9/8/23

 9/8/23     WED     SUNNY

難得天晴啦但今日都係冇出街, 都冇咩地方要去, 仲要做清潔, 好攰呢! 朝早瞓醒食完早餐都10點幾, 又要準備定午餐, 簡單煲個粥就算, 子元12點幾又要出門口去試腳, 我清潔到一半又要攞嘢比佢食咗先, 自己出門口, 然後我繼續做埋另一半先食嘢, 不過今日個粥煲得麻麻地, 是但啦, 好唔好都一餐, hea到咁上吓同仲爺溫習, 4點幾5點去買埋餸就返嚟, 老公都接咗子元返嚟啦, 繼續搵吓明天有咩地方唔洗錢又好去, 因為錢已經用咗嚟食自助餐, 用埋生日優惠都仲要比架, 所以都唔去啲再要用錢的地方! 晚飯食完睇埋電視就沖涼休息啦!