18/8/14

18/8/14   MON   HOT

今日又要返工啦, 柏仲好準時7點就嘈, 子元醒咗睇電視, 聽到柏仲嘈就入嚟同佢玩吓, 咁我7點半都要起身架啦, 但真係超攰呀, 呢排都夜瞓柏仲又早醒, 超唔夠瞓! 買早餐返去食完就快手寫日記呀等等, 11點要開會呢, 開到12點又free啦! 午飯後打吓機咁, 而家愛上咗打迪士尼嗰個公仔Game呢! 下午都係做吓自己嘢又做吓公事啦, 執吓D File咁! 放工阿媽攞咗湯嚟, 我又去曬埋相先返去, 局住撘巴士快手D返去囉! 沖好涼不久又食飯啦, 飯後又可以free吓, 奶奶搞掂D嘢回家, 老公帶子元去練波, 我就同柏仲喺屋企, 玩一陣又執吓嘢, 佢就成日要痴住, 放佢喺地玩唔夠5分鐘又爬嚟找我! 最終我又執咗個机仔, 好滿足! 9點到佢兩父子返, 沖好涼想同柏仲玩吓都唔得, 因為柏仲係咁扭瞓捽眼, 不過係好可愛架! 快手一人K.O.一個囉, 餵完奶噯一陣放入房囉, 跟住同笨元goodnight埋就自由啦, 打吓機睇吓主君, 12點前要瞓啦, 唔係又唔夠瞓!

<起到個patpat一陣咁大把!>