31/7/14

31/7/14   THU   HOT

今日又是如常被嘈醒, 梳洗後餵埋奶, 我地就返工啦, 佢兩個就同嫲嫲喺屋企, 買埋早餐返公司食, 老公就自己去食早餐, 時間關係趕唔切一齊食! 返到公司都係做吓自己嘢吹吓水咁啦, 午飯後咪睇吓電視囉, 下午又係冇咩做, 上吓網繼續找新加坡D資料, 其實愈搵個人愈亂, 實在太多資訊! 放工返到去沖咗涼先, 再同柏仲玩一陣, 就要執嘢同笨元去游水啦, 我今日都好努力咁游, 不過真係好多人, 能見度又低, 真係好難游! 游完返去柏仲已瞓咗, 咁我地沖完涼食埋晚餐仲可以hea吓, 再search吓旅行D資料, 諗諗吓都唔一定紅日去, 紅日後去都得啫! 諗完之後輕鬆哂, 因為紅日而家唔book之後又貴, 又怕冇, 但紅日後始終好少少! K.O.咗笨元就等到10點多餵柏仲食奶啦, 未食佢就無端端嘔喎, 唉…又冇出過街又冇咩事呀, 做咩又作病, 真係好煩! 換番衫再餵過, 食完就要daddy噯佢瞓, 咁我地睇埋主君咪瞓囉!

30/7/14

30/7/14   WED   HOT

今朝柏仲5點幾發惡夢醒咗, 要噯番佢先肯瞓, 搞到我之後係咁發夢啦, 佢就一路瞓到八點幾呀, 我就冇覺好瞓! 點都同佢換埋片餵埋奶先出門口, 所以都遲咗, 買埋早餐返去食, 跟住係到搵吓新加坡D資料啦, 總結後都係唔買飛住, 一來手頭緊, 二來始於想出咗校曆表先算, 三來可能國泰會有平plan呢, 或者國泰點都唔及星航平, 但我地都係怕決定得太衝動! 午飯後都係睇吓電視咁啦, 下午一路做吓自己嘢同公事, 跟住咪要開會囉, 5點先嚟開會, 同埋廠入面請人的事, 其實係咪應該佢地自己跟番呢, 成日將D嘢斬件嚟做, 令人好唔明! 搞到5點9先走得, 行得返去都6點3, 沖好涼就同柏仲玩吓, 因為DADDY噯佢唔肯瞓, 瞓咗半個鐘都冇就醒咗! 咁見開飯啦, 咪比佢坐high chair食飯囉, 餵咗一匙比佢啦, 雖然好快已不耐煩, 但都要慢慢試吓一齊坐埋嚟食! 飯後休息完老公帶笨元去踢波, 我就同柏仲喺屋企hea, 同佢玩吓又比佢爬吓咁, hea到9點就食奶瞓覺, 不久佢兩父子就返, 沖好涼再比笨元玩到10點左右, 我地就研究吓新加坡D嘢囉, 睇埋主君就瞓啦!

29/7/14

29/7/14   TUE   HOT

今日要去開會, 朝早先執嘢都未遲, 而家又唔洗趕返學啦, 真係輕鬆好多, 嫲嫲嚟到我就換衫出門口啦, 點知轉個頭仔友仔就跌咗落地, 企喺梳化邊扶住, 以為自己真係識企, 咁咪打側跌囉, 喊咗一陣啦! 買埋早餐返工啦, 朝早仲有時間做吓自己嘢, 下午又要出去開會啦, 所以午飯後都要閃人啦, 過到去兩點多, 做住嘢等d人嚟開會, 真係快手開完呀, 都冇咩搞啦, 我地做好埋會計D嘢都係4點已走得, 平時趕去揍笨放學都冇得咁早呀, 返到屋企都唔洗5點, 未入屋已聽到柏仲喊, 原來同今朝一樣咁又跌一次, 可能仲要跌多次先揍夠數3次呀!! 過咗一陣老公都返埋嚟, 咁早返哂嚟嫲嫲就走先啦, 咁我地咪襯機再執吓笨元房D玩具囉, 叫做又清咗一堆! 6點幾就預備去游水啦, 今日我都好好咁游咗7個來回, 仲有冇再著住T-SHIRT游好似游得快D呢! 夠鐘就去揍番笨元啦, 阿sir都有話佢進步咗, 起碼肯放個頭落水囉! 返去馬上沖涼啦, 老公就煮晚飯, 食菜心, 牛仔骨同米粉啫! 食完抖一陣就要捉笨元瞓, 再餵柏仲食奶啦, 佢地瞓哂我就執埋笨元房嗰幾個膠箱啦, 收到通知新床下星期三到啦, 都要執掂佢架啦, 執完睇埋主君就瞓啦!

28/7/14

28/7/14   MON   HOT*

柏仲又係7點就嘈, 不過而家可以放佢企喺床到自娛, 過咗7點半我比佢上床玩陣我就去梳洗啦, 餵埋奶我就換衫返工啦, 朝早都好忙呀, 一來有好多相要執番, 二來有好多工作上ge嘢要做, 幸好中午前都算做哂, 午飯買咗醉雞米, 一般啦! 電視又冇咩好睇, 真係幾悶吓, 下午上BK游咗好耐, 轉眼已放工, 點知放工前老細先打嚟叫我幫佢找股票D文件, 又要豪比佢, 5:45先走得, 唔想太晏返到去, 所以都係撘巴士啦! 返到去不久柏仲醒咗, 噯番佢即刻同笨元沖好涼先, 跟住等食飯啦, 最終沖完涼出嚟柏仲都係醒咗, 成日要玩呀, 比飯佢食又食得嗰少少就要玩spoon唔食! 食完飯抖陣就開始執吓笨元個房, 首先係執咗佢D舊校服先, 邊D留番比柏仲都要執, 咁都執到9點半, 執極都仲有兩箱! 真係好懷疑到時個床下底放唔放得哂咁多嘢! 老公K.O.笨元瞓覺我就餵埋柏仲, 10點已自由啦, 睇埋主君就準備瞓覺啦!

27/7/14

27/7/14   SUN   HOT

今日又係節目豐富! 朝早柏仲7點幾又嘈啦, 反正都諗住早D出門口, 所以8點多餵咗佢就收拾吓九點幾出門口去食早餐, 因為落雨冇出去食早餐啦, 就咁喺樓下食咗早餐就撘巴士出去, 可能真係太早起身, 除咗子元全部都瞓哂, 出得去尖咀都11點, 去海港城梗係睇我D snoopy啦, 影咗好多相呀! 比笨元行咗反斗城, 又過埋港威睇另一批snoopy, 買就唔會買嘢架啦, 影相夠啦! 跟住柏仲又係時間食嘢, 於是又要過番海港城個BB房餵奶, 本來諗住喺嗰頭食嘢, 點知人多到根本冇位, 咁就想撘西鐵返美孚先食, 但老公就話不如去Elements, 於是咪行過去囉, 終於找到快餐店食, 仲撞到子元兩個同學仔添! 跟住就周圍行吓啦, 最後去埋Three Sixty買埋晚餐就回家! 第一時間全部沖好涼, 柏仲食完奶就要瞓, 今日出咗咁耐街都冇覺好瞓, 雖然醒咗兩次但都瞓咗兩個鐘, 我就hea咗一輪先開始再執嘢, 老公就瞓咗陣先開始煮晚餐, 晚飯前叫做執好咗房嗰兩箱, 都是子元的舊衫留比柏仲, 及柏仲的被鋪, 冇得執架啦, 嚟緊要努力子元房的雜物! 晚飯前柏仲就醒了, 於是咪餵D拉麵佢食囉, 食得幾滋味呀, 不過都係少, 條友都唔急食嘢! 食完大家玩吓睇吓電視咁, 到九點多扭食奶啦, 食完好快又暈啦, 笨元到十點幾仲睇緊綠燈俠, 但見佢眼都矇, 咪捉佢去瞓囉! 因為我都已經超攰, 安頓好佢都瞓, 老公就話睇埋先, 我攰到佢幾時入番房瞓都唔知!



<撘車車去街街!>

 <朝早人少少拍照一流!>

 <我們全部都是穿snoopy衫的!>

 <扮得很似呀!>

 <柏仲可以站著拍照了! 下次著鞋出街呀!>

 <難得似樣的全家幅!>

 <很有藝術feel的snoopy!>

 <子元也會這樣拍照!>

 <柏仲這樣就可以!>

 <希望你是有福氣吧!>

 <最叻咬我D snoopy!>

 <好在一叫就望鏡頭!>

<兩兄弟!>

 <很多款snoopy狗屋!>

 <雪糕車最特別!>

 <有得玩就最開心!>

 <哥哥遇咗比你蝦!>

 <另一個商場又是狗!>

 <今日是狗狗日!>

 <子元也變了....狗!>