12/7/14

12/7/14   SAT   HOT

今日係好趕忙的一天! 朝早要返學校采排, 好在有程生車埋入去, 咁柏仲就交咗比daddy啦, 揍咗子元入學校撘埋順風車出嚟, 買埋早餐返去食囉, 好靜咁過咗個朝早, 由於程生幫我地接埋子元出嚟接埋老公同柏仲, 所以冇叫老公嚟公司了, 不過由於學校派咗畢業相, 程生要喺學校過埋相先走得, 結果點幾先出到嚟, 我去咗茶餐廳等佢地, 大家都攰攰地咁食完我就餵埋柏仲, 然後撘車出咗去尖咀, 主要買子元的皮鞋和書包, 咁又八百幾蚊! 行埋反斗城, 柏仲又辦大事, 好在海運設備好, 搞掂去買埋書包, 係貴D但最緊要好用嘛, 本來諗住去citysuper買嘢返去食, 但實在唔啱食, 最終都係決定返咗去叫外賣算, 六點幾返到去先沖好涼, 諗住餵柏仲食粥架, 但佢食咗少半又扭眼瞓, 於是開支奶比佢瞓咗先, 起身再食埋佢! 叫咗KFC但勁耐先到, 老公快食完就去踢波, 我同笨元就睇吓電視咁, 柏仲8點左右醒咗咪試吓比D corn佢食囉, 又食到喎! 最後食埋D飯就OK, 一齊睇吓toy story 3, 10點左右柏仲又扭瞓, 照噯咗佢先, 同笨元睇到11點幾就哄佢瞓啦, 老公剛剛返, 可以同笨元good night埋, 等佢沖好涼就捉柏仲起身食埋支奶, 照舊食住瞓啦! 我地hea多陣都瞓囉!

<齊齊打千秋>

 

 <我的小笨元話咁快就畢業啦!>