗同阿媽出central London，所以較咗鬧起身，食埋早餐就出發，緊緊張張終於泊好車，行一陣就到塔橋，今日啲路封哂又幾好行，可以近影塔橋唔錯！跟住就去菠蘿市場行吓食埋午餐，食咗生蠔，好好味呀！仲有排長龍食埋西班牙炒飯，然後就去攞車過格林威治，又睇埋Queens house，玩到差不多5點就走，返去仲要煮飯食呢！

5/8/23

 5/8/23    SAT     RAIN

今日又落咗成日雨, 不過本身都冇諗住出街架啦, 所以都冇咩所謂! 瞓到自然醒, 然後就起身煮早餐, 食完老公就帶子元去健身室上半個鐘堂, 咁之後子元就可以自己去做gym, 返嚟之後去咗轉超市買呢兩日餸, 買埋午餐嚟就返去食, 之後老公再帶子元正式去做gym, 我繼續喺屋企hea! 老公回來就整晚餐, 今晚食米線, 簡單但又唔易整, 我又包咗雲吞呢, 食完繼續齊齊翻睇慶餘年, 睇到10點幾先捨得沖涼瞓覺!

4/8/23

 4/8/23     FRI     WARM

今日都冇咩地方去，瞓醒起身食早餐，然後就開始hea，打機打到老公放工返嚟，齊齊煮啲嘢食就同阿媽出broadway換番張羽絨被，去超市入埋貨又返屋企！老公同佢地出踢波，我就煮飯摺衫，食完飯齊齊睇慶餘年，唔捨得沖涼！

3/8/23

 3/8/23     THU     HOT

今朝瞓到9點先至醒，hea到10點先起身，食埋早餐阿媽話要去M&S買羽絨被，本身我都諗出銀行，但自己去就踩車算，帶埋阿媽去坐巴士又唔抵，最終我自己踩車佢地撘巴士，我去埋銀行入埋錢佢地都差不多到，陪阿媽買嘢真係好攰，佢又唔肯定自己想要咩又心大心細咁！最終買完哂又照樣各自返去，我因為冇叉電，架車返到嚟已經閃哂，幾驚要推車！返嚟整午餐食，同仲爺溫習吓，佢哋去練波我就去多轉超市買埋材料煮晚餐，簡單地食意粉就算！

2/8/23

 2/8/23     WED     RAIN

今日冇咩特別，起身整早餐食，同仲爺溫習，hea吓又再到午餐，食完諗住出去買餸又落雨，諗住唔太大照去買，回程時突然好大，諗住喺超市避吓先，仲爺又話想快啲返去，結果勁衫，我唔怕個人濕係怕我架車咋，不過再大雨都試過應該冇問題嘅！返嚟之後都係hea，點解今個暑假我咁廢過！晚飯準備好老公煮，食完咪沖涼休息。

1/8/23

 1/8/23     TUE      HOT

今朝一路都係Hea緊，應該要做清潔，的唔起心肝，但阿媽突然話去central london，咁唯有快手叫佢兩個幫手打掃埋就出去，又巴士又tube咁都算快，唔多要等車，去到先行海德公園同肯辛頓宮，本來諗住行埋去皇宮，但大家都攰，唯有撘車去大笨鐘，再慢慢行上唐人街，終於完成旅程撘車返去，仲飲咗焙茶letta，正！