14/7/14

14/7/14   MON   HOT**

今朝柏仲4點就喊醒, 好似知到要叫醒daddy睇波咁, 不過就搞到我又醒埋囉! 今日嫲嫲過嚟, 瞓到7點都要起身, 柏仲又醒咗都要餵埋佢先出到門口, 好在都趕得切巴士! 揍咗笨元入學校, 開始有少少唔捨得啦, 嚟緊只係揍佢撘校車咋! 送咗入學校就撘車買早餐返工啦, 今日老細冇返過嚟, 好自由, 朝早都係吹吓水做吓自己嘢啦, 午飯後電視又冇咩好睇, 都真係幾悶吓! 下午本來都唔想做吓公事, 但又唔做唔得, 咪做商會盤數囉, 點拖都要做架啦! 放工就返去啦, 等咗勁耐先有巴士, 返到去一陣嫲嫲就出街啦, 叫笨元睇住仲仲, 等我沖好個涼可以煮飯, 好在老公都好早返嚟, 咁沖好涼我就可以煮個快飯, 有個底係唔同D, 煮起都好快有得食, 整熱埋個粥比柏仲一齊食啦, 雖然都知佢唔會食好多架啦, 但都好過條友喺到食枱! 食完仲要洗碗啦, 做得嚟都8點幾, 又要出吓珠心算卷比笨元做吓, 真係唔知幾時先有得休息, 好在daddy打暈咗豬仲, 咁只係陪吓笨元, 等佢瞓埋就可以休息, 柏仲11點幾喊醒, 順手食埋奶我地都瞓啦!