2/7/14

2/7/14   WED   HOT

今日又要返學啦, 子元仲有D咳, 但唔算太嚴重都照返啦, 嚟緊又評估周! 出到去一會有車, 敏瑩今日父母兩個一齊揍, 因為要去荔天註冊, 終於放下心頭大石啦! 揍咗入學校同程生一齊撘番巴士出嚟, 我就返工佢就去埋舟! 返到去都係食早餐做吓嘢咁啦, 都幾忙, 話哂星期一請咗假係忙D架啦! LUNCH後都係睇吓電視打吓機咁啦, 下午老細返咗一陣, 比嘢佢簽咗又走啦, 真好! 等收工去銀行入埋錢, 買埋個小蛋糕, 返到去同柏仲玩吓先GE, 笨元明明睇緊機, 但又走落嚟阻住, 又唔係睇又唔係同柏仲玩, 都唔知佢想點, 到食飯啦就餵少少比柏仲食, 跟住我自己再食啦, 諗住快手食完再餵, 點知條友又食到衰衰咁, 惹起我把火, 都打咗佢隻豬腿一嘢, 最終都冇餵, 放佢落地玩吓, 點知佢扭眼瞓, 老公打暈咗佢, 咁等到8點醒番就影相啦, 足7個月大啦, 都係冇牙! 影完相食埋個小蛋糕就回家啦, 要撘8:50班車, 返得去沖好涼都9點幾, 其實已經好攰但好似仲有好多嘢做咁, 個人都仲好火! 不過就比子元的一則笑話笑死, 佢突然話想要光頭, 問佢點解佢話因為唔洗吹頭, 跟住我話光頭唔好睇喎, 佢就問係咪中間冇頭髮側邊有嗰D, 我話嗰D叫地中海, 佢就係到笑, 跟住就話可唔可以剪冬菇頭, 其實佢係想剪都敏俊頭呢! 老公落咗樓過數, 我就一頂二, 叫子元執好嘢, 我就餵埋柏仲再K.O.笨元, 再摺埋D衫, 終於可以休息吓, 打兩鋪機咁, 竟然肚餓喎, 可能又發嬲又忙唔停, 咩能量都冇哂! 所以老公就煮咗個福麵食, 加咗包墨魚丸呢, 滿足哂可以瞓!

<由地墊游咗出嚟地板!>

 <柏仲7個月大啦!>