19/7/14

19/7/14   SAT   HOT

結業禮同生日會冇咗, 但就換嚟K2K3家長可以睇早會操囉, 程生嚟車我地, 又5人車當7人車用, 因為婷婷要上playgroup嚟唔到住! 返到學校門口影吓相咁啦, 成班顛哂係到玩, 真係好辛苦先影到D咋, 送咗佢地入學校又要出番嚟先, 等佢地ready先可以入去, 仲要抬埋枱仲架車入去, 因為佢瞓咗嘛! 睇嗰時反而就真係有D感動想想地喊, 可能太耐冇睇, 諗番佢N組嗰時囉! 睇完就捉埋D明天要負責表演的家長入嚟跳, 不過老公又唔想, 但最終都比龍校長捉咗出嚟跳, 仲要比人點名話要留堂呢, 咁當然後講啦, 邊會留你! 過太興食早餐, 嫲嫲已攞位, 去到就有得食, 柏仲終於醒咗啦, 食完返上青梅hea吓先, 11點幾餵埋餐奶先落去揍子元, 同埋敏瑩及希霖佢地一齊麥當勞就算, 然後分兩架車過去, 老公撘到希霖佢地順風的士, 好快過到去, 足足等咗一個鐘先入得去, 要控制住佢地先最辛苦, 佢地考緊我地咪等囉, 差不多4點先走得, 過咗mega box食少少嘢, 餵埋柏仲食奶換片就去咗書局買咗D暑期作業比笨元做, 去行埋反斗城同IKEA買埋個梳妝台就返過德福食晚飯, 企咗太耐超攰, 食嘢時又要顧埋柏仲, 佢都唔係好肯食飯, 好麻煩! 終於食完返屋企啦, 我已超攰! 返到去沖好涼就再要執嘢, 主要執咗笨元D嘢先, 其他可以明天才執, 因為我地冇咁早出門口!

<真係最後一日著幼稚園校服啦!>

 <和同學仔們影相!>

 <參加珠心算評核!>

 <九龍灣有transformer!>