7/8/23

 7/8/23     MON     WARM

今日都係冇出街啦, 瞓醒先致起身食早餐, 然後都冇咩架啦, 11點幾出去買餸, 買完返嚟咪煮埋午餐, 食完抖多陣就同仲仲溫書, 已經係溫得有啲求奇, 之後都係睇吓電視hea吓, 阿媽明天就要返香港, 所以今晚都整好啲食, 老公話要同子元去試腳, 我要煮飯, 都冇咩所謂咁就照煮, 開apps見佢地去到但又唔似球場, 佢地就話泊唔到車又遲咗冇踢就返, 咁就快手煮飯, 佢地返到嚟無端端細佬話有新歌彈, 阿哥又影相片咁, 原來老公唔係帶子元去試腳, 而係去咗攞蛋糕, 好大個tiramisu, 真係比到驚喜我呀! 好開心真係有蛋糕, 雖然過幾日先係我生日, 但喺阿媽返香港之前一齊切咗蛋糕先! 好好味呀!