11/7/14

11/7/14   FRI   HOT

今日都係如常咁返學啦, 但柏仲6點就醒咗, 搞到我地都冇覺好瞓, 今日嫲嫲過嚟, 我地如常出門口唔洗太趕! 跟住返工買早餐啦, 朝早都係做吓自己嘢啦, skype吹吓水咁! 午飯後都係睇吓電視悶吓, 以為老細今日唔返啦, 點知佢兩點幾返咗嚟之後, 就不停喺我地嗰邊吹水, 吹足幾個鐘, 好在有嘢做咋, 唔係又要扮做嘢都幾辛苦! 搞到5:45先走得, 期間老公又話接唔到笨元, 我又找唔到程生程太佢地喎, 唯有直接打番學校, 叫佢地將子元交比敏瑩公公接走, 放工後老公去接, 我就去萬寧入吓貨, 今日都有抵買嘢, 搬哂返屋企後, 又要執吓嘢, 我地返哂嚟嫲嫲就回家, 笨元話要玩泥膠咁就比佢玩, hea到7:45要行人啦, 今晚程生一齊唔到食飯, 我地就去咗試新嘢, 大家都好忙咁又要細又要睇咗D細GE, 夠鐘就返去接佢地, 玩到9點半走人, 期間程生都趕到嚟, 傾埋明天返學校采排點安排等就散水, 回家後笨元沖好涼就掛住睇馴龍記, 豬仲好眼瞓, 我未沖涼佢已經要食奶瞓啦!