4/7/14

4/7/14   FRI   HOT

今日嫲嫲出嚟揍柏仲, 我就揍子元返學啦, 柏仲唔知係咪琴晚冇咩瞓, 今日好攰咁, 到中午又發燒, 真係比佢嚇死, 不過食咗退燒藥瞓咗一大覺又好番好多, 所以都冇同佢去睇醫生! 講番今日先, 揍咗笨元返學咪買早餐返工囉, 朝早都係做吓自己嘢, 午飯後hea吓咁又要開會, 好在都唔係開好耐, 不過老公拋下一句幫我揍子元放學就唔得閒覆msg啦, 好在時間尚早仲可以安排敏瑩公公接埋, 但我放工又要趕過去接都幾係攰架! 返到屋企都六點幾, 豬仲都冇咩事啦, 咁都放心D! 咁比笨元食吓嘢抖吓, 做兩頁心算咪去玩囉, 老公都返埋嚟嫲嫲就回家啦, 我地預到咁上吓時間就出門口去合唱團, 大人們就去食飯啦, 夠鐘又去接佢地, 喺小童群益會玩到9:30就閃, 老公話去759入貨咪去買吓囉, 返到屋企就馬上沖涼瞓覺, 我就收拾明天D嘢, 因為要去荔天聽talk嘛!

<食咗藥退咗燒又玩啦!>