9/7/14

9/7/14   WED   HOT

今日終於唔洗揍豬仲入青衣, 因為婆婆過嚟揍嘛, 嫲嫲胃痛要去睇醫生, 唔洗揍豬仲之餘仲有私家車入去, 的確係舒服好多GE! 本來都有諗過叫阿媽跟程生車過嚟, 但諗諗吓都唔係咁好意思! 揍咗佢地返學我又跟車出嚟, 買埋早餐返工啦, 朝早都係做吓自己嘢, 午飯食咗個米粉咋, 諗住tea 再食, 點知原來sales今日返嚟開會, 不過老細喺埋到開會, 完全係離題, 時間就開得耐, 嘢就講得少, 廢話就多多! 終於開完快手打埋個會議紀錄就放工, 又要去買餸, 老公話想食牛扒, 咪去尚品買, 平極都要$90, 跟住再去買埋蔬菜類, 買咗盒$25的露筍, 又真係幾好食喎! 返到去同柏仲食咗藥沖埋涼, 自己就第一時間沖埋, 然後煮埋餐飯, 老公就K.O.咗柏仲, 因為食咗藥佢都攰! 食完洗埋碗可以休息, 子元係咁砌lego, 柏仲就繼續瞓! 九點幾笨元瞓埋我地都係hea 到10點半左右就捉柏仲起身食藥食奶, 等佢瞓番我地都可以瞓啦!