31/8/14

31/8/14   SUN   HOT

今朝老公又去踢波, 係踢波先識自己早起身, 得呢樣令佢有動力! 咁柏仲都醒咗, 同佢hea到7點幾就起身啦, 搞掂D嘢本來諗住煮早餐架, 但冇咩餸又冇唔辣丁麵, 咁就不如出去食麥記, 順手買埋今個星期餸! 但就要寫好張list, 先食麥記再去惠康買餸, 以後要預番一筆錢係晚飯, 都要諗諗點慳先得! 買埋行返屋企算啦, 一車仔都係嘢, 行行吓柏仲瞓咗喎, 好在返到去佢都可以繼續瞓, 咁我有少少時間整吓餸, 但柏仲11點幾醒咗老公又未返柏仲又唔肯自己玩, 於是唯有揹住佢嚟整餸囉, 真係變咗古時咁呀! 到12點多老公終於返, 我都差不多整起哂D嘢, 就餵柏仲食咗奶先, 再整熱D粥餵埋佢, 食飽就可以瞓啦, 我就落去買午餐, 返到嚟睇running man, 但笨元係咁問嘢係咁講嘢, 都仲未明大家一齊睇, 鬼知之後點咩! 4點多柏仲醒咗, 笨元入去抱咗佢出嚟, 真係比佢嚇親呢! 本來今日有得去敏瑩到游水, 但佢地原來早已買飛睇公主音樂劇, 咁我地又冇咩地方好去, 唯有喺屋企hea, 到5點多餵完柏仲我頂唔住入咗房瞓, 太攰了, 瞓到7點多起身有晚餐飯, 老公煮咗拉麵呢! 食完洗白白啦, 子元9點半要瞓, 柏仲都係咁上吓時間K.O.埋, 我地就睇吓港姐咁囉, 11點幾12點要瞓啦, 明天6點半要起身!

30/8/14

30/8/14   SAT   HOT

今日好忙碌, 好在今日唔洗學畫畫, 咁我可以自己返工先, 老公就揍住兩隻, 執齊嘢12點幾食埋奶就出嚟地鐵站會合入康傑, 過到去都係1點半啫, 將舊校服交比老師就入去等交表, 老公就揍住兩個去social, 柏仲本來瞓咗架, 比我地捉醒咗, 好在佢都好合作, 個個抱都肯又冇嘈, 真係好醒目呀! 子元比哂D相老師後, 柏仲都social完啦, 都係時候去食lunch, 柏仲都食咗我唔少河粉, 識食呀! 跟住撘巴士去沙田, 本來諗住買地墊等等, 但toyrus同IKEA都冇貨, 唯有算啦! 買埋壽司返去食, 因為老公晚上要踢波, 所以回家後等我地沖好涼食好嘢佢就出去啦, 同兩個囝玩到9點幾, 先K.O. 笨元再餵埋柏仲, 搞掂哂10點多我就free啦, 但就開始眼瞓, 不過都等到老公返嚟, 之後仲要肚餓又食咗個麵先瞓呢!

<柏仲D post原來都好chok!>

 <兩兄弟相親相愛!>

 <好可愛呀!>

 <食雪糕.....筒!>

 <真係有食架!>

 <子元好喜歡睇呢隻豬架!>

 <有埋火車更鍾意!>

 <好大個仔呀~>

29/8/14

29/8/14   FRI   HOT

今日都係小一適應日, 子元一早自己換好校服食咗早餐…但真係太早囉, 730已搞掂, 之後就無聊周屋走, 要係咁喝停佢呢! 嫲嫲早過嚟, 我地可以早出門口, 9點未夠就返到學校啦, 我仲可以慢慢買個早餐先返公司! 然後都係做吓自己嘢啦, 又上網吹吓水咁囉! 午飯後打機睇吓電視咁囉, 下午大老闆娘又返咗嚟一陣, 不過都不大影響, 我都係做吓自己嘢, prepare9月份餐單, 咁就做咗一個下午, 原來都唔易plan架! 做到放工又閃人, 先去買餸然後去小童群益會接番兩隻細路返屋企, 我返到去奶奶就走架啦, 咁我就睇住3個又要準備煮飯, 好在老公都好快返到, 咁我預備得咁上吓就沖埋涼先, 等程生程太嚟到都8點幾先開飯, 柏仲食咗少少就唔係好願食, 我地食完又吹吓水咁, 都9點幾先搞掂哂D嘢, 柏仲冇哂電啦, 我一抱佢就伏喺我肩膀, 於是開奶餵佢跟住即暈, 話知你地幾嘈照瞓, 佢真係有呢樣好! 玩到10點幾啦佢地真係要走, 仲要返去揍婷婷呢! 比笨元睇多陣電視瞓啦, 我12點都瞓啦, 老公仲係要睇埋嗰套隋唐!

<子元到要坐最後, 左上角嗰個就係佢!>

28/8/14

28/8/14   THU   HOT

今日笨元真係正式一條友踏入學校啦, 佢就一向頭也不回架啦, 係做阿媽GE有D唔捨啫, 不過我已經係做到好放手GE阿媽嚟架啦, 見佢安全入咗學校就OK架啦! 朝早發生咗D小插曲, 嫲嫲唔記得笨元今朝要返學, 仲走去買早餐比佢, 撘遲咗班車, 搞到8:40先過到嚟, 好在我都趕得切揍笨元返學, 仲喺小巴撞到之前喺麥記識的媽媽, 大家齊齊返學! 今日起只可送到學校門口, 見佢地入咗操場就要讓開比佢他人入啦, 同monita吹陣水又見到程太啦, 咪齊齊吹陣囉, 不過時間關係真係要返工啦, 買埋早餐返到去都9點半, 不過今日都係冇咩忙, 咪做吓自己嘢又做吓公事咁囉! 午飯後落咗去睇手袋, 都係陪佢地睇啫, 開倉又唔係特別平, 我又唔需要買袋! 下午大老闆娘返咗陣啦, 之後都係吹水時間, 放工快手返屋企, 因為嫲嫲突然有街去, 但佢都煮起咗飯同一個餸, 淨番菜同蒸蛋我要整啫! 先沖個涼再叫笨元去沖, 跟住prepare吓D餸啦, 同笨元玩幾吓, 老公都返啦, 咪開飯囉, 今日冇咩餸啱柏仲, 佢就食到衰衰咁啦, 兩個細路食到一地都係, 我咪順手抺埋地囉, 搞掂哂都係8點半啫, 算唔錯, 當係一個預演啦, 嚟緊又要揍仔又要煮飯洗碗, 不過到時就多樣睇功課, 希望大家都合作, 等我唔洗發顛! 比笨元玩到9點半就瞓啦, 兩隻都瞓哂就自由啦, 老公又係要睇電視, 我頂唔順11點半瞓先!

27/8/14

27/8/14   WED   HOT

今日都係如常比柏仲嘈醒後就梳洗餵奶返工啦, 買埋早餐返到去, 朝早都係做自己嘢啦, 午飯後都係睇電視同打吓機, 下午要prepare開會, 又好多人在, 都冇得咁方便做自己嘢, 三點幾四點sales開會, 其實係冇咩意程可言, 但都可以講咁耐! 之後繼續睇計劃煮飯的資料, 做好D餐單咁, 希望唔會白費自己心機吧! 放工專登撘巴士早少少返到去, 點知老公喺太興幫公司買嘢唔夠錢比, 結果又要攞錢出去比佢, 帶埋笨元出去放吓電, 又買埋冰皮月餅比佢, 返到去沖完涼等食飯啦, 飯後陪吓柏仲玩陣, 笨元就掛住幾時可以食月餅, 快D比佢食完就入房學執書包, 淨係教佢睇day幾嚟執原來都咁難, 教到我都火埋! 比佢抖吓9點幾瞓覺啦, 我就餵埋柏仲放佢入房瞓! 終於自由啦, 打吓機睇吓電視, 11點幾我都頂唔住要瞓啦, 老公話要睇埋隋唐我都冇陪佢!

26/8/14

26/8/14   TUE   HOT

今日都係如常咁返工啦, 起身搞掂柏仲嫲嫲嚟到就出門口啦, 買埋早餐返公司, 都係吹吓水又做吓自己嘢啦, 午飯前先去曬咗學生相, 先返上樓食LUNCH, 之後就梗係睇吓電視啦, 下午都係做吓自己嘢啦, 開學D嘢總係做唔完咁! 放工攞埋相回家啦, 沖完涼就同笨元做功課, 一做功課就多多事實, 柏仲醒咗都冇咩時間同佢玩, 老公回來後又食飯啦, 仲有收到書簿津貼回覆有半免, 不過又要覆返去等等啦, 又係一堆同開學有關做極都做唔完GE嘢, 仲有要prepare埋學生相D嘢, 其實D嘢又唔係咁急, 但我又唔想到deadline先嚟做! 食完飯比笨元抖抖先做埋英文練習, 跟住玩陣就到柏仲食奶, K.O.埋佢兩個終於可以抖抖, 話咁快就10點, 一路睇電視, 老公要睇埋隋唐演義先肯瞓呢, 柏仲就由床頭瞓到去咗床尾!