16/7/14

16/7/14   WED   HOT

柏仲半夜又醒過一次, 好在拍一陣比隻馬騮佢咬吓又瞓番! 朝早都趕趕地呀, 要餵埋柏仲先, 佢好似有D痰聲, 唉! 返到學校都係周圍玩吓咁啦, 揍咗佢我又返工買早餐啦, 朝早都係自己hea吓咁啦, 知道下午要開會, 都冇開商會D嘢嚟做囉! 午飯後hea吓啦, 3點幾sales返哂嚟, 但4點先嚟開會, 開都開到5點, 搞到我打埋個會議記錄都遲哂! 買埋奶粉先返屋企, 同唔切Nicho訂唯有買住一罐先! 返到去沖好涼先再同柏仲玩吓就開飯, 比佢食吓紅蘿蔔, 但就唔肯食粥囉, 太稀了! 又扭眼瞓呢, 放佢喺房佢又扭, 最終等嫲嫲返屋企先放入去喊吓就瞓咗啦, 笨元執好嘢玩咗陣就瞓, 之後老公喺梳化瞓咗, 等到10點半捉柏仲起身飲奶, 簡直係瞓住飲, 我地睇埋明珠套新劇就瞓啦!