22/3/24

 22/3/24     FRI     COOL

終於到星期五啦, 今日都算係易過, 揍咗仲爺返去, 佢今日有籃球活動, 成日講! 返到去照開工啦, 悶悶的都係睇吓機咁, 因為真係冇嘢可以幫嘛! 個學生中午就走, 我食完飯就要跟另一個, 都冇咩事PE堂啫, 仲同Letty佢地一齊上, 玩吓bench ball咁夠鐘就放學走人, 算係唔錯! 又唔洗接仲仲, 去超市買吓買吓又買咗幾袋! 返去食完嘢, 開咗電腦就做多幾樣嘢啦, 然後就係睇吓電視囉, 8點多先煮飯, 都係簡單食意粉咋, 食得嚟睇埋電視都10點幾先去沖涼啦!