1/7/14

1/7/14   TUE   HOT

今日主要活動係去謙哥生日會, 不過都係下午GE事, 上午8點幾要起身, 老公去踢波, 子元晨早流流起身溫書, 因為我話你溫埋主題書就可以開變形金剛第2集睇, 於是餵完奶同佢溫埋嗰兩本就放佢去睇電視, 然後煮早餐食, 柏仲就瞓覺, 由10點幾瞓到12點幾, 剛好老公回來後收拾好等柏仲食埋餐粥就可以出門口, 去美孚食個lunch先, 見未夠鐘又咁熱, 梗係去有冷氣的地方等到差不多時間先去撘巴士, 本來話喺樓下等埋攞D嘢上去的, 但我地就上咗去先因為太熱了, 之後都唔洗幫手, 餵咗奶先再幫佢手, 其實都冇咩SET, 之後人齊了原來係玩跳舞, 但笨元一來唔係太鐘意跳舞, 二來D人佢又唔識, 所以都冇咩癮去玩, 咁咪由得佢囉, 食嘢先再出動, 老公就全程睇住柏仲, 好快佢就瞓咗, 食蛋糕時就醒咗, 老公比咗少少蛋糕佢食, 開心得佢呀! 最後5點幾先散得哂人, 我地都返屋企啦, 買咗D外賣返去食, 沖好涼餵咗柏仲食奶食粥先, 跟住佢就瞓咗啦, 睇吓電視慢慢食吓嘢到9點幾佢兩父子玩完珠機妙算就瞓啦, 笨元D咳都仲係有, 希望D藥食哂前可好番啦, 嚟緊又評估嘛! 11點叫醒柏仲食奶, 不過佢都係瞓住食, 最後又用香精油按摩埋就瞓覺啦!

<好可愛呀!>

 <遇見已上德雅小一的GH師兄!>

 <人不算太多的生日會!>