27/6/26

 27/6/26     SAT     HOT

今日都仲係好熱, 又話開始涼番, 定係間屋未散到熱呢, 個廳都仲係長期31度, 朝早都要早少少起身, 因為要去仲爺學校買二手校服, 佢唔見咗件PE衫嘛都要買番件, 4鎊咋喎差好遠, 快手買完就去埋龍鳳同超市, 不過龍鳳隔離嗰間真係差少少, 冰又冇哂咁! 買完返屋企, 最慘係大寶出咗去玩, 冇人幫手搬嘢同分貨, 基本老公一個人搬哂上嚟, 我就要分哂貨, 因為仲爺要出門口踢波! 跟住我就要慢慢分貨, 又唔可以一次過攞太多, 我都仲係唔可以搬重嘢嘛! 然後老公又話要烚咗啲雞翼, 但舊嗰兩盒都變咗, 又要攞落去廚餘桶掉, 呢個星期太熱, 啲垃圾變哂蟲蟲溫床, 搞唔掂! 我都中間呢日倒咗轉垃圾, 跟住做清潔等等, 行上行落咁, 攰到隻嘢咁! 仲要洗衫呢, 再自己煮埋嘢食, 再返上去晾衫, 然後就可以打機啦, 不過都打到悶呀, 佢地6點多返到嚟, 最終晚飯都係冇食飯, 蒸咗雞就配各自選的主食, 飯後仲有食涼粉, 下星期應該涼啲啦掛!