29/3/24

 29/3/24     FRI     COLD

今日係戲院日，因為睇咗兩場戲嘛！子元自己留咗喺屋企，我地淨係帶仲仲去，10點幾先睇12怪盗，入去坐咗15分鐘都冇嘢睇，已經有人出咗去問，轉頭有工作人員入嚟話轉第二個院，應該播錯咗囉，好笑！偶像電影嚟講其實都唔錯，劇情基本估到哂！睇完去咗對面食中餐，大大份啱哂黑洞！跟住再去戲院，開場前5分鐘入場，點知係商場嗰間戲院先啱，好在趕得切行過去，入到去仲要睇15分鐘廣告先開場，今次睇哥斯拉，仲仲睇到中間瞓咗，到打架先叫番醒佢！睇完去超市買埋餸先返去，老公要搬埋木板去前院先沖涼煮飯！