30/11/24

 30/11/24     SAT     COOL

今朝其實7點幾醒咗但都hea到9點幾10點先起身, 諗起哥哥又話11點做gym點解仲喺屋企, 原來佢以為我地車佢去, 咁唯有快啲齊齊煮早餐, 然後出門口車佢去, 跟住我地就去Ealing Broadway買仲仲明天生日會的汽球, 再去starbucks先, 仲有去咗morrison買米, 做特價嘛但原來要會員先有, 我嗰吓又DL唔到個apps, 好在最終搵到個顧客用佢張卡嘟咗咁就有得平! 買埋餸返屋企, 整咗午餐簡單食咗, 叫仲爺做功課執房, 明天生日會唔想亂七八糟! 等佢地去咗踢波, 我就做清潔啦, 然後就要預備晚餐等老公返嚟煮, 我就上房用吓電腦先!