30/6/26

 30/6/26     TUE     HOT

今日老公請咗假, 因為琴晚睇荷蘭, 可惜12碼輸咗, 不過佢就可以揍我返工, 咁我就唔洗等巴士一日咁大把! 返到去照樣開工啦, 都係做而今日只係跟輕鬆人, 所以都係主力做啲真係教育嘢而唔係做管秩序! 點半先放飯, 可以慢慢食睇吓機先再開工, 不過都係去坐到夠鐘就走啦, 又係老公嚟接我, 然後去揍埋仲仲, 返去仲要倒垃圾, 跟住又冇煮嘢食啦, 只係痴老公嗰啲食咗少少, 仲要摺埋啲衫! 仲爺學校搞埋哂啲頒獎禮, 5點多要去到, 無拉拉坐一個鐘睇人攞獎, 早知唔去啦, 反正仲爺都唔會有獎! 返嚟繼續睇波, 有賀蘭嘛! 好在今場支持的終於贏波! 7點幾就食飯, 所以飯後又未開波, 可以睇埋嗰集鐵拳教育先沖涼休息!

29/6/26

 29/6/26     MON     HOT

今日雖然係涼番啲, 但都仲係熱, 只係冇咁熱啫! 返工條路做完工程, 今日車程快咗一半, 痴線! 返到去仲有時間同副校傾埋今個星期返工時間, 佢好似冇咩所謂我keep 住返遲放早, 咁就成機繼續啦! 今日跟盲妹, 其實係第一堂要做吓卷咁啫, 之後都係hea hea地, 不過我都有盡做架啦! 2點幾放工走人, 同仲爺差唔多時間返到, 今晚要準備睇日本對巴西, 我仲整咗個賽程表! 7點幾食飯真係算早, 仲爺今日唔踢波要睇, 但最終佢好似都冇睇囉! 可惜日本最終1-2輸咗! 食完飯先8點半, hea到9點半先沖涼! 

28/6/26

 28/6/26     SUN     HOT

今朝起得身食早餐都11點幾啦, 跟住就出去買多轉餸, 因為琴嗰間真係好唔齊, 搞掂返嚟執好嘢就出去啦, 今日佢地有波踢, 一小時去雷丁, 睇在今晚去九龍冰室食就一齊去啦, 不過先要喺球場曬吓先, 我都帶咗嘢去食架, 食咗早餐就冇食啦嘛, 坐咁耐咁悶梗係要搵啲嘢食! 睇完再渣車去食晚餐, 不過人多要等咁勁耐, 好在我有食到嘢先啫! 食完就返屋企啦, 返去仲要排隊沖涼, 仲要煮定啲雞細佬明天可以食, 但佢都唔知識唔識食, 不過我放學返嚟都早, 應該搞得掂!

27/6/26

 27/6/26     SAT     HOT

今日都仲係好熱, 又話開始涼番, 定係間屋未散到熱呢, 個廳都仲係長期31度, 朝早都要早少少起身, 因為要去仲爺學校買二手校服, 佢唔見咗件PE衫嘛都要買番件, 4鎊咋喎差好遠, 快手買完就去埋龍鳳同超市, 不過龍鳳隔離嗰間真係差少少, 冰又冇哂咁! 買完返屋企, 最慘係大寶出咗去玩, 冇人幫手搬嘢同分貨, 基本老公一個人搬哂上嚟, 我就要分哂貨, 因為仲爺要出門口踢波! 跟住我就要慢慢分貨, 又唔可以一次過攞太多, 我都仲係唔可以搬重嘢嘛! 然後老公又話要烚咗啲雞翼, 但舊嗰兩盒都變咗, 又要攞落去廚餘桶掉, 呢個星期太熱, 啲垃圾變哂蟲蟲溫床, 搞唔掂! 我都中間呢日倒咗轉垃圾, 跟住做清潔等等, 行上行落咁, 攰到隻嘢咁! 仲要洗衫呢, 再自己煮埋嘢食, 再返上去晾衫, 然後就可以打機啦, 不過都打到悶呀, 佢地6點多返到嚟, 最終晚飯都係冇食飯, 蒸咗雞就配各自選的主食, 飯後仲有食涼粉, 下星期應該涼啲啦掛! 

26/6/26

 26/6/26     FRI     VERY HOT

繼續好熱咁返工啦, 仲爺出門口時間都係好慢, 替佢啲返學腳唔抵! 我今日等巴士時直情帶遮, 帽已經唔夠, 好在今日都算正常班次, 準時返到去, 本來係跟year 8, 但唔知點解又叫我跟Year 6, 其實我都冇咩所謂, 但跟住又話個year 8冇人跟, 其實佢又唔係+, 都冇咩所謂啦, 所以我最後都係跟year 6, 我嗰班都勁乖, 所以其實冇咩嘢難搞, 只係熱囉, 不過今年改短咗冇PE常, 最終點半佢地就走得, 我地都可以早走, 2點就走人, 老公啱啱好接我, 先返屋企放低啲冰先再去接番仲爺放學, 跟住返去煮嘢食, 今次食常餐, 沙哆牛通加腸蛋! 跟住仲爺就去踢波, 我就晾埋衫先, 諗住做吓復健運動又抽筋, 好在叫到子元上嚟救我! 跟住就煮定意粉等老公返嚟煮埋個醬就可以食, 場波本身應該睇, 但冇魔人布歐就唔好睇, 所以早啲上去沖涼涼氣休息!

25/6/26

 25/6/26     THU     VERY HOT

今日繼續好熱, 等巴士曬咗廿幾分鐘, 不過唔算太遲已經好好! 返到去跟Y8, 佢頭兩堂唔肯去課室, 之兩堂叫做講到佢去, 但又要吓movement break, 我真係行到好攰! 好在最尾嗰堂佢肯留喺課室, 同埋我被介紹知道有個surver房, 有勁涼冷氣, 嘆咗陣返出去吹住風扇打機, 反正冇咩要做, 夠鐘就放工, 老公今日嚟接我, 咁就唔洗行啦, 仲可以去接埋仲爺, 返到去就食老公買的飯團刺身等等, 然後都係躲喺房, 我今個星期都留唔到喺廳, 吓吓都30度點頂, 子元今晚畢業晚宴, 老公幫拒裝完身, 車埋佢過去, 今晚仲要去接佢! 佢返到嚟仲要繼續煮餸, 整咗沙哆牛, 晚餐就牛肉意粉, 煮完攞返房食, 唔係又食到一身汗!

24/6/26

 24/6/26     WED     SUPER HOT 37C

今日除咗熱就係熱, 基本上熱到根本冇人想郁, 朝早返學其實都已經熱架啦, 但都叫做頂得住, 返到去跟盲妹啫, 其實都唔算難, 我有我地相處方法, 總之有吓嘢又休息吓, 今日最緊要係降溫, 佢又冇風扇喎, 所以喺大房時就開住風扇嚟做嘢, 好好多! 等佢點半閃咗我就食午餐, 然後返大房等放工, 仲有雪條食, 但都唔降到幾天溫! 放工痴車返到greenford又要行返去, 今日都算早, 沖完涼都3點半未見仲爺返到, 但見佢移動緊返嚟就冇理, 但過咗10分鐘都喺原位, 我就覺得唔對路, 跟住個air tag去搵佢, 佢喺街口間cafe, 原來佢行到路口時有個男人喺車target佢, 又叫佢上車, 佢嚇到即刻跑去cafe, 因為佢知道唔可以比啲奇怪人知佢住邊, 所以先走去cafe, 但又唔記得我地電話, 姐姐見佢校服知佢讀邊到就打咗去學校, 咁啱我嚟到時學校又打嚟問情況, 姐姐就話比佢地知媽媽嚟咗, 不過學校最終都打咗比我問情況, 仲叫仲爺明天返去搵HOY, 講番個情況, 我諗安慰吓佢掛, 佢地仲要我網上報案, 咁都好, 希望多啲人巡吓! 由於今日實在太熱, 完全唔想煮嘢, 子元又去咗holly屋企玩唔返嚟食, 我地就叫咗外賣, 直情喺房食, 樓下室內都31度, 搞唔掂! 收咗太陽先慢慢冇咁熱咋, 捱埋明天就好啲架啦!

23/6/26

 23/6/26     TUE     VERY HOT

今日繼續係好熱, 朝早都還可, 嗰程巴士都仲未好熱, 加上我戴咗cap帽等車時避太陽, 不過在太塞車, 所以都遲咗10分鐘冇辦法! 今日竟然冇咩人可以跟, 好事! 實在係太熱, 自由啲係好啲, 加上今日學生又有得早放, 我地都放2:30, 所以今日都算hea住咁做, 有啲學生都冇返學, 好事! 食埋午餐其實係等放工, 今日可以痴車撘返到greenford broadway, 唔洗喺巴士變蒸包! 仲去咗Lidl買咗雪糕, 不過行返去嗰15分鐘其實都好熱, 仲要倒埋垃圾先沖吓身, 跟住就煮嘢食返房晾衫涼冷氣先掂! 不過老公返咗嚟我就閂機落番去, 都真係幾熱吓, 睇住波打吓機咁, 差不多時間又煮飯, 已經唔係煮好複雜嘢, 但蒸嘢都好熱呀, 煮完其實又想睇吓英格蘭, 所以都睇咗一輪先沖涼, 因為真係好熱, 就算有冷氣都係啱啱好咋!

22/6/26

 22/6/26     MON     VERY HOT

今日真係好熱呀, 不過都係要開工架! 朝早架巴士都OK, 但都係熱架啦, 返到去今日要跟學生呀, 所以都要適應吓, 雖然都唔算難, 不過真係好耐冇上堂啦! 小息梗係休息啦, 食吓嘢又繼續開工, 12點半有得食飯, 下午繼續上堂, 2點9又閃人啦, 巴士好似蒸籠咁, 我就好似燒賣咁, 明天點算, 又唔坐得單車! 返到屋企就快啲食嘢同開冷氣, 到老公返嚟先落番去, 仲爺踢波我要煮飯, 今日全部都係雞, 食啲涼涼地手撕雞, 不過過程就好熱! 晚飯後食埋西瓜涼粉雪糕, 就沖涼休息!

21/6/26

 21/6/26    SUN     HOT

今日主要活動都係去買餸, 朝早老公真係5點起身睇日本隊, 我半夜發惡夢嚇醒咗, 好在瞓得番, 跟住就瞓到9點多, 起身食完早餐同阿媽講埋電話就出去買餸, 不過今日真係好熱, 所以超市係最涼爽! 買完返去都冇整嘢食住, 老公又要整吓個樓梯, 跟住我就預備今個星期的午餐, 仲有整埋涼粉, 跟住就過jenet嗰到, 因為借佢個熨斗用, 咁又食咗陣嘢吹吓水, 睇咗半場波先走, 點知返到嚟先發現唔記得攞個發泡膠盒, 所以老公又要渣返去攞! 然後hea吓就準備晚餐, 8點多先食飯食到出哂汗呢, 真係好熱, 快啲返上去開冷氣沖涼休息!

20/6/26

 20/6/26     SAT     HOT

今日我冇出過街, 但係佢地就全部都出哂去, 子元約咗朋友, 仲爺要打一日比賽, 所以起身食早餐之後就得我喺屋企, 冇咩好做, hea咗陣先開始做清潔, 都係做最基本的, 但行上行落仲要收衫晾衫等都幾攰! 做好嘢就煮午餐, 都係烏冬加餃子, 再睇埋鐵拳教育, 睇到去老公睇到嗰到就停, 等埋佢先一齊睇! 佢地都差不多返到, 因為買咗嘢食返嚟食, 食咗又唔肚餓住, 所以冇煮晚餐, 但老公整咗肉燥, 咁子元同friend玩完返嚟食可以撈麵, 我都煮咗麵食就算! 嚟緊天氣咁熱, 都唔想食熱嘢, 要諗吓煮咩夠涼! 

19/6/26

 19/6/26     FRI     VERY HOT

到星期五啦, 今個星期調整下返工算係好好, 同埋我個人本身都進展良好, 所以今日都喺輕鬆中度過, 只係做飯更, 不過係4個飯更都有啲攰! 加上今日天氣都幾熱所以都好攰, 不過放工老公嚟接我, 唔洗坐巴士已經好好多, 本身諗住接埋仲爺但等唔到佢又怕miss 咗, 都係返屋企算! 等大家換好衫就先去食麥記, 老公應該肚餓, 勁燥底! 食完就要先去球場放底咗仲爺, 然後去westfield同子元買去prom的西裝, 買完就返去接番仲仲, 跟住就去食晚餐, 慶祝子元考完AL啦, 就去咗食上次我地試過又幾好食嗰間打邊爐+燒烤, 佢兩個都食到回本啦, 仲爺仲係咁飽得滯, 佢都未學生點控制! 返屋企排隊沖涼休息啦! 今日行咗好多路, 對腳唔係好頂到呀!

18/6/26

 18/6/26     THU     HOT

今日難得可以輕鬆更, 只係留喺大房同做飯更, 不過當然都要努力"扮"工啦, 我地呢啲一向都唔錯! 同埋我都覺得我自己做得幾好, 算係井井有條架! 1點幾先有飯食, 跟住返去坐多大半個鐘又走得, 趕唔切早一班車, 咁撘3點多嗰班啦, 咁啱6th form嗰邊個同事又同車, 就同佢吹水囉, 原來我都可以handle咁樣吹水! 返到屋企先要吸一吸塵先, 子元晏啲帶同學上嚟玩, 咁個地下都唔好咁dirty! 仲要整嘢食洗埋衫等等, 老公返嚟前又要整定個麵比佢, 因為仲爺趕住去練跑! 然後我就留喺房, 因為個廳比人用咗, 等佢地走咗我就預備煮飯嘢, 老公都返嚟, 佢負責煮埋下半場, 睇吓波咁食飯! 飯後仲食埋涼粉做甜品, 因為今日開始又熱啦!

17/6/26

 17/6/26     WED     HOT

今朝架巴士真係好麻煩, 明明自己啲班次亂咗, 有咩理由要我地喺巴士到等你班次平均番! 結果我就遲咗10分鐘先返到囉! 今日都係跟嗰件, 大致上都收到佢, 要做嘢時都要做嘢, 一路都正正常常, 係放Break時, 條友走去拉住個門唔比顛妹入嚟, 擾攘吓又冇咩, 佢地日日都係咁架啦, 但跟顛妹嗰條仆街走去同阿姐講, 我完全唔覺得嗰個程度要去到同阿姐講, 鬧完咪得囉, 吓吓搵阿姐佢咪好得閒! 到佢閃咗我都可以放飯, 跟住就係要training, 不過都係快手嘢, 大半個鐘都完, 加上我早走, 同同事們吹咗陣水就走啦, 回程又順暢, 返到去食啲嘢, 等睇波, 然後都係洗衫晾衫煮飯啦, 9點有英格蘭睇, 估唔到win4-2, 睇哂先沖涼, 所以又有啲夜先瞓!

16/6/26

 16/6/26     TUE     HOT

今日繼續要撘巴士, 還算可以啦, 不過都係唔行得快, 好在今日跟嗰個都係被困在大房的學生, 加上有另一個都啱傾的同事一齊做, 佢都好照顧我, 所以都輕鬆, 只係有時都係要對個學生發火, 要提氣時都係有啲困難! 坐喺到鬧就好! 佢都閃埋就可以放飯, staff room有免費嘢食, 不過都水尾, 唔係好多啱食, 好過冇啦, 起碼夠飽! 食完飯仲有小半個鐘先走得, 返大房坐吓啦, 子元通知話屋企停電, 好擔心因為我個電話冇咩電啦, 幾經辛苦返到去, 好在啱啱已經有番電, 雖然有啲浮動但好快都穩定, 所以可以一切正常! 摺衫晾衫後就繼續睇鐵拳教育, 然後要煮飯啦!

15/6/26

 15/6/26     MON     WARM

今日上半日GP下半日復工, 所以都有啲攰, 我都唔記得我幾耐未行過咁多路, 所以原來我都係只可以慢慢行, 不過傾完都可以安排到早半個鐘走遲半個鐘返, 盡量唔洗行咁多, 其實再困喺屋企真係好悶! 聽落真係奴性重! 講番朝早, 去GP睇兩個醫生, 其實睇婦科嗰個都冇咩關係, book嗰時都未去做檢查, 不過6星期後都係要佢做checking, 但一時間我又搵唔到封discharge letter, 所以都係要下次再book! 跟住就睇MSK, 不過冇咩可以做因為我呢個月完全做唔到復健運動! 所以兩個月後先再覆診! 離開GP開始長徵返學校, 因為GP離車站都好遠! 返到去先係無所事事但都扮工等等, 再同阿姐打招呼, 然後食埋飯, 同副校協商埋呢兩星期返放學時間等等, 再返去坐到夠鐘先放工! 又要一個鐘先返到屋企, 肚餓食嘢, 休息睇波, 今日都真係攰! 但我都仲要煮飯等等! 

14/6/26

 14/6/26     SUN     WARM

今朝仲爺去踢波, 所以我起身之後換埋床單添, 跟住自己煮早餐食, 然後都係開咗鐵拳教育嚟睇, 雖然老公未睇哂, 但唔理啦, 因為真係冇咩好睇, 而呢套又真係好吸引! 所以一路睇連機都打唔到因為要追字幕! 12點幾佢踢完返嚟, 老公話係咪去natural natural, 咁就睇吓有冇平嘢執, 順手買埋飯, 咁啱janet整咗蛋糕又冇人食, 啱哂我屋企啲廚餘桶們啦, 果然仲爺明明都係食咗咁多嘢, 但佢到五六點又話餓, 食哂成個, 雖然唔算好食但佢都食哂! 到咁上吓都要預備煮飯, 電視都要讓路比世界盃! 食完洗埋碗睇多陣波打多陣機就沖涼休息, 雖然明天覆完診先返工, 但都有啲緊張!

13/6/26

 13/6/26     SAT     SUNNY

今朝7點幾就醒咗, 有啲蝕, 睇機睇到9點幾先起身, 兩隻豬仔肚餓自己煮咗早餐食, 所以梳洗後淨係煮我地自己嗰啲, 食完就出發去買餸, 因為仲爺兩點有比賽, 所以要快手買, 咁佢地出咗去我就hea吓睇電視, 仲有煮咗嘢食, 不過煮好嗰時佢地話買麥記, 咁咪食個魚柳包! 之後都係hea, 睇到youtube食雞煲, 所以今晚就煮雞煲食, 晚飯時睇波, 11點再有巴西, 仲爺又話要睇!

12/6/26

 12/6/26     FRI     WARM

今日繼續在家休息, 下星期要返工架啦, 應該都可以, 今日感覺上好啲, 佢地出哂門口, 我食埋早餐就做清潔啦, 今日都算快, 不過要洗埋子元個沖涼位, 條友真係唔清潔由得勁dirty, 頂佢唔順, 做完就休息啦, 冇咩好睇, 等老公放工返嚟叫外賣, 食完繼續hea! 到仲爺去踢波我就要煮飯, 今日簡單啲雞扒飯就算!

11/6/26

 11/6/26     THU     COOL

今朝佢地又係一早出哂門口啦, 食完早餐打咗陣機, 執吓啲衫咁! 跟住已經冇咩做, 所以整咗午餐再閧番套美劇睇, 一睇又幾個鐘, 睇到個人都吽吽地, 真係要郁動吓但又冇咩可以郁, 佢地全部返哂嚟, 又到黃昏時間開始煮飯, 整好哂等老公落穫, 今晚世界盃開鑼, 啱啱好晚飯時間可以睇, 不過有啲悶呢! 所以下半場我都去沖涼算啦!

10/6/26

 10/6/26     WED     COOL

今日繼續休息啦, 整好早餐送仲爺出門口, 我就繼續聽電台打機, 今日冇開電腦啦, 整咗粥食, 仲有早兩日買的艐, 但麻麻地好食, 莫非要自己包! 跟住就睇新劇, 又係喺reels睇到套幾好睇的美劇, 又可以追吓啦, 不過明天世界盃開鑼, 睇吓睇邊樣好啦! 等老公返嚟就去Mandy屋企攞埋早兩日幫手買的冬菇, 咁近來食冬菇就唔洗慳住! 跟住又要煮飯啦, 都有啲攰呀, 同埋又肚痛, 好在清完倉就冇咩事! 然後就沖涼休息啦!

9/6/26

 9/6/26     TUE     SUNNY

今日繼續在家休息, 照樣起身食早餐趕仲爺出門口, 跟住就係hea, 邊聽電台邊打機啦, 然後用吓電腦, 都係無聊搵嘢嚟睇吓, 打吓機又瞓吓床咁, 到12點幾餓啦就煮嘢食, 生菜雞肉烏冬, 不過加咗餃子同豆卜, 好味好味! 繼續睇電視打機, 同埋見到阿姐叫咗副校覆我關於復工安排, 可能又要跟番上次咁, 踩唔到單車, 要撘巴士就一定要遲到早退啦, 仲要不能提重物不能跑, 呢半年我都係一個咁的狀態, 快啲捱過呢個赤馬影響啦! 仲爺今日又要踢波所以我又要煮飯, 不過老公返嚟都等佢煮埋另一個餸, 我要抖吓! 食完飯食埋雪糕就沖涼休息啦!

8/6/26

 8/6/26     MON     RAIN

今日都係休息啦, 我發覺唔食止痛藥就係咁M痛, 即係子宮強力收縮緊去復健緊個傷口, 所以今日都係要食番3次藥好啲! 朝早照樣送仲爺出門口, 跟住就hea囉, 唔係可以點呢, 本來想睇吓有咩學吓可以打發時間但都係冇, 真係幾無奈, 因為真係好悶! 到12點幾真係餓, 煮嘢食先, 食完繼續hea! 我呢啲真係奴才命, 喺屋企我堅係覺得好悶呀! 不過可能身體狀況咩都唔做得時又攰, 又會唔同! 佢兩個返嚟食完嘢都係入番房, 我都係自己喺廳, 洗完衫晾埋衫先, 老公返嚟揍咗仲爺去踢波, 咁我都要預備晚餐料, 唯有做吓抖吓, 食完洗埋碗就沖涼休息!

7/6/26

 7/6/26     SUN     COOL

今日其實只係手術後第二日, 我都算準備出門出好幾個鐘, 都算係大膽! 朝早6點幾醒咗去完廁所10點幾先再醒, 不過瞓到條腰都痛, 起身等老公煮早餐食, 我就洗衫摺埋啲衫先, 因為老公今日去踢波嗰到隔離正正有個香港人端午市集, 咁有緣都可以去八吓, 仲有半個鐘車程咋嘛, 車上車落我又可以坐, 問題不大的! 去到都係行吓企吓坐吓買嘢食咁, 其實嘢食一般啦, 有音樂表演但仲爺想玩又勁驚咁, 係唱得唔好架啦, 但要學習面對群眾唱歌係難, 慢慢嚟啦! 夠鐘就要過球場啦, 我喺門口坐咗陣吹咗陣風, 但都係想喺車等, 太大風啦! 等到7點到先踢完, 就跟大隊去食間香港人茶餐廳, 不過真係唔太好食囉, 食完返屋企都9點幾啦, 快啲沖涼休息!

6/6/26

 6/6/26     SAT     RAIN

今朝6點幾就醒咗, 然後瞓唔番, 但個人其實又攰架喎, 好矛盾! 8點幾老公帶咗仲爺去練波, 我就繼續hea到咁上吓先起身煮早餐, 明明叫子元幫我煮但條友又借啲二又唔煮, 咁我唯有靠自己, 但食完梗係叫佢洗啦, 然後繼續休息吓先! 到點幾覺得自己應該可以支撐到去買餸, 咁就換衫出去, 慢慢行又有手推車其實都可以, 但原來都真係幾攰, 行咗半個鐘咋喎都已經冇咩力, 所以都係繼續返屋企攤吓算, 繼續等食! 可能朝早起得早, 所以都真係攰尤其黃昏時間! 終於洗埋碗, 差不多10點要沖涼休息啦!

5/6/26

 5/5/26     FRI     WARM

今日係大日子, 人生第一次全身麻醉做手術! 跟住仲要朝早就收到ILR successful個email, 咁真係樣樣都大單嘢! 襯個腦仲運作到記錄吓! 禁食禁水, 淨係朝早今飲咗水食藥, 7點半未夠去到醫院, 真係要7點半先叫名入去, 先係要除哂衫藥手術袍, 但我都要求咗底褲著, 太性感搞唔掂! 然後就開始咗漫長的等待, 基本嘢驗血驗尿量血壓, 跟住係咁問嘢, 又要簽consent, 到10點幾開始就係等, 都幾慢長吓, 因為又餓又渴, 仲要第一個去做手術隔離床11點幾已經返咗嚟, 佢就真係好好彩可以排第一, 原來我係排第五, 結果, 我等到1點半先起行, 完全唔記得send message比老公, 不過佢都明的! 去到麻醉室, 我處於勁緊張的狀態! 我知自己震緊, 不過啲醫護人員勁專業, 除咗第一針種豆痛一痛啦, 跟住聞住氧氣落咗藥, 同佢講咗幾句嘢, 最後聽住佢講咗句叫我諗吓啲開心嘢, 我就冇咗知覺! 醒番時已經3點幾, 暈住喺recovery房, 都係等到適合先可以返病房, 期間對面床個男人, 應該同我差不多時間, 但佢好搞笑, 令我輕輕鬆鬆咁過渡咗呢個時間, 因為佢斷哂片咁成日要走落床, 一係叫極都唔醒, 一醒又要走落床, 笑死大家! 返到病房搵老公, 等佢預番時間嚟接我, 咁我就快啲飲水食嘢盡快去到廁所落到床, 疴到尿之後已經冇咁痛, 但手都痛呀, 右手又比人種多咗兩針, 除針時又流哂血, 搞完一大輪, 預到老公咩時間到就同護士夾番出院信, 咁啱醫生嚟手術後詢問, 睇吓我咩情況, 原來佢除咗割出面個肌瘤, 連入面大嗰個都割埋, 得番好細嗰粒因為是沒有突出來的所以不用割, 靠IUS減弱佢就得! 6點老公嚟接咗我返屋企就靠子元照顧我先, 佢又要返球場接仲, 我就食咗個薯蓉就飲吓水食咗止痛藥睇電視休息, 等到老公佢地買咗麥記返嚟食, 今日食咗全日都西餐呀! 明天要食粉麵先得! 10點幾返房沖涼, 真係要休息!

4/6/26

 4/6/26     THU     WARM

今日都係在家休息啦, 不過今朝等佢地出哂門口, 到咁上吓我就做埋清潔先, 因為明天一早就要去醫院啦冇時間做, 咁不如今日有氣有力做咗先, 跟住摺埋衫先, 然後有啲餓就煮咗個麵食, 老公今日請咗半日假, 因為我下午要去park royal嗰邊肝科第一次睇, 嗰個位又真係比較吊腳, 咁老公放工時叫咗外賣先, 返到嚟就有得食, 食完就可以出去! 去到都係睇咗十幾分鐘, 醫生只係睇咗我啲報告, 但又冇照過啲咩, 都冇咩可以做, 所以先去驗血, 6星期後照肝, 再book咗兩個月後再睇, 咁到時再睇吓點! 返到屋企繼續hea, 因為抽完血隻手都痛, 老公揍完仲爺去跑步就返嚟煮飯, 食完9點幾就沖涼休息!

3/6/26

 3/6/26     WED     WARM

今日繼續在家休息, 都係趕咗仲爺起身返學啦, 子元就自己一早返咗學校溫書, 下午先考試! 所以食完早餐我都係hea吓先, 聽住radio打吓機再上房開電腦, 因為收到ILR第三個email, 即係話差不多會出埋successful嗰架, 但都爬吓文睇清楚情況, 跟住又收到醫院consent form, 又要叫AI睇一次, 到咁上吓肚餓要煮嘢食啦, 然後都係睇電視, 佢地返嚟就洗埋衫晾衫等等, 今晚老公可以煮飯, 咁我可以休息一天! 食完睇電視到9點幾就沖涼休息啦!

2/6/26

 2/6/26     TUE     RAIN THUNDER

今日天氣真係好得人驚, 落大雨又天晴又再落, 都幾嚇人架! 不過我都喺屋企, 影響不大, 若果今日真係要返工, 可能我真係會撘巴士! 趕咗仲爺出門口, 子元話佢返學校溫書, 咁佢食完早餐先出去, 條友睇定天氣先, 落大雨前就返咗嚟! 我本來以為要收醫生電話先可以出醫生紙, 但原來係1點前會send嚟, 咁收到我又send埋比學校咁! 點幾食午餐, 食完都要準備睇court大結局, 真係好正! 之後都係催吓仲爺郁啦, 條友總係有十萬個借口, 等我好番我就唔會再對佢放軟手腳! 老公返嚟食埋嘢就帶佢去練波, 咁我又要煮飯, 然後都係睇電視沖涼休息!

1/6/26

 1/6/26     MON     WARM

今日繼續在家休息, 喺屋企活動係夠力的, 又要等醫院護士打嚟做手術前查問, 所以朝早都係有啲緊張, 心跳都加速埋, 我到3點多先叫做好啲, 之前真係一路都勁快, 點都慢唔到, 真係搞掂哂啲電話先叫做正常番! 因為12點幾食嘢, 所以老公返嚟時我都餓, 所以都煮咗丁麵食! 佢同仲爺去咗踢波, 我就要煮飯囉! 又睇哂4集成何體統, 又要等先有得再睇! 9點幾就返上去沖涼啦, 仲要量埋血壓呢, 好多嘢要prepare定星期五手術嘢!