12/3/23

 12/3/23.    SUN.    COLD

今朝細佬唔使比賽，不過就要湊阿哥去練波，朝早食腸粉，不過冇辣醬嘅腸粉都係唔係咁好食！做咗個哥哥去球場，我哋就去附近嘅市集，其實都係行吓，買下咖啡姐！不過見到嗰度有帶子買，就忍唔住買咗一份，需要上25磅，得15隻，但真係好好食！之後去球場，仲爺係都要落車，你說陪左佢去公園玩，玩到咁上下我夠皮啦，我要返上車休息！踢完波就去買飯團，然後去補習，跟住我哋終於可以返屋企！不過返到嚟都好忙，食完嘢，等老公整完啲工程，就要開始每個星期嘅清潔工作，次次做完都好攰！係咁行上行落，其實真係好攰！所以我都攤唞咗一輪，先至開始預備晚餐嘅嘢，老公揍完子元踢波就返嚟煮飯！晚飯照樣繼續睇模範的士，真係幾好睇，然後都係洗碗沖涼休息，今個星期返三日學咋，好嘢！