15/8/14

15/8/14   FRI   HOT**

今日柏仲6點就係到嘈, 攞咗幾次玩具比佢, 手指都比佢食埋, 都玩到差不多7點先噯得佢瞓番, 不過我之後就瞓得好差啦, 8點都要起身啦, 佢隻衰豬就瞓番, 到我差不多出門口先醒, 咪同佢換埋片先囉, 餵奶留番比嫲嫲囉! 返到公司都係hea吓做吓自己嘢, 午飯時打吓機, 因為主君已經睇咗, 又download咗隻新game嘛! 下午都係吹吓水做吓自己嘢啦! 放工馬上返去, 因為嫲嫲要去睇醫生, 我要早D返去接更, 柏仲剛飲完奶, 時間關係我同程太先會合咗先, 等老公放工過嚟可以食飯, 8點前就返番上小童群益會啦, 今日表演都幾好睇, 佢地都唱得OK, 不過笨元可能攰啦, 冇咩表情! 小朋友表演完仲有miss表演架, 但又係時間關係, 聽咗一首我地就走啦, 去麥記食D嘢先回家, 兩個小朋友快手沖涼後柏仲食奶, 笨元因為等我地, 喺梳化瞓咗, 老公K.O.完隻細就K.O.埋隻大, 我就收拾埋D殘局, 可以休息吓啦, 睇埋隋唐先瞓呢!

<佢就有得再瞓....>

 <瞓到幾冧!>

 <子元合唱團呆樣!>