23/2/24

 23/2/24     FRI     Hail

星期五永遠都有驚喜，明明我今日應該跟Daisy輕鬆架嘛，點知返去又搵唔到佢又唔見佢，到最後應該係根本冇人安排好，cover緊我嗰個跟咗Daisy出trip，咁我變咗要調轉跟佢嗰個，嗰件Anjalina都係咁麻煩，佢根本係針對啲弱勢老師，重點係搞著我嘛，啲老師成日想踢佢出課室但又唔可以先慘，最差係佢踩到我底線，又搶我電話又係咁掂我，又攞我啲嘢，有個老師叫我寫底再email比飯筒，我覺得是但啦，佢太過份其實都要！幾經辛苦捱到放學，諗住可以返屋企，點知一出學校門口就落雹，等咗一輪好啲先行得，冇雹但有雨，我返到去濕哂，凍到兩條大腿紅哂，乾好自己再食埋嘢，又要出去買餸，車咗仲仲去球場再同老公一齊去買，等仲爺踢完返去煮飯等等！