31/3/23

 31/3/23     FRI.    RAIN

終於最後一日返學喇，真係好興奮，大家都放早嘅星期五，非常之充實！朝早照常湊咗細佬返學我就返工，雖然今日要跟對面妹，但係都冇乜嘢，炮哥佢哋問今晚去唔去睇馬戲團，本來都有啲猶豫，不過我哋只要買多咗張飛，就可以一齊去睇，其實都幾抵，同埋我都想睇好耐，不過老公實唔會去睇，大家一班人去，佢就可能會去！最終我幾經辛苦上網買到飛，因為喺學校開住工咁樣嚟買飛其實都幾艱難，好彩都俾我搵到機會快快手手做咗佢！學生們12點就放學啦，我哋12:30要去禮堂聽校長講嘢，佢都好快手唔使半個鐘就搞掂，期間我哋仲食咗午餐，都係三文治咖啡咁簡簡單單！我見時間許可，就叫哥哥唔使去接細佬，我自己慢慢揸車過去接都仲可以！返屋企會合咗之後就去郵局攞郵件，不過又大雨又塞車， 10分鐘車程揸咗半個鐘有多！攞元件喺附近食埋午餐，就返屋企準備今晚去睇馬戲團啦！早啲出發，過到去同佢哋會合佢哋會合，一齊食咗晚餐先入場，去咗食一間日本嘢，老公好豪氣咁叫咗刺身，仲有食咗四個拉麵，咁就冇咗100磅，不過又真係幾好食！馬戲團係今日重點，我都唔知自己其實有冇睇過，不過佢呢個似雜技團多過馬戲團，總之每個表演同埋間場都做得好好，我哋今次俾咗13個就可以全家一齊睇，其實都幾化算足足睇咗兩個鐘，差不多10點先至散場，所以返到屋企沖完涼都差不多12點啦！

30/3/23

 30/3/23.    THU.     COLD

今朝都係如常咁返工返學啦，去到學校又係未開門，時間關係我就算喇，仲爺自己入去呢！返到去就開工啦，都係照常咁，只係我二姐唔記得咗安排另一個同事放返係點樣，佢哋求救咁就頂埋佢嗰間我先至去食飯，反正都係喺電腦房上下網，我又冇乜所謂！雖然最尾嗰堂就可以仲未放工，準時去到學校湊細佬！返屋企Hea到咁上下，老公返嚟就同細佬去練波，我都跟埋一齊出去，因為想去馬莎買嘢，如果要自己去唔揸得遠，咁梗係跟車去啦！買完返屋企就整晚餐，今晚食意粉，因為聽日大家都唔使帶飯！

29/3/23

 29/3/23.    WED.    COLD

子元今日唔使返學，因為唔知咩鬼interview日，另外又話家長日，但係我根本請唔到假，我就叫佢如果要見嘅就視像啦，反正都有時間可以做到！咁就照常抽完細佬返工就返學，今日繼續炒散，不過其實等於主力跟Jazzy， Samoa都係帶出帶入，其實佢都唔想我哋跟，不過法例規定要！午飯時間諗住家長日，點知最終子元話唔洗都得，好在冇請假啫！下午最終都係可以順利放工，不過因為子元，所以我唔使去湊仲仲，咁就可以去買埋餸先返屋企啦！返到嚟就係諗緊去食，都唔知點解越嚟越大食！嚟緊就嚟夏天又要開始咁客肥！晚飯之後都係洗碗，沖涼，摺衫瞓覺！

28/3/23

 28/3/23     TUE.    COLD

今朝返學都好順利，不過見到個更表就一般，好在最尾嗰個成日逃學嘅學生都唔返學，咁我就炒散之餘跟吓Jazzy就可以！放學嘅時候又落雨，所以我都唔敢揸咁快，去到學校接細佬嘅時候佢哋差不多走晒，所以老師帶咗佢行緊出嚟，唔知如果我未到佢會帶佢行到去邊呢！返到屋企都係叫佢哋快啲整好啲嘢就準備出門口去球場，因為今日要自己搭巴士過去！我就享受吓me time嘅時間，繼續開埋我啲B L劇慢慢睇，當然有摺衫同埋準備晚飯！ 襯哥哥返嚟之前就沖咗涼先，咁就唔使洗碗呀！

27/3/23

 27/3/23.    MON.   COLD

今日終於又要出車啦，做完車之後都未出過車，今日好明顯車速減慢咗好多，不過都趕得切揍完細佬9:00之前返到學校，睇咗今日更表都係輕鬆，所以都唔太擔心，自己身體應付唔到！都係行出行入對付吓Jazzy咁上吓，放工準時閃人去接細佬，而家知道佢哋唔係咁準時開門，都唔使講正3:30之前就去到！食咗佢就可以直接返屋企，因為之前買晒今個星期嘅餸，唔使又去超級市場！返到去都係做緊做家務同埋搵嘢食，跟住夠鐘就祝細佬做中英數練習，之後佢又要陪佢玩，咁就咁就煮晚餐，今日開始係夏令時間後嘅第一個星期一，節目轉晒搞到我啲時間都錯晒！

26/3/23

 26/3/23.    SUN.    COLD

今日開始轉夏令，所以今朝起身發現係9:30有啲驚訝，因為我好少可以瞓到咁晏，其實為返只係瞓到8:30左右咁都正常！細佬要比賽，子元要補習，所以我點都要跟埋去球場，不過喺球場咁耐對我嚟講真係有啲挑戰，我呢個傷者真係唔應該企咁耐，去到下半場仲開始落雨，所以完場嘅時候我都冇咩可以做，淨係想快啲上返車，因為凍個人自然縮埋一舊，跟住膊頭個傷口就開始抽筋，成個人好辛苦！上咗車亂翻休息，一陣好好多啦，跟住我哋就去咗附近嘅Sainsbury入一個星期嘅課，咁就唔使湊完細佬放學又揸返轉頭去Lidl買餸！買完之後都差不多時間去接哥哥放補習，仲要去買飯團，然之後先至車佢去球場練波，跟住我哋就返屋企，食埋嘢就做功課，我就要休息一下，係咁敷冰，希望快啲好返，聽日返學都唔知頂到幾耐！所以今日晚飯都要子元幫我洗碗！沖涼早啲休息，聽日朝頭早咁嘅身世去準備返學要預鬆啲時間！

25/3/23

 25/3/23.    SAT.    COOL

今日我冇出過門口，基本上只係佢屋企，因為行動不便，所以都冇咩地方可以去，佢兩個輪流去踢波，老公就揍出揍入，午餐買Sam Sam返嚟食，我已經好叻，咁自己煮咗早餐食，隔一陣又敷冰又查吓藥膏咁，希望快啲好返，抖左一日都好咗好多，起碼上落樓梯行路都已經比較正常！

24/3/23

 24/3/23.    FRI.    RAIN

今日真係多災多難嘅一日，朝早難得book到GP，就返咗學校先，然後再申請出去睇醫生，本來以為可以睇完就返屋企，早知我唔咁樣申請啦就唔使再返學校啦，亦都唔會有之後嘅事發生！做嘢做到咁上下就去睇醫生啦，咁都冇乜嘢，總之睇咗醫生驗咗了，等報告，不過佢就俾咗藥我食先！返到學校繼續跟更表做嘢，如常咁樣準時收工，午飯嘅時候突然之間落冰雹，不過我喺室內食緊飯就唔係好大影響，當左放學嘅時候就係今日嘅欺辱啦！我揸咗一個街口，突然之間落冰雹，本來諗住揸上行人路被一地線，就係因為想博嘅時候睇唔清楚，架車一失控就拋咗我出車外，我落地之後仲要停唔到，直至個膊頭撞咗埋去行人路邊嘅牆身先至停到落嚟，路過嘅車即刻問我有冇事，我估如果我冇反應，佢哋就會call白車，最終我係起到身，靠意志力返到屋企，不過真係好傷，兩個膝頭哥腫晒左邊膊頭同背脊又撞到，所以變咗個廢人咁坐喺度，坐到食完晚飯去沖涼先郁，希望呢兩日時間可以快啲好返，我唔想又好似請假咁樣！

23/3/23

 23/3/23     THU     COLD WIND

今朝揍仲爺去到學校門口其實已經8:35但仲未開門, 佢又有同學仔陪位, 又唔係喺馬路邊, 我就由得佢自己等開門, 我要趕返工先啦! 今日又炒散, 都唔知好定唔好, 因為有啲無所事事又唔係常規咁, 成日走嚟走去, 又要等到點幾先有飯開, 本來都冇時間同letty 佢地吹水, 但我自制咗啲時間去搵佢地, 吹番一陣都好! 放學照樣準時走人, 去到接細佬都係啱啱開門, 買埋餸就返屋企, 今日都唔係好願郁, 除咗煮飯時間一定要郁啦, 返埋下星期又放假啦, 太好!

22/3/23

 22/3/23     WED.    COOL

今日都係照常返工返學，湊咗細佬去學校，先至發現唔記得俾飯袋佢，好彩都好快發現，馬上送返去學校reception話俾佢聽便飯，等佢攞上去！好彩都趕得切九點之前返到學校！跟住都係照常開工啦，其實今日都冇乜嘢，只係撳嗰個學生有啲固執，做電腦堂嘅嘢嘅時候見到自己登入戶口嘅相覺得唔鍾意，成日就喺度話要改，仲喺度喊，去到最尾嗰堂都仲係要改，咪唯有嚴厲啲同佢講其實係唔可以咁做，佢最終咪又係冇做！準時收工去接細佬放學，而家掌握到條路線，不過我都快咗！買埋餸就返屋企，同細佬溫完習之後唔知點解個心口好痛，抖左半個鐘好似好少少，就開始準備晚飯，好彩今晚諗住食嘅餸都唔係太難搞，不過焗隻雞要成個鐘，主得來都差不多八點先開飯，又睇吓電視瞓10點幾先沖涼，仲要第一次諗住沖嘅時候上唔到水，好在之後有番！

21/3/23

 21/3/23     TUE     COOL**

而家學校近咗, 真係唔洗咁趕出門口, 去到啱啱好開門, 然後我返到學校同平時差不多, 唔錯! 跟住今日都係好輕鬆咁過, 同埋跟Daisy有啲悶添, 不過就係可以準時收工囉, 雖然今日唔洗揍仲爺放學, 因為今日子元放早可以去幫手接, 咁我可以去買埋餸先返屋企! 啱啱返到屋企佢地都返到呢! 今日兩個去踢波, 所以換完衫都要出門口啦, 我就做家務預備晚飯囉, 食飯時細佬又要睇恐怖game, 搞到我沖涼時都驚驚地囉!

20/3/23

 20/3/23.    MON.    COOL

今日仲爺第一日返新學校，大家都有少少嚴陣以待，早咗少少出門口，去到學校今日比較特別，因為喺reception放低佢，我就走得，而且可以早少少，所以我返學校嘅時間都中咗，試咗條新路線，真係超級快，唔使20分鐘，已經有新學校去到學校，所以今日咁早返到去都有啲蝕！今日Bear又無返，所以我就跟Aisha，都冇咩所謂啦都係咁做姐，而且仲可以早啲離開課室，早啲收到工，都係好事！我今日一日都係掛住細佬，唔知喺新學校點樣，放工即刻飛車過去，估唔到真係18分鐘就過到去，起碼唔係最尾一個接佢放學！揍咗佢之後去超市買埋晚餐就返屋企，條友仔成日唔想溫習，最終我都係唔會放過佢，不過今日只係溫咗中英數，我未睇新嗰本書，新學校開始有本好後嘅書佢睇，好事嚟嘅！晚飯都幾早開，所以睇晒模範的士先至洗碗沖涼！

19/3/23

 19/3/23     SUN.    COLD

今日仲仲上午比賽，下午就到子元比賽，都係有啲忙碌咁車出車入！仲爹同佢嗰隊今日都踢得好差，我都架咩心機睇，又凍喎，只係想快啲閃！返屋企食埋啲廚餘就開始做家務，老公就要接送子元補習踢波等等！同仲爺打機打到咁上下，我就上咗房睇漫畫，咁佢要返嚟再食晚飯，整咗蘿蔔牛腩，所以好簡單就可以開飯！聽日仲爺開始返新學校，希望佢生生性性，所以今晚見到佢做得唔好嗰啲嘢就係咁想鬧佢，但都唔知佢明幾多！

18/3/23

 18/3/23     SAT.    COOL

今朝準備好開門口細佬去練波，9點幾WhatsApp’s話唔洗練，因為落咗一朝雨邊有可能有得練！於是食完早餐接埋3 ，就決定咗去IKEA，因為阿哥要買膠箱放返好佢盒Lego，喺IKEA食埋午餐，本來2:00話約咗人嚟睇花園整返光，但係嗰個人甩底冇黎到，咁我哋繼續打機，老公就整好咗個過濾水器，然後一齊出門口陳婆婆去連波，跟住佢仲裝喺嗰頭附近個公園玩，都算係未玩過嘅新公園，我都玩得幾開心呀！之後去買餸今晚整米線！最終買得來又去買啲小吃等等，啱啱好趕得切接返志遠就返最終買得嚟又去買啲小吃等等，啱啱好趕得切接返子元就返屋企！

17/3/23

 17/3/23.    FRI.    COOL

今日係細佬最後一日返Drayton Green啊，我哋盡量早少少出門口，你係咪學校之前整返張相留念！我照常返到學校諗住開工，本來要跟嗰個成日逃走嘅學生，點知突然之間轉左同另一個同事調換，跟Year 7個唐氏綜合症妹妹，其實佢又唔係真係太難做，不過要啲時間磨合啊，同埋要問返究竟平常係做開啲咩，因為始終未跟過佢，不過我都叫做順利渡過全日，雖然有一堂係Martha老師嘅堂，但係都冇咩事就過咗啦！放學已經馬上飛車去同細佬佢哋會合，但我去到學校佢哋啱啱走咗，仲諗住睇吓佢點樣送禮物俾老師！俾佢去公園玩到4:00先至返屋企，哥哥今晚要踢波，所以等佢哋返嚟先至食意粉！

16/3/23

 16/3/23      THU.    COLD

局住要請的假期又完結，今日都週得好充實嘅，一早起身就洗衫換床單，然後就同仲爺整明天帶返學的散水禮物，因為冇咩特別嘢可以整，就用咗摺紙，摺到我手都軟，好在午飯冇咩搞，只係煲個飯食埋琴晚啲餸就得啫！摺埋啲衫又要出去買餸，老公話今晚仲爺試踢新嗰個球會，要我一齊去，冇得唔想囉，好在係室內，一個鐘啫，踢完返嚟咪煮飯食，快手洗碗沖涼，明天仲有一日學要返呢！

15/3/23

 15/3/23     WED.    COLD

今日罷工唔使返工返學，不過我都一早醒咗，留到八點幾先起身煮早餐，食完早餐同阿媽傾咗一輪電話，就同細佬出去買校服！全部客服買咗110磅，真係好貴，不過天主教學校係咁㗎啦，客服係象徵物，所以要好整齊！買完返去煮午餐，簡單食米線，食完叫仲爺換好新校服影相留紀錄！跟住就踩車出去商場，主要買卡同禮物紙袋，星期五返去派！最後去埋麥當勞食魚柳包先返屋企，返到去都係hea，陪細佬打吓機咁，等老公回來就煮飯食，睇埋波沖涼休息！

14/3/23

 14/3/23     TUE.    COLD+

返埋今日又放兩日假，真係開心！今朝返到去閘閂晒，差啲入唔到去，又已經趕時間喎，我仲以為自己遲到添！照常開工啦，第一堂跟Jazzy，佢今日好唔腳，我都黑佢面㗎啦，好在只係跟佢一堂！第二堂喺reception等咗a Ella 一堂佢都無返，原來已經send咗email俾阿姐話佢唔番，但係又冇人話我知，不過我都冇咩所謂，坐一堂都幾舒服！本來以為今日繼續要跟住瘟神，好在只係要跟另一個簡單啲，都順順利利，想完晒啲堂，仲幾好玩添！三點送咗佢走我就自由啦，等到夠鐘即刻去接細佬，今日尾二一日喺Drayton green，我都有啲唔捨得！買埋餸返屋企快手執嘢出門口，因為我要同佢撘巴士去練波，老公返嚟先揍唔切，去球場會合咗再車我返嚟，好好hea吓等老公返嚟煮飯食！

13/3/23

 13/3/23     MON.    WIND

今朝開始就好大風，不論行路同埋踩車嘅時候都好容易吹結，好誇張！返到學校開工之前，梗係叫老細填咗張假紙先，第一堂又要跟Jazzy，佢今堂要測驗，其實我可以冇咩做，但係佢真係要我幫手，不過我都幫唔到佢啲咩，因為嗰部份嘅History我都冇讀過，我只可以將個題目譯返中文俾佢聽就算！ 10點左右Bella就返，接咗佢都係照去上堂啦，佢今日都算好合作，所以成日都平安無事順利放工！幫手去學校接細佬，今個星期係佢最後返Drayton green啦，接咗佢就直接返屋企啦，佢話要食撈麵又要整俾佢食，之後又要溫書，哥哥練完波返嚟，老公都差唔多返到，六點幾就開始煮晚飯，早啲食完就可以睇晒模範的士先至洗碗沖涼瞓覺！

12/3/23

 12/3/23.    SUN.    COLD

今朝細佬唔使比賽，不過就要湊阿哥去練波，朝早食腸粉，不過冇辣醬嘅腸粉都係唔係咁好食！做咗個哥哥去球場，我哋就去附近嘅市集，其實都係行吓，買下咖啡姐！不過見到嗰度有帶子買，就忍唔住買咗一份，需要上25磅，得15隻，但真係好好食！之後去球場，仲爺係都要落車，你說陪左佢去公園玩，玩到咁上下我夠皮啦，我要返上車休息！踢完波就去買飯團，然後去補習，跟住我哋終於可以返屋企！不過返到嚟都好忙，食完嘢，等老公整完啲工程，就要開始每個星期嘅清潔工作，次次做完都好攰！係咁行上行落，其實真係好攰！所以我都攤唞咗一輪，先至開始預備晚餐嘅嘢，老公揍完子元踢波就返嚟煮飯！晚飯照樣繼續睇模範的士，真係幾好睇，然後都係洗碗沖涼休息，今個星期返三日學咋，好嘢！

11/3/23

 11/3/23     SAT     COLD

今日又係要踢波的日子啦, 照樣8點幾起身煮早餐, 揍咗仲爺去球場我地就要去中超買嘢, 好多貨要入呢! 球場接番仲爺就返屋企, 等佢沖完涼就出去食晏, 因為要去Broadway買嘢, 就出去食間新嘢, 全間都係食雞, 又幾好食喎, 但間中食吓好囉太熱氣! 食完去迪卡龍買鞋買襪, 仲有要買洗面嘢等, 最後去埋買T4, 今日都忍唔住飲呢! 揍埋子元去球場就回家, 佢地踢波, 我就上房開電腦自娛, 預備定飯餸老公揍完子元返嚟煮飯, 咁又一日啦!

10/3/23

 10/3/2     FRI.    COLD

今朝開我都仲有落大雨，好彩放學嘅時候已經天晴！放到去照常開工，都係等時間過啦！最好笑係Jazzy個電話影咗人哋啲相，老師要佢刪除，佢話刪除咗，但老師要佢可以刪除的File度在刪除清咗佢，但佢個電話係用中文，老師唔識睇，跟住我啲同事就話我識佢就叫我幫手刪除咗！今日啲時間好似有啲難過咁，天氣太凍，室外又好辛苦，但係室內有陣時又好悶，真係好難取捨！總算順利放完飯，準時收到工就唔理咁多啦！去公園接細佬，但明顯佢，最終去番學校門口搵佢，改完佢哋未走，條友仔唔記得攞水樽又唔早啲出聲，去返工完之後又要返番過去攞！俾佢玩到4:00就要走啦，仲要返去買餸！返到嚟老公瞓咗覺都好正常啦，琴晚睇過應該三點幾先返到嚟，到佢哋夠鐘踢波就叫醒佢出門口，我就自由時間，預返時間煮晚餐就得啦，所以又開劇嚟睇，睇返之前聽口水嘟嘟介紹嗰套重啟人生都幾好睇！

9/3/23

 9/3/23     THU.    COLD

今朝仲爺又喺度激我，朝早起身梳洗換衫有幾難呀，點解唔可以有次序有速度咁樣做好佢？頂唔佢之後都叫做可以準時出門口，返到學校照常開工，但一睇更表發現Bella今日返得兩堂，之後又要去覆診，咁佢兩堂都好合作，小息仲有餅請人食，好好味！上埋數學堂就同佢去reception，佢阿媽就接咗佢啦！跟住我就要去跟返佢嘅時間表繼續，上多堂science就可以放飯，其實staff room有其他幾個同事喺度，食飯時間我都係鍾意自閉，睇片慢慢食！最尾嗰堂陪Jazzy，好在佢今堂去電腦室做Spaxc，我就可以一路同佢傾偈一路幫手篤佢去做，差不多夠鐘就走人！接咗細佬就走喇，去超市買牛角包，仲有買今晚嘅晚餐，老公去咗曼城睇波，我哋三個自己食就簡單啲，整意粉就算啦！

8/3/23

 8/3/23     WED     VERY COLD SNOW

今朝一起身就見到一地雪, 好在出門口前已經停咗啫, 唔係要雪中出車又好辛苦! 順利返到學校, 又係時候開工, 其實都冇咩特別, 只係小息時冇得同Letty佢地吹水有啲悶啦, 咪睇吓手機囉! 繼續上堂放飯等等啦, 時間都過得快! 係午飯時有啲驚喜, 我個學生喺飯堂食飯, 咁就可以同佢地見吓面啦! 肥婆仲比我試咗佢個海帶湯, 好好味呀, 我叫佢教我點整, 佢話Send比子元再比我呢! 順順利利又放學啦, 快手返去接仲爺, 因為keep住落雨, 快啲返屋企好! 返嚟都係係咁食嘢啦佢, 唔叫都唔肯停! 預備吓晚飯啲嘢, 同仲爺溫埋書, 又係時候煮晚飯, 食完睇埋套劇就洗碗沖涼瞓覺!

7/3/23

 7/3/23.    TUE.    COLD

今日都有啲凍，估唔到晏晝仲有少少雨雪落下，雖然好細同埋好短時間！今日完全冇見過麻煩老師，心情非常之好，另外呢兩日Bella都唔番，我就跟另一個學生，佢真係需要比較多協助，所以我都冇得做自己嘢！第一堂基本上係冇嘢做，喺度等，都唔知做乜！跟住全日都係正常開工啦，只係冇機會同佢哋吹水有啲慘！臨放學3:00帶個學生出去，另一個仆街同事就話唔係應該3:10先帶佢出嚟咩，我話我睇咗email啦唔係呀呢一個係3:00就一向都係，佢阿媽會來接佢㗎，幾想小實佢！放學馬上飛去接細佬，順手問埋老師退學安排，佢就同我哋一齊去Office攞表格，填咗聽日交返嚟就得啦！買埋餸返屋企，佢哋又差不多要出門口，因為老公話叫子元帶佢哋去踢波，因為返到嚟接咗去球場就遲！咁我就喺屋企自由活動，預備晚餐接好啲衫會係咁，預返時間佢哋返嚟就開飯，跟住都係追埋套劇沖涼瞓覺！

6/3/23

 6/3/23.    MON.    COLD

今日都係照常咁返工返學呢，返到去都有啲趕，快快手手開工，第一堂跟完Jazzy就去接Bella！其實全日都相安無事，小息嘅樣，佢有佢同朋友傾偈，我又冇同朋友傾偈，上堂嘅時候佢肯上嚟想，佢唔上咪算囉，反正都逼佢唔到，去到放學嘅時候，其實佢都已經自己睇書睇咗一堂，同埋喺課室係完全冇作為，因為個老師都唔係教書，快啲叫佢哋睇吓跟住就派卷，派完卷就叫佢哋自己再貼下貼下營，應該做嘅都做晒啦，咁三點有多嘅咪開始執嘢，搬去大房擺低埋啲嘢就去reception 啦，點知麻煩老師又出現啦！仲要好似搞到好大陣仗咁，早嗰少少走有咩問題呢？佢條仆街做乜高分低能！總之佢就係擾民嘅一種，嬲到我就算放咗學出門口喺條街揸住車都要大大聲聲鬧佢仆街，你就知我幾嬲！返到嚟同細佬又要講同子元又講同老公又講，總之就要講到我自己冇咁嬲為止！之後又因為阿哥有個球會話去瑞典訓練，但我覺得又貴又唔係真係咁值得，重點係我仲係未放心佢自己一個人去咁遠，帶唔到工人好似唔係好明咁，覺得有機會就應該要比佢去，但好多嘢都要量力而為㗎嘛，好多時我講完其實佢都明，同埋差不多£1200，等於我一個月人工，我覺得真係唔值得囉，希望再講得服佢！

5/3/23

 5/3/23.    SUN.    COLD

星期日都係踢波嘅日子啦，基本上一朝早就係車出車入，現在坐車去球場，跟住去買定飯團，到細佬去球場，我就要睇佢踢波啦，老公就去接返幾點上去補習然後返嚟接我哋，跟住就返屋企啦，食完嘢又係時候做家務，今日只係吸塵抺地就算啦！跟住整吓啫喱咁，仲有就係睇吓波囉，曼聯今日輸7比0利物浦，點可以唔出post！等老公返嚟就煮晚飯，提早煲咗飯先，因為佢話整蝦醬炒飯，真係好好食，我食咗兩碗今次又肥死我啦！食完繼續，睇埋missing套大結局先沖涼！

4/3/23

 4/3/23     SAT     COLD

星期六都係踢波的日子啦, 但大家慢吞吞咁都係遲咗出門口, 先要揍咗子元去比賽, 所以仲爺練波就遲架啦, 今日球場都幾凍呀, 企個幾鐘真係好凍! 終於可以閃人啦, 去揍埋子元就去食午餐再買餸, 回家後等佢地沖哂涼, 就捉仲爺做功課之後就可以自由吓, 用吓電腦咁啦! 等老公煮晚餐, 有好好味的椒鹽豬扒呢, 之後掛住睇劇10點先去沖涼呢!

3/3/23

 3/3/23     FRI.    COLD

開埋今日又放假啦，真係好！如常返到學校等開工，第一堂都係湊住Jazzy，Bella10點啦左右就返，但係因為geo我知其實唔想，所以去課室路過面就帶佢去圖書館，我又可以做吓自己嘢幾好！小息如常同佢哋去吹水，真係吹得幾開心！然之後double lesson science放飯我都放咗半個鐘，返到嚟其實都冇乜理佢，我見佢又唔係好想做嘢咁無謂兩敗俱傷，都係各自各分開啲好！諗住正正常常去食晏啦，總之因為佢想去廁所，如果個廁所咁啱突然之間有人入咗去，佢就發癲呀，留低晒啲嘢走咗去，我又要攞嘢又要追佢都唔知做得邊樣，仲要有啲廢柴老師問使唔使幫手，我心諗你幫手佢就同我去追啦，講經！好在最終有啲學生都知我搵緊佢，就話咗俾我聽佢去咗咩方向！今次去咗一個新地方，仲要都幾偏僻下，玩鬼我咩！最終梗係要call SLT，雖然中途有人嚟過，但係都幫唔到啲咩，差唔多放完返之前就有個專業啲嘅嚟到，夾手夾腳捉咗佢去大房坐，佢真係唔再去上堂，只係坐喺度睇書，啲人走晒佢就好安心，不過麻煩老師嚟到想問佢嘢，但Bella完全唔理佢，其實有少少心涼，你估你真係問佢咩佢都答你係傻㗎！坐到三點多啲就去Reception，送咗佢走我都預備閃人彈閘！接咗細佬就買餸返屋企，因為佢哋去踢波，其實我都冇咩嘢喎，星期五仲要只係煮意粉簡單好多，所以佢哋出咗去之後，我主力都係睇電視，摺咗衫，差唔多時間就煮晚餐！

2/3/23

 2/3/23.    THU.    COLD

今日係教師罷工日，所以我都唔使返，請咗假睇住佢哋，順手去埋仲爺新學校，不過因為10點幾約咗，所以唔使咁早出門口，原來可以帶埋小朋友去，總之帶埋佢去睇吓學校啦，其實去到都冇咩特別都係問吓有關小朋友嘅嘢，然之後帶你行過圈問返你有咩問題，最後帶埋你去睇吓返放學接送嘅地方！全程都唔使20分鐘，攞埋啲文件填完交返返嚟就得！搞掂我就返屋企，基本上都冇再出去啦，摺埋啲衫就煮午餐，其實都係煮幾個麵，食埋琴日啲牛腩跟住就洗碗，然後開始要填表，又要覆下電郵咁，時間都唔見水！老公返嚟之後又要捉咗佢落去亂出街，佢條友手腳都唔協調，都唔知佢點年，但兩位仁兄又話佢因為冇着波鞋所以做唔到，我都唔知講咩，我淨係覺得搞着我，又要教佢，但我又唔係好識，又好凍，一句講晒，就係吃力唔討好啦，以後唔好再搵我！之後我上咗房對住部電腦好過！煮好飯先落嚟食飯，然後都係洗碗沖涼休息，返埋聽日就可以休息返兩日啦！

1/3/23

 1/3/23     WED     COLD

今日明明溫度唔凍, 但唔知點解體感咁凍! 朝早照常返學, 第一堂完全冇嘢做, 因為今日Enrichment day, 一句講哂冇嘢搵嘢做的一日, 完全唔洗上堂, 所以Bella未返基本我都係hea吓就算, 等佢嚟到就帶佢去應該的地方, 都係跳吓舞喺課室睇吓嘢做吓工作紙咁, 冇事冇幹順利到放學, 佢地就放2:45, 我地就要等到夠鐘先走得, 要去hall架但未開始做啲咩我就已經夠鐘走, 所以呃咗杯咖啡同餅乾就走人! 去公園接仲爺, 比佢玩到夠皮就算, 因為星期四五都冇得玩, 我見狀況就不如喺呢頭買埋餸先返去! 返到去好忙咁又要整嘢食, 同埋已經5點啦, 不久老公都返到, 所以又要準備晚飯, 飯後仲要覆重要email, 舊屋嗰到出咗check out report, 我梗係講價啦, 一於壓吓價先等佢再還!