13/7/14

13/7/14   SUN   HOT

今朝柏仲6點多就開始嘈, 搞到冇咩得瞓, hea 到8點左右就起身梳洗啦, 跟住餵埋柏仲食奶, 子元都起咗身, 不過就慢吞吞咁, 由於柏仲9點又扭番瞓, 佢就可以再瞓, 我就慘啦, 摺好衫就要帶子元去畫班, miss咗班車都要話吓笨元, 因為叫佢唔好攞住D唔應該攞住GE嘢嚟行, 跌咗又要執又行得慢嘛, 片完佢都係要等車架啦, 去到都算食得切早餐, 送咗佢上畫室我就要買早餐比老公食, 自己都要啦, 買得返去都11點幾, 食得嚟執吓嘢又要過去接佢, 因為我地買咗飛1:10喺奧海城睇Transformer, 畫班放12:30, 揍得佢飛的走返得屋企都12:55, 真係要再飛的過去, 好在都趕到! 不過套嘢真係唔得囉, 劇情又唔夠, 香港D景又求奇, 唉…好失望! 睇完都4點, 去foodcourt食D嘢行咗陣街都返去, 因為實在好頭痛, 撘巴士時瞓咗陣, 返到屋企又沖埋個涼叫做好番D, 好在有奶奶睇住佢地又煮埋飯, 咁我都舒服D, 所以我都自動自覺咁洗咗碗! 柏仲玩吓又瞓吓咁, 9點幾再K.O.咗佢先, 到11點幾先餵多餐大家都瞓啦!

<有美人相機...素顔床照都唔怕, 哈哈!>

 <柏仲都要用, 白淨D嘛!>

 <新買的牙膠, 全舊都食得!>