7/7/14

7/7/14   MON   HOT

今日要揍埋柏仲入青衣, 真係好辛苦, 大家都好熱! 揍得佢上到嫲嫲到都9點, 所以我返得工嚟都9點幾, 朝早都係做吓自己嘢啦, 冇咩特別, 午飯吃番琴日D隔夜pizza, 跟住落咗去曬相同入票! 下午老細返咗嚟, 講埋哂D廢話, 講飽就走啦! 放工即閃返去接哂兩隻嘢, 去法國進貢葉醫生, 老公喺灣仔放咗工就去登記咗先,打的過到去剛剛好, 先磅咗重, 子元23.7KG, 柏仲有8.62KG! 行到過去剛好有得睇, 先睇子元, 有少少喘要去聞氣, 柏仲就冇喘但有鼻水! 葉醫生仲玩吓柏仲又串吓子元嗰時一睇鼻就發顛咁, 見完葉醫生應該好好多啦, 就兵分兩路, 一個去聞氣一個去攞藥, 柏仲好快都瞓咗, 抱到我手都軟! 搞好藥就去食嘢, 去咗間新GE泰國嘢食, 因為之前食開嗰間執咗, 呢間新嘢仲好食! 食完過番對面馬路等巴士, 返到去第一時間沖涼, 老公同柏仲玩完一輪就交換, 佢哄子元瞓, 我餵埋柏仲食奶, 終於可以休息了!

<I am standing!>

 <兩兄弟, 排排企!>